19:59 07.07.2021
Շիրակի մարզում այս տարի կհիմնանորոգվի 65 կմ համայնքային, միջմարզային, հանրապետական ու միջպետական նշանակության ճանապարհ: Առայժմ հիմնանորոգման աշխատանքները միայն մի քանի ճանապարհահատվածներում են մեկնարկել, մյուսներում դեռ մրցութային փուլն է: Մարզի որոշ ճանապարհահատվածների նորոգումը փուլային է: Օրինակը Երևան-Գյումրի-Բավրա միջպետական նշանակության ճանապարհն է: Անցած տարի ճանապարհի 14 կիլոմետրանոց հատվածն է հիմնանորոգվել, այս տարի ևս 4 կիլոմետրն է նորոգվում:
Երևան-Գյումրի-Բավրա մայրուղու տարբեր հատվածներում վարորդները երթևեկում են տարբեր արագության: Թորոս-Ցողամարգ հատվածն ասֆալտապատ է, Ցողամարգից Վարդաղբյուր նույնպես, Վարդաղբյուրից Աշոցք հատվածում մեծ ու փոքր փոսեր են, իսկ Աշոցքում ճանապարհը երթևեկելի վիճակի է բերված փոսային նորոգումներով: Միջպետական մայրուղին ամբողջությամբ հիմնանորոգելու համար պետբյուջեի հատկացումները միշտ չեն բավականացրել: Անցած տարի հիմնանորոգվել է Քեթի-Ցողամարգ հատվածը: Միջանկյալ մասը՝ Վարդաղբյուրից մինչև Աշոցք քարուքանդ է:
Մայրուղին ծանրաբեռնված է բեռնատարների երթևեկությամբ: Այստեղով են անցնում նաև Վրաստանի սահմանը հատող տրանսպորտային միջոցները: Վարդաղբյուր-Աշոցք հատվածում նստվածքներ են, պատճառը գրունտային ջրերն են: Տարածքում ստորջրյա աղբյուրներ կան:
«Գրունտներն ամբողջությամբ կհեռացվեն, հիմնատակն ամբողջությամբ կհեռացվի: Ուսումնասիրվել է տարածաշրջանի գրունտը և երկրաբանական հետազոտություն է կատարվել: Նախագծանախահաշվային փաստաթղթերում դրանք հաշվի են առնվել: Չորս ու մեկ կիլոմետրանոց հատվածը վերանորոգելու ընթացքում կկիրառվի նոր լիցքի և նոր հիմքի տեղադրումը: Ճանապարհը կլինի երկշերտ ասֆալտի ծածկով»,- Shantnews-ին ասել է Շիրակի մարզպետարանի տրանսպորտի և ճանապարհաշինության բաժնի պետ Խաչատուր Խնձրցյանը:
Այս հատվածի շինարարությունը մինչև տարեվերջ է ավարտվելու: Նախորդ տարիներին միջպետական մայրուղու շինարարությունը ձգձգվում էր` պայմանավորված «Հյուսիս-հարավ» արագընթաց մայրուղով: Տրանշ 5-ն է անցնելու Գյումրի-Բավրա ճանապարհով: Հիմա Տրանշ 5-ի մեկնարկի ժամկետներն են անհայտ, ըստ այդմ՝ որոշվել է մայրուղին երթևեկելի վիճակի բերել:
Այս տարի հիմնանորոգվող ճանապարհների ցանկում է նաև Գյումրի-Արմավիրի առանձին հատվածներ: Հանրապետական նշանակության ճանապարհի վիճակը համարվում է ամենավատը մարզում:
«65 կմ-ի մեջ մտնում է նաև 2,5 կմ Արմավիր-Գյումրի ճանապարհի Ղարիբջանյան գյուղի հատվածը: Այս ճանապարհահատվածի համար 1 անգամ մրցույթը չկայացավ, հուլիսի 14-ին է հաջորդ մրցույթը: Ընդգրկված է նաև նույն ճանապարհի Գուսանագյուղ- Ջրափի հատվածը, որի երկարությունը 25 կմ է: Հիմնանորոգման աշխատանքներ են կատարվելու, բայց դեռ մրցույթ չի հայտարարվել»,- ասել է Խաչատուր Խնձրցյանը:
Շինմրցույթներում հաղթում են այն ընկերությունները, որոնք ամենացածր գինն են սահմանում հիմնանորոգման համար: Օրինակ՝ Վարդաղբյուր-Աշոցք հատվածը գնահատվել է 600 մլն դրամից ավելի, իսկ շահող կազմակերպությունն առաջարկել է գործն ավարտել 529 մլն-ով: Բոլոր մրցույթների արդյունքում տնտեսված գումարները թույլ են տվել լրացուցիչ ճանապարհահատվածներ նորոգել: Այս տարի լրացուցիչ մեկնարկեն Գյումրի-Հացիկ և Արթիկ-Անուշավան ճանապարհների նորոգումները:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
21:57 17.06.2025
Թուրքերն ադրբեջանցիներին դավաճանության մեջ են մեղադրում. Իրան-Իսրայել պատերազմը մերկացրել է Բաքվի ու Անկարայի միջև եղած հակասություններըԻրանի դեմ պատերազմական գործողություններում Իսրայելին ցուցաբերվող Ադրբեջանի անուղղակի աջակցությունը Բաքվի ու Անկարայի միջև հարաբերություններում լարվածության պատճառ է դարձել: Թուրքիայում Իլհամ Ալիևին մեղադրում են սիոնիստ ագրեսորներին պաշտպանելու մեջ: Ինչո՞ւմ է դրսևորվում Անկարայի ու Բաքվի միջև լարվածությունը: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Առայժմ այդ լարվածությունը դրսևորվում է թուրքական մամուլում հակաադրբեջանական հոդվածների շարքով: Եվ տպավորություն կա, […] ...
21:51 17.06.2025
«Նոայի» մրցակիցը հայտնի է․ ՉԼ որակավորման փուլՇվեյցարիայի Նիոն քաղաքում տեղի է ունեցել ՈւԵՖԱ-ի Չեմպիոնների լիգայի 2025/26 մրցաշրջանի առաջին որակավորման փուլի վիճակահանությունը։ Հայաստանի չեմպիոն «Նոան» մրցելու է Մոնտենեգրոյի «Բուդուչնոստ Պոդգորիցայի» հետ։ Մրցող թիմերի միջև առաջին հանդիպումը կկայանա Երևանում։ Հանդիպումները նախատեսված են 2025 թվականի հուլիսի 8-9-ին և 15-16-ին։ Խաղերի ճշգրիտ օրերն ու ժամերը կհաստատվեն առաջիկա օրերին։ ...
21:45 17.06.2025
Իրանի ԶՈՒ ԳՇ պետ. Իրանը դեռևս լուրջ գործողություններ չի իրականացրել Իսրայելի դեմԻրանը դեռևս որևէ լուրջ գործողություն չի իրականացրել Իսրայելի դեմ, այլ սահմանափակվել է նախազգուշական հարվածներով։ Այս մասին հայտարարել է Իսլամական Հանրապետության զինված ուժերի գլխավոր շտաբի պետ Աբդուլռահիմ Մուսավին։ «Մինչ այժմ իրականացված գործողությունները միայն որոշակի նախազգուշացում են եղել (թշնամուն) զսպելու համար», – ընդգծել է Մուսավին: Նա նշել է, որ շուտով կիրականացվեն պատժիչ գործողություններ։ ...
21:37 17.06.2025
Ի՞նչ է անապատացումը«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել անապատացման վերաբերյալ: Ի՞նչ է անապատացումը Անապատացումը հողի դեգրադացման գործընթաց է, որը տեղի է ունենում հիմնականում կլիմայի փոփոխության և մարդու ոչ կայուն գործունեության հետևանքով։ Այն արտահայտվում է հողի բերրիության կորստով, բուսածածկի նոսրացմամբ և կենսաբազմազանության նվազմամբ։ Անապատացումը վտանգում է մարդկանց սննդային անվտանգությունը, գյուղատնտեսական արտադրողականությունը, ջրային ռեսուրսների հասանելիությունը: Անապատացումը նպաստում […] ...
21:32 17.06.2025
Reuters. ԱՄՆ-ն ավելի շատ կործանիչներ է տեղակայում Մերձավոր ԱրևելքումՊենտագոնը լրացուցիչ կործանիչներ է տեղակայում Մերձավոր Արևելքում՝ Իսրայելի և Իրանի միջև փոխադարձ հարվածների պատճառով։ Այս մասին հայտնել է Reuters-ը։ Լրատվամիջոցը, ամերիկացի պաշտոնյաների շրջանում իր աղբյուրների համաձայն, նշվում է, որ սա վերաբերում է, մասնավորապես, F-16, F-22 և F-35 ինքնաթիռներին։ Հաղորդվում է, որ տեղակայումն իրականացվում է պաշտպանական նպատակներով։ Իսրայելի վարչապետ Բենիամին Նեթանյահուն հունիսի 15-ին Fox News-ին տված […] ...
