18:09 26.07.2021
Գյումրիի թիվ 41 հիմնական դպրոցի տնօրենը, որը մրցույթով ընտրվել էր ընդամենը երկուսուկես ամիս առաջ, Շիրակի մարզպետի որոշմամբ աշխատանքից ազատվել է, իսկ հիմնավորումն այն է, որ տնօրենի թափուր տեղի համար անցկացված մրցույթում ընթացակարգային խախտում է հայտնաբերվել: Արդեն նախկին տնօրենը որոշումը բողոքարկել է դատարանում: Նրա ներկայացրած հայցը ընդունվել է վարույթ: Միևնույն ժամանակ լիազոր մարմինը՝ մարզպետարանի կրթության վարչությունը, դպրոցում տնօրենի ժամանակավոր պաշտոնակատար է նշանակել և ընդունման-հանձնման գործընթաց իրականացրել:
Աշխատանքային օրերի հաշվարկով, թիվ 41 դպրոցում տնօրենի մրցույթը պետք է կայանար ապրիլի 14-ին, բայց կայացել է ապրիլի 13-ին: Սա է այն ընթացակարգային խախտումը, որը հիմա տնօրենին պաշտոնանկության հիմք է դարձել: Այնուհանդերձ, հաղթող ճանաչված թեկնածու Արմինե Գևորգյանի հետ աշխատանքային պայմանագիր մարզպետը կնքել է մայիսի 17-ին: Հիմա, ըստ նախկին տնօրենի, պարզվել է, որ տնօրենի մրցույթը ընթացակարգային խախտում ուսումնասիրելու որոշում եղել է մայիսի 14-ին: Երկու որոշումների միջև առկա հակասությունը նախկին տնօրենը բացատրում է սրանով, որ մայիսի 14-ի որոշումը հետին թվով է հայտնվել մարզպետարանի կայքէջում:
«Մայիսի 14-ի նախարարության եզրակացությունը հին թվով կախել են մարզպետարանի կայքէջում․․․ Սրա մեջ էլ կա միտում: Եթե մարզպետը ստացել էր որոշումը, եթե կար խախտում, ապա պետք է դիմեր կառավարման խորհրդին, այդ իսկ պահից դադարեցվեր մրցույթը: Հիմնական մեխը իմ անձն է, հիմնական մեխը հավաստագրի ժամկետն է»,- SHANTNEWS-ին ասել է Գյումրիի թիվ 41 հիմնական դպրոցի նախկին տնօրեն Արմինե Գևորգյանը:
Արմինե Գևորգյանի լիցենզիայի ժամկետը լրացել է մայիսի վերջին: Այսինքն՝ տնօրենի նոր մրցույթին մասնակցելու համար նա նորից պետք է լիցենզիա ստանա և տեղավորվի այն ժամկետներում, երբ նշանակված է նոր մրցույթը: Տնօրենի թափուր պաշտոնի համար նոր մրցույթը կկայանա հոկտեմբերի 7-ին: Իսկ մինչ այդ տնօրենի ժամանակավոր պաշտոնակատար կլինի նախորդ մրցույթում կառավարման խորհրդի 3 ձայն ստացած թեկնածուն՝ Հայաստան Հովհաննիսյանը: Ծնողների հետ հանդիպմանն այսօր նա բացատրեց, թե ինչու է ժամանակավոր պաշտոնակատար հենց ինքը նշանակվել:
«Եթե պաշտոնը թափուր է, 3 օրվա ընթացքում լիազոր մարմինը պետք է նշանակի ժամանակավոր պաշտոնակատար: Փոխտնօրենը արձակուրդի մեջ է գտնվում: Ես որոշեցի օգտվել այդ հնարավորությունից և դիմում ներկայացրի լիազոր մարմնին, որ պատրաստ եմ այս աշխատանքը վերցնել իմ պատասխանատվության տակ, մինչև նոր մրցույթի անցկացումը: Այդ որոշումը կայացրի, որովհետև մասնակցել էի մրցույթին ու ծանոթ եմ դպրոցի խնդիրներին»,- SHANTNEWS-ին ասել է Գյումրիի թիվ 41 հիմնական դպրոցի տնօրենի ժամանակավոր պաշտոնակատար Հայաստան Հովհաննիսյանը:
Նոր նշանակված տնօրենի ժամանակավոր պաշտոնակատարը միևնույն ժամանակ չբացառեց, որ երկու ամիս պաշտոնավարելուց հետո մրցույթին մասնակցելու է:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
10:09 04.08.2025
Մի քանի ժամով կդադարեցվի Արարատ քաղաքի ջրամատակարարումը«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ օգոստոսի 4-ին ժամը 10:00-14:00-ն կդադարեցվի Արարատ քաղաքի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:00 04.08.2025
Xinhua․ Չինաստանը կթողարկի ֆիլմ ճապոնական բիոլաբորատորիաների մասինՉինաստանը Համաշխարհային հակաֆաշիստական պատերազմում տարած հաղթանակի 80-ամյակի առթիվ կթողարկի ռեժիսոր Չժաո Լինշանի «731» պատմական ֆիլմը, որը պատմում է իմպերիալիստական Ճապոնիայի կենսաբանական լաբորատորիաների մասին, հաղորդում է «Սինհուա»-ն։ Նրա խոսքով՝ ֆիլմը կթողարկվի սեպտեմբերի 18-ին՝ 1931 թվականին Ճապոնիայի կողմից Հյուսիսարևելյան Չինաստանի օկուպացիայի սկզբի օրը (Մուկդենի միջադեպ): Ֆիլմը հիմնված է մարդկանց վրա անցյալ դարի առաջին կեսին ճապոնական № 731 […] ...
09:47 04.08.2025
ՍԱՏՄ ղեկավարն ընդունել է ԳՈւՄ-ի շուկայի մսավաճառներինՎերջին շրջանում իրացման շուկայում մսի սպանդանոցային ծագման նկատմամբ իրականացվող վերահսկողության արդունքում միայն Երևանում առգավվել և ոչնչացման է տարվել 1859,9 կգ միս-մսեղիք: Այս մասին տեղեկացնում են ՍԱՏՄ-ից։: «Արձագանքելով Երևանի Խորենացու (ԳՈՒՄ-ի շուկա) փողոցում գտնվող իրացման կետերում միս-մսեղիքի իրացմամբ զբաղվող տնտեսավարողների խնդրանքին՝ տեսչական մարմնի ղեկավար Տիգրան Պետրոսյանն ընդունել է նրանց ներկայացուցիչներին: Մսավաճառները ներկայացրել են իրենց խնդիրը. իրենք […] ...
09:40 04.08.2025
ՄԱԳԱՏԷ-ի պատվիրակությունը հաջորդ շաբաթ կայցելի Թեհրան․ Al MayadeenՄիջազգային ատոմային էներգիայի գործակալության (ՄԱԳԱՏԷ) պատվիրակությունը հաջորդ շաբաթ կայցելի Թեհրան, հաղորդում է Al Mayadeen հեռուստաալիքը՝ հղում անելով իր աղբյուրներին։ Նրանց տեղեկությունների համաձայն՝ պատվիրակության կազմում տեսուչներ չեն լինի, քանի որ «բանակցությունները կկենտրոնանան հարցի քաղաքական կողմի վրա»։ Ակնկալվում է, որ կողմերը «կքննարկեն գործակալության հետ համագործակցությունը կասեցնելու մասին խորհրդարանի կողմից ընդունված օրենքի կիրառման մեխանիզմները»։ Հուլիսի 2-ին Իրանի նախագահ […] ...
09:33 04.08.2025
Ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ օգոստոսի 4-ի ժամը 07:00-ից մինչև օգոստոսի 5 –ի ժամը 07:00-ը կդադարեցվի Ծովազարդ ,Բերդկունք ,Հայրավանք ,Լճափ, Չկալովկա ,Նորաշեն ,Լճաշեն գյուղերի ջրամատակարարումը: ...
09:28 04.08.2025
Հնդկաստանը հսկայական կորուստներ կկրի ռուսական նավթից հրաժարվելու պատճառով․ KplerՀնդկաստանը կարող է միլիարդավոր դոլարների կորուստներ կրել, եթե հրաժարվի ռուսական նավթից՝ ի պատասխան ԱՄՆ սպառնալիքների, գրում է The Economic Times-ը՝ հիմնվելով Kpler վերլուծական կենտրոնի զեկույցի վրա։ «Ֆինանսական հետևանքները հսկայական են։ Ենթադրելով, որ օրական 1.8 միլիոն բարել նավթի մեկ բարելի համար 5 դոլար զեղչի կորուստը կկորցնենք, Հնդկաստանի ներմուծման ծախսերը կարող են տարեկան աճել 9 միլիարդ դոլարով՝ […] ...
