18:55 25.08.2021
«Իմ հայ երեխաները»․ այսպես է կոչվում գերմանացի գրող, հրապարակախոս Լոիզ Ֆիշեր Ռուգեի գրիքը, որը 88-ի երկրաշարժից տուժած այն երեխաների մասին է, որոնք բուժում են ստացել Մոսկվայի մանկական կլինիկայում։ Հեղինակն այդ տարիներին Մոսկվայի հիվանդանոցին բժշկական սարքավորումներ է նվիրաբերել ու հենց այստեղ էլ ծանոթացել է հայ երեխաներին ու գրի առել նրանց փրկության պատմությունները:
Գիրքը գերմաներենով լույս է տեսել 1989 թվականին, բայց թարգմանված տարբերակը հրատարակվել է միայն այս տարի: Գրքի հայերեն թարգմանությունը ստանձնել է Վանուհի Բաղմանյանը, ով ևս ներկա էր գրքի շնորհանդեսին: Հայերենով թարգմանելու նախաձեռնությունը գրքի հերոսներից Ազնիվ Նասլյանինն է, որը Սպիտակ քաղաքի փլատակներից է փրկվել ու հայտնվել Մոսկվայի կլինիկայում:
Այսօր հեղինակը՝ Լոիզ Ֆիշեր Ռուգեն Շիրակի մարզային գրադարանում ներկա է գտնվել գրքի թարգմանված տարբերակի շնորհանդեսին, որին մասնակցել են գրքի հերոսները: 33 տարի անց նրանց հանդիպումը հեղինակի հետ հուզիչ ու ջերմ էր:
«Գիրքն իմ երեխաների մասին է, այդ տարիներին ես ապրում էի իրենցով, իրենց կյանքով։ Գերմանիայից Մոսկվա էի հասնում, որ իմ երեխաների կողքին լինեի, օգնեի, գուրգուրեի, որի կարիք շատ ունեին։ Իմ ամբողջ սերն եմ տվել նրանց։ Ամեն օր մեկին նորովի էի բացահայտում, գրում էի իրենց խոսքերն ու այն ամենը, ինչ պատմում էին։ Իրենց ցավն իմն էր դարձել, ես իրենց հերոսներ չեմ դիտարկել, նրանք ինձ համար կյանքում պայքարի խորհրդանիշներ են եղել։ Այսօր ես նորից իմ հայ երեխաների կողքին եմ ու վերապրում եմ այդ տարիները»,-ասում է գրքի հեղինակ Լոիզ Ֆիշեր Ռուգեն։
Շատերի համար 88-ից հետո Մոսկվայում անցկացրած ամիսները որոշիչ են եղել մասնագիտության ընտրության հարցում:
«Ես 14 տարեկան էի, դպրոցում եմ եղել երկրաշարժի ժամանակ, հետո տեղափոխվել եմ Մոսկվա, հետո Կանադա։ Ես դեռ փոքրուց էի ուզում դառնալ բժիշկ, բայց ավելի շատ հիվանդանոցում, այդ օրերը հետք թողեցին, ու դեռ այդտեղ ես ինձ բժիշկ էի պատկերացնում։ Տիկին Լոիզը մեզ համար ընտանիքի անդամի նման է եղել, բոլորիս հետ մտերիմ էր, կարծես իր սեփական երեխաները լինեինք»,- պատմել է «Գյումրի» բժշական կենտրոնի փոխտնօրեն, բժիշկ Արմեն Խաչատրյանը։
«Հիմա ավելի շատ բան ես այս գրքից եմ իմանում, լավ չեմ հիշում այդ տարիները։ Տիկին Լոիզը մեծ օգուտ է տվել մեզ, հիվանդանոցին բուժսարքավորումներ է բերել, բայց դրանք այն ժամանակ մեզ այնքան էլ հետաքրքիր չէին, մեզ այդ օրերին հետաքրքիր էր միայն նրա հետ կապը, որը մեծ ջերմություն էր փոխանցում»,- ասում է Ազնիվ Նասլյանը։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
08:30 02.08.2025
ՃՏՊ Վաղարշապատ-Երևան ավտոճանապարհին․ կա տուժածՕգոստոսի 2-ին, ժամը 05։20-ին Ճգնաժամային կառավարման ազգային կենտրոն ահազանգ է ստացվել, որ Երևան-էջմիածին ավտոճանապարհին՝ Զվարթնոց թաղամասի խաչմերուկի մոտակայքում, տեղի է ունեցել ՃՏՊ․ կա արգելափակված քաղաքացի։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Վաղարշապատ-Երևան ավտոճանապարհի 5-րդ կմ-ին «VAZ» մակնիշի ավտոմեքենան բախվել է կայանած «ZIL» մակնիշի բեռնատարին․ […] ...
23:59 01.08.2025
Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում գրել է. «Երևանը շարունակում է զարգանալ: Ավան վարչական շրջանում երևանցիների համար ստեղծում ենք անվտանգ ու հարմարավետ բակային միջավայր՝ կանաչ տարածքներ, հանգստի վայրեր, ժամանակակից խաղահրապարակներ ու ֆուտբոլի դաշտեր: Մեր նպատակը պարզ է՝ բակերը վերադարձնել իրենց իրական տերերին՝ մարդկանց»։ Մանրամասները՝ տեսանյութում: ...
23:56 01.08.2025
Երևանի խնդրանքով ՌԴ-ն միջոցներ կձեռնարկի հացահատիկային բեռների անցումը Վերին Լարսի անցակետով թույլատրելու համարՌուսաստանի կառավարությունը Հայաստանի խնդրանքով հանձնարարել է լրացուցիչ միջոցներ ձեռնարկել Ռուսաստանից Հայաստան հացահատիկով բեռնատարների անցումը Վերին Լարսի անցակետով կազմակերպելու համար, հայտարարել է Ռուսաստանի փոխվարչապետ Ալեքսեյ Օվերչուկը։ «Ռուսաստանի Դաշնության իրավասու մարմիններին հանձնարարվել է լրացուցիչ միջոցներ ձեռնարկել Ռուսաստանից Հայաստանի Հանրապետություն հացահատիկով բեռնատարների անցումը Վերին Լարսով կազմակերպելու համար, որոնց տեղաշարժը սահմանափակվել էր վատ եղանակի և սելավի պատճառով։ Մենք փորձում […] ...
23:49 01.08.2025
El Tiempo. Կոլումբիայի նախկին նախագահը կդատապարտվի 12 տարվա ազատազրկման՝ վկային կաշառելու համարԴատարանը Կոլումբիայի նախկին նախագահ Ալվարո Ուրիբեին, որը մեղավոր է ճանաչվել վկային կաշառելու մեջ, կդատապարտի 12 տարվա ազատազրկման։ Այս մասին հայտնել է El Tiempo թերթը, որը ծանոթացել է դատավորի վճռին։ «Ալվարո Ուրիբե Վելեսը կդատապարտվի 144 ամսվա, այսինքն՝ 12 տարվա ազատազրկման, նվազագույն աշխատավարձի 2420 չափով տուգանքի և 100 ամիս 20 օր ժամկետով պետական պաշտոններ զբաղեցնելու արգելքի», – […] ...
23:40 01.08.2025
Սևանա լճում քաղաքացիները հայտնաբերել են տղամարդու մասնատված մարմինՕգոստոսի 1-ին, առեղծվածային ու ողբերգական դեպք է տեղի ունեցել Գեղարքունիքի մարզում։ Ժամը 18:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության ոստիկանության Մարտունու բաժնում օպերատիվ տեղեկություններ են ստացվել, որ Մարտունի խոշորացված համայնքի Արծվանիստ բնակավայրի Սևանա լճում դի կա։ Այս մասին հաղորդում է shamshyan.com-ը, տեղում պարզվել է, որ քաղաքացիները ափից մոտ 200 մետր հեռավորության […] ...
23:29 01.08.2025
Հութիները հայտարարել են Բեն Գուրիոն օդանավակայանի վրա բալիստիկ հրթիռ արձակելու մասինԵմենի ապստամբ «Անսար Ալլահ» շարժման հութիները գերձայնային բալիստիկ հրթիռով հարվածել են Թել Ավիվի Բեն-Գուրիոն օդանավակայանին։ Այս մասին հայտարարել է ապստամբների ներկայացուցիչ Յահյա Սարիան։ «Հրթիռային զորքերն իրականացրել են եզակի ռազմական գործողություն՝ հարձակվելով Լոդ օդանավակայանի (խմբ. Բեն-Գուրիոն) վրա՝ օգտագործելով «Պաղեստին-2» տիպի գերձայնային բալիստիկ հրթիռ», – ասել է Սարիան, որի ելույթը հեռարձակվել է ապստամբներին պատկանող Al Masirah հեռուստաալիքով։ […] ...
