18 05 2024

$

387.60
4.26
€

420.12

+10.09 ^oC

Լիբանանահայ պատանի ջութակահարները ելույթ են ունեցել Գյումրիի պետական սիմֆոնիկ նվագախմբի հետ

ՄՇԱԿՈՒՅԹ ԵՎ ԱՐՎԵՍՏ

19:35 06.09.2021

Գյումրիի պետական սիմֆոնիկ նվագախումբը սկսել է նոր համերգաշրջանը։ Այս տարին ևս համերգային շատ օրեր կլինեն հրավիրյալ դիրիժորների ու երաժիշտների հետ համատեղ։ Համերգաշրջանի մեկնարկի առաջին օրը Գյումրիի պետական սիմֆոնիկ նվագախմբի հրավիրյալ երաժիշտները եղել են լիբանանցի պատանիները։

«Այսօրվա մեր հյուրերը պատանի ջութակահարներն են։ Մենք աշխատում ենք արտերկրում ապրող մեր հայրենակիցներին ևս մասնակիցը դարձնել մեր նվագախմբի։ Նրանք, ճիշտ է, դեռ փոքր են, բայց պետք է նրանց ևս հարթակ ու հնարավորություն տալ մեծ բեմերում ներկայանալու։ Մենք շարունակելու ենք տաղանդավոր պատանի երաժիշտներին, պրոֆեսիոնալներին հրավիրել մեր նվագախումբ, սա նաև մեզ համար է կարևոր, երկխոսությունների ու փորձի փոխանակում է երաժիշտներիս համար»,- SHANTNEWS.am-ի հետ զրույցում ասել է նվագախմբի գեղարվեստական ղեկավար Երվանդ Վարոսյանը։

Լիբանանահայ պատանի երկու ջութակահարները 13 տարեկան են։ Երկուսն էլ Բեյրութի ազգային կոնսերվատորիայի սաներ են։ Պատանի Էդուարդը ջութակահար, մանկավարժ, ՀԽՍՀ արվեստի վաստակավոր գործիչ Էդուարդ Դայանի թոռն է։ Ծնվել է Երևանում, բայց 8 տարեկանից բնակվում է Բեյրութում։ Հայաստանում սա իր համերգային առաջին շրջագայությունն է։

«Պապիկս՝ Էդուարդ Դայանը, Հայաստանում հայտնի ջութակահար էր, հայրս էլ է ջութակահար, մայրս՝ նույնպես։ Ծնողներս չէին ուզում, որ ես էլ ջութակահար դառնամ, բայց սիրում էի այդ գործիքը ու ստիպեցի, որ ինձ էլ գնեն ջութակ։ Ու սկսվեց իմ երաժշտական ուղին ծնողներիս հետ։ Բայց ինձ չեն դասավանդում, թեև աշխատում են Լիբանանի կոնսերվատորիայում։ Ինձ դասավանդում է պապիկիս ուսանողը՝ Արթուր Տեր-Հովհաննիսյանը։ Այսօր մեծ նվագախմբի հետ ելույթս երկրորդն է, Հայաստանում՝ Գյումրիում՝ առաջինը»,- նշել է Էդուարդ Դայանը։

Քեվին Քանաան 3 տարեկանից հաճախել է երաժշտական խմբակներ։ Տղայի մայրը հայ է, հայրը՝ լիբանանցի։ Քեվինը հայերեն չի խոսում։ Սա նրա Հայաստան երկրորդ այցելությունն է և առաջին համերգային ելույթը։

«Ես հայերեն չեմ հասկանում, մայրս քիչ է խոսում հայերեն, բայց գիտեմ, որ հայ ազգը շատ ճանաչված կոմպոզիտորներ ունի, իմ ուսուցիչը հայ է, նրանց մասին շատ է պատմում, գործերն է ներկայացնում։ Ուրախ եմ, որ Գյումրիի սիմֆոնիկ նվագախմբից հրավեր եմ ստացել, կարծում եմ՝ իմ հասակի բոլոր երաժիշտների համար կարևոր է, մենք պրոֆեսիոնալներից շատ բան ենք սովորում»,- նշել է Քեվին Քանաան։

Պատանի ջութակահարների հետ Լիբանանից նաև նրանց ուսուցիչն էր եկել՝ Արթուր Տեր – Հովհաննիսյանը։ Վերջինս նշեց, որ երկու ջութակահար տղաներն էլ գերազանց առաջադիմություն ունեն։ Հայաստան էլի կգան, Գյումրիի սիմֆոնիկի հետ էլի ելույթներ են ծրագրում։ Համերգային երեկոյի ավարտին Գյումրիի պետական սիմֆոնիկի գեղարվեստական ղեկավարը պատանի ջութակահարներին նվագախմբի անվանական վերնաշապիկներ նվիրեց։

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։

Էլիզա Ֆրանգուլյան

Բաժանորդագրվեք SHANTNEWS.am-ին Telegram-ում

Բոլոր լուրերը

08:53 18.05.2024
VAR համակարգում փոփոխություններ կկատարվեն

Կապակցված լուրեր

20:07 17.05.2024

Մայիսի 19-ին Թբիլիսիում կանցկացվի ավանդական դարձած Վարդատոնը

2024թ. մայիսի 19-ին Թբիլիսիում կանցկացվի ավանդական դարձած 110-րդ սայաթնովյան Վարդատոնը։ Վրաստանում Հայաստանի դեսպանությունը ներկայացրել է տոնական միջոցառումների ծրագիրը։ 11։00 – Վիրահայոց թեմի «Հովհաննես Թումանյանի տուն» գիտամշակութային կենտրոնից վարդերով քայլերթ դեպի Թբիլիսիի Սուրբ Գևորգ առաջնորդանիստ եկեղեցի: 12։30 – Ծաղիկների խոնարհում և հոգեհանգստի կարգ Թբիլիսիի Սուրբ Գևորգ եկեղեցու բակում գտնվող Սայաթ-Նովայի հուշաքարի մոտ: 13։00 – Տոնական բացօթյա […] ...

19:14 17.05.2024

Մայիսի 18-ին կնշվի Թանգարանների միջազգային օրը և «Թանգարանների գիշեր» ծրագիրը. ԿԳՄՍՆ

Մայիսի 18-ին նշվում է Թանգարանների միջազգային օրն ու «Թանգարանների գիշեր» համաեվրոպական միջոցառումը՝ «Թանգարաններ, կրթություն և հետազոտություն» խորագրի ներքո: Թանգարանների միջազգային օրվան և «Թանգարանների գիշեր» համաեվրոպական միջոցառմանն ընդառաջ՝ մայիսի 17-ին, Երվանդ Քոչարի թանգարանում տեղի է ունեցել մամուլի ասուլիս: Ներկայացվել են թանգարանների ոլորտում իրականացված աշխատանքները, ձեռքբերումներն ու անելիքները: Մամուլի ասուլիսի բանախոսներն էին ՀՀ կրթության, գիտության, մշակույթի և […] ...

18:52 17.05.2024

Մի շարք պատմամշակութային օբյեկտեր ստացել են նորահայտ հուշարձանի կարգավիճակ. ԿԳՄՍՆ

Կայացել է ՀՀ ԿԳՄՍ նախարարության փորձագիտական հանձնաժողովի ընթացիկ տարվա երկրորդ նիստը։ Նիստին քննարկվել են մի շարք պատմամշակութային օբյեկտերին նորահայտ հուշարձանի կարգավիճակ տալու հարցը, ինչպես նաև ՀՀ պատմության և մշակույթի անշարժ հուշարձանների պետական ցուցակներում ընդգրկված 32 հուշարձանի պահպանական գոտիների նախագծերը։ Հանձնաժողովի դրական եզրակացությամբ նորահայտ հուշարձանների թիվը համալրվել է տասով։ Դրանք են տեղական նշանակության հուշարձանների կարգավիճակ ստացած […] ...

17:50 16.05.2024

«Երաժշտական մեծ աշխարհը «ԴասA» ծրագրով մտնում է դպրոց» ․Դանիել Դանիելյան

ՀՀ կրթության‚ գիտության‚ մշակույթի և սպորտի նախարարի տեղակալ Դանիել Դանիելյանը Երևանի Սամվել Հովսեփյանի թիվ 116 հիմնական դպրոցում ներկա է եղել դասական երաժշտության «ԴասA» ծրագրին: Դանիել Դանիելյանը ողջունել է աշակերտներին և ուսուցիչներին՝ ընդգծելով, որ նախարարությունը մեծ ուշադրություն է դարձնում կրթամշակութային ծրագրերի իրականացմանը. «Կրթված և դաստիարակված մարդը պետք է ամեն ինչից գաղափար ունենա: Մշակույթն ընդհանուր կրթության անբաժան […] ...

17:45 16.05.2024

Կապահովվի Մարմաշեն վանական համալիրի անվտանգ պահպանությունն ու պատշաճ սպասարկումը

Կառավարությունն ընդունել է որոշում՝ Մարմաշեն վանական համալիրի անվտանգ պահպանությունն ապահովելու և նպատակային օգտագործելու, պատշաճ սպասարկում իրականացնելու անհրաժեշտությամբ պայմանավորված: Ըստ հիմնավորման՝ Հայաստանյայց Առաքելական Սուրբ եկեղեցուն անժամկետ և անհատույց օգտագործման իրավունքով հանձնված հուշարձանի նկատմամբ առ այսօր Մայր Աթոռ Սուրբ Էջմիածինը գույքային իրավունքի պետական գրանցումը չի կատարել և լիարժեք չի օգտագործում հոգևոր նպատակներով: Որոշումը հնարավորություն կտա հուշարձանը և […] ...

16:44 16.05.2024

Քննարկվել է պատմության և մշակույթի հուշարձանների նորոգմանը, ամրակայմանը և վերականգնմանն առնչվող 5 էսքիզային նախագիծ

ՀՀ ԿԳՄՍ նախարարությունում կայացել է նախարարությանը կից գիտամեթոդական խորհրդի վեցերորդ նիստը: Քննարկվել են Երևան քաղաքի, Շիրակի, Գեղարքունիքի, Լոռու մարզերում գտնվող պատմության և մշակույթի հուշարձանների նորոգմանը, ամրակայմանը և վերականգնմանն առնչվող 5 էսքիզային նախագծեր: Օրակարգում ընդգրկված հարցերից՝ ՀՀ Շիրակի մարզի Հառիճավանքի (հանրապետական նշանակության հուշարձան) տանիքի ջրամեկուսացման, ՀՀ Գեղարքունիքի մարզի Լանջաղբյուր գյուղի Սբ Խաչ եկեղեցու (տեղական նշանակության հուշարձան) […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.