18:43 22.09.2021
Այսօր մեկնարկել է Գյումրիի տեղական ինքնակառավարման մարմինների ընտրությունների քարոզարշավը: Այն կտևի մինչև հոկտեմբերի 15-ը ներառյալ: Սա այն ժամանակահատվածն է, որի ընթացքում առաջադրված կուսակցություններն ու դաշինքները ներկայացնելու են իրենց նախընտրական ծրագրերը: Հիշեցնենք՝ Գյումրիի ՏԻՄ ընտրություններին առաջադրվել է 7 կուսակցություն և 3 դաշինք: Ընդհանուրը՝ առաջադրվել է ավագանու 290 թեկնածու: Բոլորը գրանցվել են:
Իսկ ընդհանրապես ինչ է կարելի ու ինչ չի կարելի քարոզարշավի ընթացքում: Կանոններ ու սահմաններ, որպես այդպիսին, ըստ թիվ 31 տարածքային ընտրական հանձնաժողովի նախագահի, չկան:
«Քարոզչության կանոնները սահմանում են բոլոր մասնակից կուսակցություններն ու դաշինքները, ամեն մեկն իրենց համար: Կուսակցություններ կան՝ որոշել են իրենց առավելությունները քարոզել: Կլինեն այնպիսիք էլ, որ կսկսեն հակաքարոզչությամբ զբաղվել, վատաբանել ուրիշներին իրենք լավը երևալու համար: Այստեղ ոչ մի սահմանափակում չկա: Ուղղակի իմ խնդրանքն է, որ չանցնեն էթիկայի նորմերը, չանցնեն անձնական վիրավորանքների»,- SHANTNEWS-ին ասել է թիվ 31 տարածքային ընտրական հանձնաժողովի նախագահ Տիգրան Ղազարյանը:
Վիճակահանությամբ որոշվել են 7 կուսակցությունների ու 3 դաշինքների քվեաթերթիկների հերթական համարները: Ամեն քաղաքական ուժ, ինչպես նախորդ համապետական ընտրությունների ժամանակ, ունենալու է իր առանձին քվեաթերթիկը: Այսինքն՝ ընտրողին կտրվի 10 քվեաթերթիկ և դրանցից միայն մեկը ընտրելու հնարավորություն:
Վիճակահանությամբ են ընտրվել նաև քարոզարշավի ընթացքում փակցվող պաստառների տեղերն ու անվճար եթերաժամանակը:
Ընդհանուր հաշվով՝ քարոզարշավի ընթացքում քաղաքական ուժերը կարող են ծախսել մինչև 60 մլն դրամ: Ճիշտ այսքան է սահմանված նախընտրական հիմնադրամների առավելագույն չափը: Առաջին անգամ այս գումարի մեջ ներառված են նաև նախընտրական շտաբների համար տարածքների վարձակալությունն ու աշխատակիցների աշխատավարձերը:
Առաջադրված թեկնածուների թիվը 1-ով նվազել է: Տարածքային ընտրական հանձնաժողովին ինքնաբացարկ է ներկայացրել մեկ թեկնածու «Արժանապատիվ ուղի» կուսակցությունից:
Ընտրություններից մինչև 10 օր առաջ կարող են ինքնաբացարկներ ներկայացնել: Հայտնի է նաև Գյումրիի ընտրողների թիվը՝ ըստ նախնական ընտրացուցակների: Դրանցում, ըստ տարածքային ընտրական հանձնաժողովի նախագահի, ոչ մեծ, բայց փոփոխություններ լինելու են:
«123 հազարից ավելի ընտրող կա այս պահի դրությամբ: Կարող է վերջնական ցուցակները հրապարակելիս մի քիչ ավելանա այս թիվը, որովհետև կլինեն 18 տարին լրացած քաղաքացիներ, նաև այնպիսիք, որոնց Գյումրիում հաշվառված լինելու 6 ամիսը կլրանա»,- ասել է Տիգրան Ղազարյանը:
Իսկ այսօր տեղամասային ընտրական հանձնաժողովների ձևավորման վերջնաժամկետն է: Տեղամասերից յուրաքանչյուրը հանձնաժողովի 8 անդամ է ունենալու: Նրանցից 6-ին ներկայացնում են խորհրդարանական խմբակցությունները, մյուս երկուսին՝ տարածքային ընտրական հանձնաժողովը: Ընդհանուր առմամբ՝ Գյումրիի տեղամասերում 656 հանձնաժողովական ընտրությունների օրն աշխատելու է 82 տեղամասերում։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
