19:59 03.11.2021
Արթիկի թիվ 2 հիմնական դպրոցի համար նոր տիպային շենք է կառուցվելու։ Ծրագիրն իրականացվում է ՀՀ կառավարության և տարածքային զարգացման հիմնադրամի համատեղ միջոցներով։ Համաձայն մասնագիտական եզրակացության և ծրագրով նախատեսված պահանջներով՝ որոշում է կայացվել քանդել դպրոցի 4-րդ աստիճանի վթարայնության բոլոր մասնաշենքերը և կառուցել նորը: Այն զգալի վնասվել է նաև 2016 թվականին Արթիկում տեղի ունեցած ավերիչ ջրհեղեղից։
1933 թվականին կառուցված շենքը եղել է Արթիկ քաղաքի առաջին դպրոցը: Հետո 1960-ականներին կառուցվում է դպրոցի երկրորդ մասնաշենքը։ 88 տարի առաջ, երբ Արթիկի համար միջնակարգ դպրոց է կառուցվել, որպես շինանյութ օգտագործվել է տարածաշրջանի հանքերի քարանյութը, պատերը շարվել են չհղկված քարերով:
Դպրոցի առաստաղին խորհրդային շրջանի ճարտարապետությանը բնորոշ ոճն է ու խորհրդանիշ աստղակերպ քանդակները: Միջհարկային հատվածներն ու առաստաղը կառուցված են փայտե կառուցատարրերով, որոնք դարն ապրած են, խոնավությունից փայտե հենասյուներն արդեն փտել են:
«Երկար տարվա շենք է, վթարային վիճակում էր, նույնիսկ վտանգավոր էր բանվորական ուժը ներս մտցնելու համար։ Քանդման աշխատանքները սկսել ենք տեխնիկայով, որից հետո միայն թույլատրել ենք աշխատակիցներին մասնակի քանդման աշխատանքներ կատարել։ Տեխնիկան դուրսն աշխատում էր, որոշ հատվածներ ներսում փլվեցին»,- ասում է շինընկերության աշխղեկ Համլետ Հակոբյանը։
Մասնաշենքերում, որտեղ աշակերտությունը դասեր է անցկացրել, հաճախ են քարաթափումներ եղել։ Վերջին մասնագիտական ուսումնասիրություններից հետո տրվել է սեյսմիկ եզրակացություն, որ շենքը խիստ վթարային է և ենթակա չէ շահագործման։ Այս եզրակացությունն էլ հիմք է համարվել որոշելու, որ ապամոնտաժվելու են դպրոցի բոլոր մասնաշենքերը՝ կցակառույցներով։
Երկու տարի անց Արթիկի թիվ 2 հիմնական դպրոցն այլ տեսք է ունենալու։ Դպրոցի համար կառուցվելու է նաև մարզադահլիճ։ Շենքերի ապամոնտաժումը կավարտվի մեկ ամսից։ Շինարարության մեկնարկն էլ նախատեսված է դեկտեմբերից։ Մինչև դպրոցի կառուցման ավարտը դասերը կկազմակերպվեն Արթիկի կենցաղի տան մասնաշենքում։ Թիվ 2 հիմնական դպրոցն այժմ ունի 600 աշակերտ։ Ժամանակավոր տարածքը թեև փոքր է, բայց հարմարվել են, դասերը երկհերթ են դարձրել։
«Մենք այնտեղ տեղափոխվել ենք վարձակալական հիմունքներով, կարողացանք հարմարվել, մեծ միջանցք կար՝ միջնապատերով առանձնացրինք, բավական աշխատանք կատարեցինք և կարողացանք նորմալ ուսումնական գործընթացը կազմակերպել, իհարկե, երկհերթ»,- նշել է Արթիկի թիվ 2 հիմնական դպրոցի տնօրենի պաշտոնակատար Կատյա Սեպխանյանը։
Նախկին կենցաղի տան շենքում ջեռուցում չկա, երկշաբաթյա արձակուրդների օրերը օգտագործում են ջեռուցման հարցերը կարգավորելու համար։ Դասասենյակներում էլեկտրական ջեռուցիչներ են տեղադրելու։ Դպրոցը նոր շենք կունենան 2023 թվականի աշնանը։ Նույն ծրագրում է նաև Ազատանի դպրոցի նոր մասնաշենքի կառուցումը, սակայն, մեկնարկի ժամկետներն այստեղ փոխվել են, տեղափոխվել են հաջորդ տարի։ Հայաստանի տարածքային զարգացման հիմնադրամի հայտարարած շինմրցույթում դեռ հաղթող կազմակերպություն չկա։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
23:59 03.08.2025
«Երևան» երիտասարդական նվագախումբը ներկայացրել է Հայաստանը Բեռլինի «Կոնցերտհաուս» համերգասրահում«Երևան» երիտասարդական նվագախումբը՝ մաեստրո Սերգեյ Սմբատյանի ղեկավարությամբ ներկայացրեց Հայաստանը և Երևանը Բեռլինի «Կոնցերտհաուս» համերգասրահում՝ «Երիտասարդ եվրոպական դասականներ» փառատոնում: Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը: «Նվագախումբը ստեղծվել և ամբողջությամբ աջակցություն է ստանում Երևանի քաղաքապետարանի կողմից, և մեր քաղաքը կանգնած է այս հաջողության հիմքում՝ սկսած գաղափարի ծնունդից մինչև բեմ դուրս գալու իրական […] ...
23:41 03.08.2025
Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներՕգոստոսի 4-ին՝ ժամը 10:00-ից մինչև 17:00-ն ընկած ժամանակահատվածում, Լոռու մարզի Սպիտակ քաղաքի և Լեռնանցք բնակավայրի մի շարք հասցեներում փորձարկվելու են էլեկտրական շչակներ: Փրկարար ծառայությունից խնդրում են չանհանգստանալ։ ...
23:28 03.08.2025
Երևանում կայացավ համաշխարհային փոփ աստղ Ջենիֆեր Լոպեսի մենահամերգըԵրևանում կայացել է համաշխարհային փոփ աստղ Ջենիֆեր Լոպեսի մենահամերգը, որը տեղի է ունեցել Վազգեն Սարգսյանի անվան հանրապետական մարզադաշտում։ Այս մասին տեղեկացնում են ԿԳՄՍ նախարարությունից: Լոպեսը երևանյան հանդիսատեսին ներկայացրել է հին ու սիրված հիթերը, ինչպես նաև իր վերջին ալբոմի նոր ստեղծագործությունները՝ պարային կատարումներով և հատուկ լուսաձայնային էֆեկտների ուղեկցությամբ։ Ի թիվս բազմահազար հանդիսատեսի՝ համաշխարհային աստղի երևանյան համերգին […] ...
23:20 03.08.2025
Հրդեհ Լուկաշին գյուղում․ կանխվել է հրդեհի տարածումը դեպի մեղվի փեթակներՕգոստոսի 3-ին` ժամը 16:52-ին, Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Լուկաշին գյուղի Անդրանիկի փողոցում այրվում է մեղվանոց։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է չբնակեցված քարե շինությունում (մոտ 30 քմ)։ Հրդեհը մեկուսացվել է՝ ժամը 17:15-ին, մարվել՝ 18:39-ին: Այրվել […] ...
23:10 03.08.2025
Ավստրալիայում առատ ձյուն է տեղացելԱվելի քան 40 տարվա ընթացքում Ավստրալիայում առաջին անգամ առատ ձյուն է տեղացել: Ձյան առատ տեղումները հազվադեպ են Ավստրալիայի համար: Ձյունը քաոս է առաջացրել մի շարք շրջաններում՝ էլեկտրաէներգիայի անջատումներ, ճանապարհներին բազմաթիվ վթարներ։ Փրկարարական ծառայությունները խնդրում են բնակչությանը զերծ մնալ տեղաշարժվելուց մերկասառույցի և փոթորկային քամիների պատճառով։ ...
23:00 03.08.2025
Իրանը պլանավորում է եռապատկել Պակիստանի հետ առևտուրըԻրանը պլանավորում է եռապատկել Պակիստանի հետ իր առևտուրը՝ 3 միլիարդ դոլարից հասցնելով 10 միլիարդ դոլարի, հայտարարել է Իրանի նախագահ Մասուդ Փեզեշքիանը։ Կիրակի օրը Փեզեշքիանը Պակիստան կատարած այցի ընթացքում հանդիպել է Պակիստանի վարչապետ Շահբազ Շարիֆի հետ։ «Բարեբախտաբար, կան լուրջ համատեղ ջանքեր՝ բոլոր ոլորտներում հարաբերությունները խորացնելու և համագործակցությունը ընդլայնելու համար։ Ես խորապես համոզված եմ, որ մենք կկարողանանք […] ...
