16:44 23.07.2018
ՀՀ պաշտպանության նախարար Դավիթ Տոնոյանը Eadaily-ին տված հարցազրույցում անդրադարձել է շփման գծում ադրբեջանական զորքերի կուտակման մասին հայտարարություններին և հարցին՝ որքանո՞վ է մեծ Ադրբեջանի հետ լայնամասշտաբ ռազմական գործողությունների վերսկսման վտանգը:
Նախարարը նշել է, որ ադրբեջանական զորքերի կուտակման և ակտիվության մասին հայտարարություններն իրականություն են, ընդ որում՝ նման գործընթացներ են նկատվում ոչ միայն արցախա-ադրբեջանական զորքերի շփման գծում, այլև Հայաստանի ու Ադրբեջանի միջև՝ պետական սահմանին, մասնավորապես՝ նախիջևանյան ուղղությամբ:
«Լայնամասշտաբ ռազմական գործողությունների վերսկսման հավանականությունը միշտ է մեծ՝ բանակցային պրոցեսում Բաքվի առավելապաշտական պահանջների պայմաններում: Ադրբեջանի պահվածքը այլ բան չէ, եթե ոչ ուժի կիրառման սպառնալիք, մինչդեռ ինչպես ԼՂ, այնպես էլ ցանկացած այլ հակամարտության կարգավորման համար նախապայման է հենց ուժի չկիրառումը»,- ասել է նա:
Տոնոյանն ընդգծել է, որ հատկապես անհանգստացնող է ադրբեջանական զորքերի ակտիվացումը նախիջևանյան ուղղությամբ, որտեղ մինչ այժմ հարաբերական անդորր էր: Նա ասել է, որ այդ հատվածում ռազմական սադրանքի ցանկացած դրսևորում կարող է հանգեցնել մեծ ճգնաժամի, որից անմասն չեն մնա նաև տարածաշրջանային այլ խաղացողները:
«Միևնույն ժամանակ, Հայաստանի դիրքորոշման ողջ կառուցողականությամբ հանդերձ չեմ ցանկանում՝ տպավորություն ստեղծվի, թե Հայաստանը խաղաղություն է խնդրում: Խորհուրդ եմ տալիս ադրբեջանական կողմին՝ այնքան վստահ չլինել, որ նա է ռազմական իրավիճակի սրման հարցի կարգավորողը: Այսինքն՝ ադրբեջանական կողմից ռազմական գործողությունների վերսկսման, անգամ սահմանափակ մասշտաբներով ռազմական գործողության իրականացման պարագայում չի լինի այնպես, որ միջնորդները կարողանան հայկական կողմին համոզել՝ դադարեցնել պատասխան պատժիչ գործողությունները: 2016-ի ապրիլյան ագրեսիայի սցենարի կրկնության պարագայում հայկական կողմը կարող է և չդիմանալ հակառակորդին որոշիչ ու մասշտաբային հակահարված տալու համար իր ողջ ռազմական զինանոցի կիրառման «գայթակղությանը»,- ասել է նախարարը:
12:05 01.05.2025
Այսօր մեկնարկում է «Երևանի քաղաքապետի գավաթ 2025» գեղասահքի միջազգային բաց մրցաշարըԳեղասահքի մարզադպրոցի գեղասահորդները պատրաստվում են այսօր մեկնարկող «Երևանի քաղաքապետի գավաթ 2025» գեղասահքի միջազգային բաց մրցաշարին: «Սիրով հրավիրում ենք գեղասահքի սիրահարներին ներկա գտնվելու այս դիտարժան առաջնությանը, որը կանցկացվի Երևանի գեղասահքի և հոկեյի մարզադպրոցում։ Մրցաշարը կտևի մինչև մայիսի 4-ը։ Մուտքն ազատ է»,-նշված է Երևանի քաղաքապետարանի հաղորդագրության մեջ։ ...
11:51 01.05.2025
ԱՄՆ-ն և Ուկրաինան ստորագրել են բնական պաշարների մասին համաձայնագիրըԿիևը և Վաշինգտոնը համաձայնագիր են ստորագրել համատեղ հանքարդյունաբերության և Ուկրաինայի վերականգնման համար ներդրումային հիմնադրամի ստեղծման մասին, հաղորդում է ԱՄՆ ֆինանսների նախարարությունը։ ԱՄՆ ֆինանսների նախարարության կայքում հրապարակված մամուլի հաղորդագրության մեջ ասվում է, որ համաձայնագիրը կնքվել է «ի նշան այն նշանակալի ֆինանսական և նյութական աջակցության, որը ամերիկացի ժողովուրդը տրամադրել է Ուկրաինայի պաշտպանությանը Ռուսաստանի լայնածավալ ներխուժման սկզբից ի […] ...
11:43 01.05.2025
Նոր Գեղի-Արզնի ավտոճանապարհին իրականացվելու են հարկադիր քարաթափման աշխատանքներՀարգելի՛ քաղաքացիներ, մայիսի 2-ին՝ ժամը 14:30-ից, ՀՀ Կոտայքի մարզի Նոր Գեղի-Արզնի ավտոճանապարհի 1-ին կմ-ին ՀՀ ՆԳՆ ՓԾ Կոտայքի մարզային փրկարարական վարչության կողմից իրականացվելու են հարկադիր քարաթափման աշխատանքներ։ Աշխատանքներին օժանդակելու են նաև ՆԳՆ Ոստիկանության պարեկային ծառայության Կոտայքի մարզի գումարտակի ծառայողները և «Ճանապարհների շահագործման և շինարարական» ընկերություն աշխատակիցները։ ...
11:30 01.05.2025
«Ճանապարհային դեպարտամենտ» հիմնադրամը շնորհավորում է հիմնադրամի և ճանապարհաշինության ոլորտում ներգրավված բոլոր աշխատակիցներին«Ճանապարհային դեպարտամենտ» հիմնադրամը շնորհավորում է հիմնադրամի և ճանապարհաշինության ոլորտում ներգրավված բոլոր աշխատակիցներին Մայիսի 1-ի՝ Աշխատանքի օրվա առթիվ։ «Մաղթում ենք մեր գործընկերներին աշխատանքային հաջողություններ ու ձեռքբերումներ։ Վստահ ենք, որ ճանապարհաշինության ոլորտի մասնագետները պատվով շարունակելու են իրենց շնորհակալ աշխատանքն ու մեր երկրի շենացման և բարեկարգման վերընթաց ուղին»,-նշված է հաղորդագրության մեջ։ ...
11:13 01.05.2025
Լյուքսեմբուրգը Ուկրաինային կտրամադրի 10 միլիոն եվրոյի էներգետիկ աջակցությունԼյուքսեմբուրգը 10 միլիոն եվրո կհատկացնի Ուկրաինայի էներգետիկ աջակցության հիմնադրամին։ Համապատասխան հուշագիրը ստորագրել են Լյուքսեմբուրգի փոխվարչապետ, արտաքին գործերի և արտաքին առևտրի նախարար Քսավիե Բեթելը և Ուկրաինայի վարչապետ Դենիս Շմիգալը։ «Այս միջոցները կօգտագործվեն էներգետիկայի ոլորտում նախագծերի աջակցման համար, մասնավորապես՝ էներգետիկ անվտանգության վերականգնման և ամրապնդման համար», – իր Telegram ալիքում նշել է Շմիգալը։ Նաև, ըստ նրա, 2025 թվականին […] ...
10:58 01.05.2025
Ուկրաինան համաձայնել է ԱՄՆ-ի կողմից Ռուսաստանի հետ հակամարտությունը կարգավորելու պայմաններինԱՄՆ նախագահի Ուկրաինայի հարցերով հատուկ ներկայացուցիչ Քիթ Քելլոգը հայտարարել է, որ անցյալ շաբաթ Լոնդոնում Մեծ Բրիտանիայի, Ֆրանսիայի և Գերմանիայի մասնակցությամբ կայացած բանակցություններում Վաշինգտոնը և Կիևը համաձայնության են եկել ուկրաինական հակամարտության կարգավորման 22 կոնկրետ պայմանների շուրջ։ «Մենք ուկրաինացիների հետ անկեղծ և դժվարին քննարկումների ընթացքում առաջարկել ենք 22 շատ կոնկրետ պայմաններ, և մենք կարծում ենք, որ գտնվում […] ...
