16:57 09.03.2022
Սրտանոթային հիվանդություններից մահացության ցուցանիշը Հայաստանում ամենաբարձրն է, սակայն այդ միտումը բնորոշ է ոչ միայն Հայաստանին. դա համաշխարհային բնույթ է կրում:
«Արմենպրես»-ի հաղորդմամբ՝ այս մասին ասուլիսի ժամանակ ասաց ՀՀ առողջապահության նախարարության սրտաբանության գծով խորհրդատու Համլետ Հայրապետյանը։
Հայաստանի վիճակագրական կոմիտեի տվյալներով` 2021 թվականին մահերի 50 տոկոսը գրանցվել է սրտանոթային հիվանդությունների հետևանքով։
Սրտաբանը նշեց, որ սիրտ-անոթային հիվանդությունների առաջացման գործոնները կապված են մարդկանց վատ և վնասակար սովորությունների, կախվածության և անուշադրության հետ:
«Սիրտ-անոթային հիվանդությունների առաջացման և զարգացման գլխավոր գործոնը ծխախոտամոլությունն է: Ցավոք սրտի, Հայաստանը՝ ի տարբերություն զարգացած այլ երկրների, այս առումով առաջատար դիրքերում է: Հաջորդ գործոնը կապված է սնվելու հետ. եթե շատ երկրներում որևէ բան գնելիս առաջնային ուշադրությունը դարձնում են բաղադրությանը, ապա մեզ մոտ այն բացակայում է, մենք սովոր ենք համեղ ուտել, այլ ոչ թե օգտակար: Կարևոր հարց է նաև, որ արդեն իսկ որևէ խրոնիկ հիվանդություն ունեցող անձ, որը պետք է ընտրողաբար մոտենա սննդին, դա չի անում: Նպաստում է նաև քաշի վերահսկման բացակայությունը, սոցիալական տարբեր խնդիրներ ՝սթրեսներ, պատերազմ և այլն: Այս բոլորը հանդիսանում են ռիսկի գործոններ սիրտ-անոթային հիվանդությունների առաջացման և խորացման համար»,- ասաց Համլետ Հայրապետյանը:
Նրա խոսքերով՝ վերջին տարիներին երկրում ներդրված ստենտավորման ծրագրի շնորհիվ զգալիորեն նվազել է ինֆարկտներից մահացությունը: Հայրապետյանը շեշտեց` ստենտավորումը հիվանդության բուժման առաջին փուլն է, այնուհետև հիվանդը պետք է հսկողության տակ լինի, սակայն մեր քաղաքացիները հաճախ դա չեն պահպանում, վիրահատությունից հետո շարունակում են անառողջ կենսակերպ վարել։
Ինչ վերաբերվում է կորոնավիրուսային վարակին, ապա սրտաբանը նշեց, որ այն բացասաբար է ազդում սրտանոթային հիվանդների վրա: Վիրուսը կարող է հանգեցնել կյանքին սպառնացող առիթմիայի, սրտի ինֆարկտի, սրացման քրոնիկ հիվանդության և այլն։
20:18 27.05.2025
«Նոան» հետաքրքրված է եղել Սպերցյանի և Թիկնիզյանի ծառայություններովՊրեմիեր լիգայի հաղթող և Հայաստանի գավաթակիր «Նոան» հետաքրքրված է եղել Մոսկվայի «Լոկոմոտիվի» պաշտպան Նաիր Թիկնիզյանի և Ռուսաստանի նոր չեմպիոն «Կրասնոդարի» ավագ Էդուարդ Սպերցյանի ծառայություններով, հաղորդում է Metaratings.ru-ն: Հայկական ակումբը պաշտոնական առաջարկ չի արել Հայաստանի ազգային հավաքականի ֆուտբոլիստների տրանսֆերի վերաբերյալ։ Նրանց ներկայացուցիչների հետ շփում է եղել, սակայն Սպերցյանն ու Թիկնիզյանը հրաժարվել են «Նոա» հնարավոր տեղափոխությունից: ...
20:13 27.05.2025
Արարատ Միրզոյանը հանդիպում է ունեցել Իրանի ԱԳ նախարարի տեղակալ Սայիդ Խաթիբզադեի հետՄայիսի 27-ին ՀՀ ԱԳ նախարար Արարատ Միրզոյանը հանդիպում է ունեցել Իրանի ԱԳ նախարարի տեղակալ, ԱԳՆ Քաղաքական և միջազգային հետազոտությունների կենտրոնի ղեկավար Սայիդ Խաթիբզադեի հետ։ Այս մասին հայտնում են ՀՀ ԱԳՆ-ից։ «Զրուցակիցները քննարկել են Հայաստանի և Իրանի միջև երկկողմ օրակարգի հարցեր: Անդրադարձ է կատարվել կոնկրետ ծրագրերի կյանքի կոչման ուղղությամբ իրականացվող աշխատանքներին: Արարատ Միրզոյանը և Սայիդ Խաթիբզադեն […] ...
20:10 27.05.2025
Հրդեհ Արշակունյաց պողոտայումՄայիսի 27-ին, ժամը 17։50-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արշակունյաց պողոտայում գտնվող շենքերից մեկի 2-րդ հարկի բնակարաններից մեկում հրդեհ է բռնկվել։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ։ Հրդեհը մեկուսացվել է ժամը 18:24-ին, մարվել՝ 18։54-ին: Այրվել է բնակարանը (52 քմ)՝ գույքով։ Հրշեջ-փրկարարները […] ...
20:05 27.05.2025
«Մխիթարյանը պատրաստ է, այս եզրափակիչն ամբողջությամբ նրանն է». Corriere dello Sport«Մխիթարյանը պատրաստ է, այս եզրափակիչն ամբողջությամբ նրանն է». այս վերնագրով հոդվածը հրապարակել է իտալական հեղինակավոր Corriere dello Sport պարբերականը: Աղբյուրը հիշեցրել է, որ 36-ամյա Մխիթարյանը երկու տարի առաջ անգլիական «Մանչեսթեր Սիթիի» դեմ Ստամբուլում կայացած Չեմպիոնների լիգայի եզրափակչում խաղադաշտ է դուրս եկել վերջնամասում, քանի որ նոր էր ապաքինվել ազդրի վնասվածքից: Մխիթարյանը անվտանգության երաշխիքների բացակայության պատճառով էլ […] ...
19:50 27.05.2025
Անահիտ Մանասյանը խոսել է կրթական հաստատություններում ատելության խոսքի դեմ պայքարի խնդիրների մասինՄարդու իրավունքների պաշտպան Անահիտ Մանասյանը մայիսի 27-ին բացման խոսքով է հանդես եկել բարձրագույն կրթության ոլորտում ատելության խոսքի դեմ պայքարին նվիրված կլոր-սեղան քննարկմանը: Այս մասին հայտնում են ՄԻՊ-ի աշխատակազմից։ «Միջոցառումը տեղի է ունեցել Հայաստանում Ֆրանսիական համալսարանում, կազմակերպվել է Մարդու իրավունքների պաշտպանի հաստատության, ՀՖՀՀ և «Հավասարության խթանումը և խտրականության բացառումը Հայաստանում» ծրագրի սերտ համագործակցությամբ: Ծրագիրը համաֆինանսավորվում է […] ...
