18:23 28.03.2022
Մարալիկի առողջության կենտրոնի ստացիոնար բաժանմունքը երկու տարի առաջ է փակվել, միջին և ծանր ախտորոշում ունեցող հիվանդները ուղեգրվում եմ Արթիկի, Գյումրիի կամ Երևանի հիվանդանոցներ: Նախկինում Անիի տարածաշրջանի ծնունդներն էլ էին այստեղ գրանցվում։ Մանկաբարձական բաժանմունքը ևս փակվելուց հետո նորածնային շրջանում բուժսպասարկում չեն իրականացնում։
«Մեկ ծնունդի համար պետությունը տալիս էր 140 հազար դրամ, հասկանում եք՝ դա ինչ գումար էր մեր կենտրոնի համար։ Ես մտածում էի՝ շտապօգնությունով կբերենք մեր ծննդկաններին, ամեն ինչ կանենք, գրկած կբերեինք, որ չգնան ուրիշ տեղ, որ մենք մեր նշաձողը հաղթահարենք՝ 150 ծնունդ։ Բայց դա չպատահեց, ինձ չտվեցին էդ հնարավորությունը»,- նշում է Մարալիկի առողջության կենտրոնի տնօրեն Անուշ Հակոբյանը։
Առողջապահության նախարարությունը Մարալիկի առողջության կենտրոնի մանկաբարձական բաժանմունքի գործունեությունը դադարեցրեց 2020 թվականին՝ հետևյալ հիմնավորումներով, թե ծննդօգնության բաժանմունքը սարքավորումային հագեցվածությամբ չի համապատասխանում սահմանված նվազագույն նորմերին՝ լինելով առաջին մակարդակի բուժհաստատություն, չունեն նեղ մասնագետներ, իսկ տարեկան ծնունդների թիվը չի հասնում 150-ի: Բայց լուծարված կամ փակված բաժանմունքներով երկու տարում առողջության կենտրոնը կարողացել է փակել աշխատավարձերի պարտքերն ամբողջությամբ:
«Կառավարության որոշման համաձայն՝ ծննդատունը փակվել է, 13 աշխատակիցներից 7-ը գնացել են վաստակած հանգստի, նրանք եղել են թոշակառուներ։ Մնացած բոլորին ես տեղավորել եմ պոլիկլինիկ հատվածում աշխատանքի և տվել եմ բոլորի վերջնահաշիվները»,- նշում է տնօրենը։
Մարալիկ քաղաքի ու հինգ գյուղերի սպասարկող առողջության կենտրոնը ֆինանսական դեֆիցիտը հաղթահարել է, նեղ մասնագետ բժիշկների կարիք էլ այս պահին չունեն, մասամբ ստացվել է ապահովել նաև ախտորոշիչ սարքավորումներով, բայց բուժծառայությունների լիարժեք կազմակերպման համար այլ սարքեր են անհրաժեշտ։
«Մենք ունենք պահանջարկ ամենաառաջինը ռենտգեն սարքի, ինչի՞ համար, որովհետև էս համաճարակի ժամանակ հիմնականում տուժում էին թոքերը, ու մենք ունեինք միայն ֆլյուրոգրաֆիա, որը դրսում է, հին մեքենայի մեջ։ Նախկինում եղել է շարժական, սպասարկել է 17 բնակավայր»,- նշել է Մարալիկի առողջության կենտրոնի տնօրենը։
Ռենտգեն սարք ունենալու դեպքում հավակնում են ունենալ 10 մահճակալով ստացիոնար բաժանմունք: Իսկ դրա հնարավորության հարցը նախարարությունում կորոշվի, այդ թվում և շարժական ռենտգենով ապահովելու խնդիրը։
Հիվանդանոցում այս պահին շուրջօրյա գործողը միայն շտապօգնության ծառայությունն է, սպասարկում է Անիի տարածաշրջանի 17 գյուղ, միայն թե քարուքանդ ճանապարհների պատճառով բուժօգնության կազմակերպումը տարածաշրջանի հեռավոր գյուղեր ամենաբարդ գործն է։Օրական ունենում են միջինը 10-15 կանչ, աշխատում են 4 բրիգադներով։
20:46 03.08.2025
Արեգակի վրա հզոր բռնկում է տեղի ունեցելՕգոստոսի 3-ին Արեգակի վրա գրանցվել է նախավերջին հզորության դասի M բռնկում, ՏԱՍՍ-ին հայտնել են Կիրառական երկրաֆիզիկայի ինստիտուտից։ «Օգոստոսի 3-ին՝ Մոսկվայի ժամանակով ժամը 16:57-ին, 4168 (N04E23) արեգակնային բծերի խմբում ռենտգենյան տիրույթում գրանցվել է 11 րոպե տևողությամբ M2.9 բռնկում», – հայտնել են ինստիտուտից: Արեգակնային բռնկումները բաժանվում են հինգ դասի՝ կախված ռենտգենյան ճառագայթման հզորությունից՝ A, B, C, M […] ...
20:18 03.08.2025
Սևանա լճի տարբեր հատվածներում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանցԱնցած շաբաթ Կոտայքի և Գեղարքունիքի մարզային վարչության ««Սևան» ազգային պարկ» տեղամասի աշխատակիցները Սևանա լճի տարբեր հատվածներում իրականացրել են ստուգիչ միջոցառումներ, ինչի արդյունքում հայտնաբերվել է ապօրինի տեղադրված 28 հատ խեցգետնորսիչ և 33 հատ ձկնորսական ցանց։ Ինչպես տեղեկացնում են Շրջակա միջավայրի նախարարությունից, փաստի առթիվ կազմվել է համապատասխան արձանագրություն, որսի միջոցներն առգրավվել են, միջոցառումները կրելու են շարունակական բնույթ։ ...
19:50 03.08.2025
Կամչատկայում արթնացել է գրեթե 500 տարի քնած հրաբուխըԿամչատկայում արթնացել է գրեթե 500 տարի քնած հրաբուխը: Այս մասին ֆեյսբուքյան իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը: «Կրաշենիննիկով հրաբուխը մինչև 6 կմ բարձրությամբ մոխրի սյուն է արտանետել՝ ավելի քան երեք անգամ բարձր, քան ինքնին հրաբուխն է, նրա բարձրությունը 1856 մետր է։ Վերջին անգամ այն ժայթքել է մոտավորապես 1550 թվականի […] ...
19:25 03.08.2025
Արարատի մարզում բախվել են «ՎԱԶ 2107»-ն ու «Լադա»-նԱյսօր՝ օգոստոսի 3-ին, ավտովթար է տեղի ունեցել Արարատի մարզում։ Ժամը 13։20-ի սահմաններում Տափերական գյուղի գլխավոր փողոցում՝ բենզալցակայանի դիմաց, բախվել են Արարատի մարզի բնակիչներ 32-ամյա Գոռ Մ․-ի վարած «ՎԱԶ 2107» մակնիշի և 26-ամյա Կարապետ Գ․-ի վարած «Լադա» մակնիշի ավտոմեքենաները։ Ինչպես հայտնում է shamshyan.com-ը, բախման հետևանքով «Լադա»-ն դուրս է եկել երթևեկելի գոտուց, անցել բազալտե եզրաքարի վրայով, ապա […] ...
19:00 03.08.2025
Եգիպտոսը երեք օրվա ընթացքում տասնյակ տոննա մարդասիրական օգնություն է ուղարկել Գազայի բնակիչների համարԵգիպտոսի ռազմաօդային ուժերի ինքնաթիռները երեք օրվա ընթացքում տասնյակ տոննա պարենային օգնություն են նետել Գազայի հատվածի բնակիչների համար, ասվում է Եգիպտոսի զինված ուժերի հայտարարության մեջ։ «Վերջին օրերին Եգիպտոսի Արաբական Հանրապետությունից թռիչք է կատարել ինը ռազմական տրանսպորտային ինքնաթիռ՝ Գազայի հատվածի դժվարամատչելի շրջաններ տասնյակ տոննա պարենային օգնություն նետելու համար», – ասվում է հայտարարության մեջ։ Իսրայելի կառավարությունը հուլիսի 26-ին […] ...
18:30 03.08.2025
Եվրահանձնաժողովը հաստատել է Սլովակիայի և ԱՄՆ-ի միջև միջուկային էներգիայի վերաբերյալ համաձայնագիրըԵվրոպական հանձնաժողովը հաստատել է Սլովակիայի և ԱՄՆ-ի միջև միջուկային էներգիայի ոլորտում համագործակցության վերաբերյալ միջկառավարական համաձայնագրի նախագիծը, հայտարարել է Սլովակիայի վարչապետ Ռոբերտ Ֆիցոն։ «Եվրոպական հանձնաժողովը դրական է գնահատել Սլովակիայի և Միացյալ Նահանգների կառավարությունների միջև միջուկային էներգիայի ոլորտում համագործակցության մասին համաձայնագրի բովանդակությունը։ Ատոմային էներգիայի ոլորտում համագործակցության վերաբերյալ Եվրամիության անդամ չհանդիսացող երկրի հետ նման միջպետական համաձայնագրերը, ԵՄ ներքին […] ...
