12:53 18.04.2022
Ուկրաինայում ռազմական գործողություններ են ընթանում արդեն 54 օր։ Դրանք առավել ինտենսիվ են երկրի արևելքում, սակայն տեղեկություններ են ստացվել նաև Ուկրաինայի արևմտյան Լվով քաղաքի հրթիռակոծության մասին։ Լվովի քաղաքապետը հայտնել է քաղաքին հասցված 5 հրթիռային հարվածի մասին։ Տեղում աշխատող BBC-ի լրագրողները հաղորդում են, որ Լվովի արևմտյան հատվածում՝ Լեհաստանի հետ սահմանից ոչ հեռու, առնվազն հինգ պայթյուն է լսվել, որոնց նախորդել են օդային տագնապի ազդանշաններ։
Հաղորդվում է նաև այլ քաղաքներին, այդ թվում՝ մայրաքաղաք Կիևին հասցված հարվածների մասին։
Ռազմական գործողությունների ընթացքի մասին տեղեկություններ է հաղորդել նաև Ուկրաինայի զինված ուժերի գլխավոր շտաբը։
«Ռուս հակառակորդը շարունակում է հրթիռակոծել և ռմբակոծել Ուկրաինայի կարևոր ենթակառուցվածքները։ Սլոբոժանսկի ուղղությամբ ռուս հակառակորդը շարոնակում է մասնակի շրջափակված պահել Խարկովը։ Հակառակորդը իր հիմնական ջանքերը կենտրոնացրել է Լիման, Կրեմեննայա, Պոպասնայա և Ռուբեժնոյե բնակավայրերի վրա՝ փորձելով լիակատար վերահսկողություն հաստատել Մարիուպոլ քաղաքի նկատմամբ», – հայտնել է Ուկրաինայի ԶՈՒ ԳՇ պաշտոնական ներկայացուցիչ Ալեքսանդր Շտուպունը։
Մարիուպոլի շրջափակումը շարունակվում է։ Այնտեղ գտնվող ուկրաինացի զինվորականներն անտեսել են զենքերը վայր դնելու ռուսական կողմի վերջնաժամկետը։ Ուկրանայի վարչապետի խոսքով՝ Մարիուպոլում մնացած ուկրաինացի զինվորականները կկռվեն մինչև վերջ։ Միևնույն ժամանակ Դոնեցկի Ժողովրդական Հանրապետության ներկայացուցիչները հայտնել են վերջին մեկ օրում Մարիուպոլից 421 մարդու տարհանելու մասին։
Հաղորդվում է նաև Լուգանսկի շրջանում ընթացող մարտերի մասին։ Ըստ Լուգանսկի մարզի վարչակազմի ղեկավար Սերգեյ Գայդայի՝ ռուսական զորքերը մտել են Կրեմեննայա քաղաք, փողոցներում մարտեր են ընթանում:
Մինչ այդ Ուկրաինայի իշխանությունները Լուգանսկի շրջանի բնակիչներին հորդորել էին անհապաղել տարհանվել՝ նշելով, որ առաջիկա շաբաթը ծանր է լինելու, և հնարավոր է, սա բնակիչներին փրկելու վերջին հնարավորությունն է։
Իր հերթին ՌԴ պաշտպանության նախարարությունը տեսանյութ է տարածել՝ հայտնելով, որ Զապորոժյեի շրջանում ուկրաինական կողմը «Տոչկա-Ու» մարտավարական հրթիռային համալիրով հարվածել է խաղաղ բնակիչների ֆերմերային տնտեսությանը։
ТАСС գործակալությունը հաղորդում է, որ ուկրաինական կողմից 9 անգամ գնդակոծվել է Լուգանսկի Ժողովրդական Հանրապետության տարածքը, խաղաղ բնակիչների շարքում կա 2 վիրավոր։ Դոնեցկի Ժողովրդական Հանրապետությունից էլ հայտնել են, որ Ուկրաինայի զինված ուժերը վերջին մեկ օրում գնդակոծել են Դոնեցկի տարածքը 34 անգամ, վիրավորվել է 5 խաղաղ բնակիչ, վնասվել է 35 տուն և քաղաքացիական ենթակառուցվածքի 2 օբյեկտ։
Ռազմական գործողությունների մասին տեղեկություններ է հաղորդել նաև Ռուսաստանի պաշտպանության նախարարությունը։
«Օդային տեղաղկայման գերճշգրիտ հրթիռներով գիշերվա ընթացքում ոչնչացվել է ուկրաինական 16 ռազմական օբյեկտ։ Ռուսական հրետանային ստորաբաժանումները գիշերվա ընթացքում հարվածներ են հասցրել ուկրաինական զորքերի 315 օբյեկտների։ Հակաօդային պաշտպանության միջոցներով օդում խոցվել է ուկրաինական 3 ռազմական ինքնաթիռ։ Նաև օդում խոցվել է ուկրաինական 11 անօդաչու թռչող սարք», – ասել է ՌԴ ՊՆ պաշտոնական ներկայացուցիչ Իգոր Կոնաշենկովը։
Չնայած Ուկրաինայում ընթացող ռազմական գործողություններին՝ շաբաթ օրը Լեհաստանից Ուկրաինա է մուտք գործել գրեթե 22 հազար մարդ, ինչը գերազանցել է այդ օրը երկիրը լքողների թիվը։ Ըստ ՄԱԿ-ի գնահատումների՝ ընդհանուր առմամբ, Ուկրաինա է վերադարձել շուրջ 650 հազար մարդ։ Իսկ ռազմական գործողությունների մեկնարկից ի վեր Ուկրաինան լքել է գրեթե 5 միլիոն մարդ։ 7 միլիոնից ավելի մարդ տեղահանվել է երկրի ներսում։
13:43 02.05.2025
Ինչպիսի եղանակ է սպասվում առաջիկա օրերինԵրևանում մայիսի 2-ի ցերեկը, 3-6-ին, 7-ի գիշերը սպասվում է կարճատև անձրև և ամպրոպ։ Ամպրոպի ժամանակ սպասվում է քամու ուժգնացում 15-18 մ/վ արագությամբ: Մայիսի 7-ի ցերեկը սպասվում է առանց տեղումների եղանակ։ Մարզերում մայիսի 2-ի և 4-ի ցերեկը, 5-6-ին շրջանների զգալի մասում, 3-ին, 4-ի գիշերը, 7-ին առանձին շրջաններում սպասվում է կարճատև անձրև և ամպրոպ, 2-ի ցերեկը, 5-6-ին […] ...
13:30 02.05.2025
Տնտեսության զարգացման վրա այդ ծրագրի ազդեցությունը եղել է ի սկզբանե ակնկալվածից ցածր. Էկոնոմիկայի նախարարության պարզաբանումըԷկոնոմիկայի նախարարությունը, ի պատասխան մամուլում շրջանառվող տեղեկության, թե ՀՀ էկոնոմիկայի նախարարության կողմից իրականացվող Բարձր որակավորում ունեցող մասնագետների ներգրավման ծրագրի շրջանակներում նախարարությունը ծախսել է 3,8 մլրդ դրամ, որից հետո նոր հասկացել է, որ ծրագիրն անարդյունավետ է, հարկ են համարում պարզաբանել հետևյալը․ «Նախ՝ վերը նշված ծրագիրը գործում է 2022 թվականից, որի իրականացման պատասխանատուն ի սկզբանե հանդիսացել է […] ...
13:14 02.05.2025
Լոռու մարզ այցելության առաջին կանգառը Վանաձորում էր. վարչապետը տեսանյութ է հրապարակելԼոռու մարզ այցելության առաջին կանգառը Վանաձորում էր։ Այս մասին Ֆեյսբուքի իր էջում գրել է ՀՀ վարչապետ Նիկոլ Փաշինյանը: «Այստեղ հիմնանորոգվել է 1,8 կմ երկարությամբ Սանկտ Պետերբուրգի փողոցը»,- գրել է վարչապետը: Մանրամասները՝ տեսանյութում: ...
13:00 02.05.2025
Օպերատիվ իրավիճակը հանրապետությունում ապրիլի 30-ից մայիսի 2-ըԲացահայտվել է 162 հանցագործություն, որոնցից 5-ը՝ նախկինում կատարված: Մասնավորապես՝ 26 դեպք՝ թմրանյութի հայտնաբերման, 18 դեպք՝ մարմնական վնասվածք պատճառելու, 12 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 10 դեպք՝ ֆիզիկական ներգործության, 9-ական դեպք՝ անձնական ունեցվածքի գողության ու խարդախության, 8 դեպք՝ խուլիգանության, 6-ական դեպք՝ հոգեկան […] ...
12:54 02.05.2025
Կրթաթոշակի տրամադրման մրցույթ՝ ՀՀ առևտրային կազմակերպությունների աշխատակիցների համարԿԳՄՍՆ բարձրագույն կրթության և գիտության կոմիտեն հայտարարում է օտարերկրյա հեղինակավոր բարձրագույն ուսումնական հաստատություններում ՀՀ ռեզիդենտ հանդիսացող առևտրային կազմակերպությունների աշխատակիցներին կրթաթոշակի տրամադրման նպատակով դիմում-հայտերի ընդունման մասին։ ՀՀ կառավարության 2025 թվականի մարտի 6-ի N 267-Ն որոշման պահանջներին համապատասխան՝ ՀՀ ռեզիդենտ հանդիսացող առևտրային կազմակերպությունների աշխատակիցները, որոնք հանդիսանում են աշխարհի լավագույն բուհերի ակադեմիական վարկանիշավորման http://www.shanghairanking.com կայքի տվյալ տարվա ցանկերում ուսումնառող կամ դիմորդ, 2025 թվականի մայիսի 1-ից մինչև […] ...
12:44 02.05.2025
Գերագույն ռադան ԱՄՆ-ի հետ համաձայնագրի վավերացման վերաբերյալ քվեարկությունը կանցկացնի մայիսի 8-ինՎաշինգտոնի և Կիևի միջև հանքային պաշարների վերաբերյալ համաձայնագիրը վավերացման քվեարկության կդրվի Գերագույն ռադայում մայիսի 8-ին։ Այս մասին հայտարարել է խորհրդարանի անդամ Յարոսլավ Ժելեզնյակը։ «ԱՄՆ-ի և Ուկրաինայի միջև հանքային պաշարների վերաբերյալ համաձայնագրի վավերացման քվեարկությունը նախատեսված է մայիսի 8-ին», – գրել է նա իր Telegram ալիքում։ ԱՄՆ-ի հետ ընդերքի վերաբերյալ համաձայնագրի ստորագրման մասին հայտնի դարձավ մայիսի 1-ի […] ...
