19:50 26.05.2022
Բուլղարիայի Բուրգաս քաղաքում անցկացված ուշուի Եվրոպայի առաջին առաջնությունից Հայաստանի պատանիների հավաքականը վերադարձել է հինգ մեդալով: Առաջնությանը մասնակից բոլոր հինգ մարզիկներն էլ դարձել են մրցանակակիրներ՝ նվաճելով մեկ ոսկի, երեք արծաթ և մեկ բրոնզե մեդալ: Եվրոպական առաջնությունը անցկացվել է Եվրոպայի ուշուի ֆեդերացիայի հովանու ներքո, որին մասնակցել են 14 երկրների 500 մարզիկներ։
Հայաստանի հավաքականի կազմում միակ ոսկին նվաճած 16 տարեկան գյումրեցի Նարեկի առաջին ելույթն էր միջազգային ասպարեզում: Եզրափակիչ գոտեմարտն անցկացրել է թուրք մարզիկի հետ, առավել պատասխանատու մրցելույթում Նարեկը հակառակորդին հաղթել է բացարձակ առավելությամբ: Երեք ռաունդներից ռինգ է բարձրացել միայն առաջինում, իր ճարպկությամբ մրցակցին հաղթել է ընդամենը մեկուկես րոպեում:
Հայաստանի բազմակի ու այս տարվա Եվրոպայի չեմպիոնի համար առաջնությունում հաղթանակը կարևոր ցատկահարթակ է դեպի միջազգային ասպարեզ: 48 կգ քաշային կարգում հանդես եկած պատանուն հաղթանակից հետո էլ ավելի է ոգևորել իր պատվին հնչած Ազգային օրհներգը, երբ դահլիճը հոտնկայս ողջունել է իրեն ու Հայաստանի հավաքականին:
«Երբ կանգնեցի պատվո հարթակին, ու հնչեց մեր հիմնը, դահլիճում թուրք մարզիկները շատ էին, բոլորը ոտքի էին կանգնած՝ պարտավորված ու այսպես ասած՝ գլուխները կախ, լսում էին մեր հիմնը, իսկ ես ներքուստ հպարտությամբ նայում էի այդ ամենին»,- SHANTNEWS.am-ի հետ զրույցում պատմել է Եվրոպայի չեմպիոն Նարեկ Մուրադյանը։
Արդեն 8 տարի է՝ մարզվում է, ուշու-կունֆուն դարձել է ապրելակերպ։ Նարեկը զուգահեռ սովորում է նաև ավտոփականագործի մասնագիտությունը: Նախազորակոչային տարիքի մարզիկը պատրաստ է այսպիսի ֆիզիկական պատրաստվածությամբ, ճարպկությամբ և մարտարվեստին տիրապետելու հմտությամբ ծառայել Հայոց բանակում։
Գևորգ Պապոյանը Եվրոպայի առաջնության բրոնզե մեդալակիրն է: 12-14 տարեկանների խմբում հանդես է եկել 50-52 կգ քաշային կարգում: Նարեկի պես, Գևորգի մրցակիցը եզրափակիչ գոտեմարտում Թուրքիան ներկայացնող մարզիկ է եղել: Բայց նրան հաղթելու ձգտումն ու շտապողականությունը միավորների նվազման ու տեխնիկական սխալների պատճառ են դարձել:
«Ես պարտվել եմ մրցակցիս՝ զիջելով մի քանի միավոր, ինձ չհերիքեց արագությունը։ Հաջորդ անգամ կփորձեմ անպայման առաջին տեղը գրավել։ Այս մարզաձևը շատ եմ սիրում։ Առաջին անգամ որ մտա մարզադահլիճ, ինձ դուր եկավ այն, որ ուշու-կունֆուում միավորված են միանգամից երեք սպորտաձևեր՝ թեքվանդո, բոքս և ըմբշամարտ, ինձ գրավեց մարզիկների արագությունն ու տեխնիկան»,- SHANTNEWS.am-ի հետ զրույցում նշել է Եվրոպայի առաջնության բրոնզե մեդալակիր Գևորգ Պապոյանը։
Ուշուի Հայաստանի հավաքականի գլխավոր մարզիչը գյումրեցի տղաների և մյուս երեք մարզիկների ելույթները Եվրոպայի առաջնությանը գնահատում է հաջողված: Մասնակից բոլոր հինգ մարզիկներն էլ վերադարձել են մեդալներով: Հիմա ֆեդերացիան փորձում է ավելի մասսայական դարձնել մարզաձևը Հայաստանում։
«Մանկապատանեկան սպորտն է թուլացել, հենց դպրոցից սկսած, ֆիզկուլտուրայի ժամերից սկսած, շատ թույլ է, երեխան դեպի սպորտը ձգտում չունի։ Մենք հիմա փորձում ենք այնպես անել, որ ավելի շատ երեխաներ մեզ մոտ գան»,- նշում է Հայաստանի ուշուի ֆեդերացիայի նախագահ, ՀՀ ուշուի հավաքականի գլխավոր մարզիչ Հրայր Կարապետյանը։
90-ականներին ուշու մարզաձևը Հայաստանում ավելի լայն տարածում ուներ, անգամ այդ տարիներին մեր երկրում է անցկացվել ուշուի աշխարհի առաջնությունը, ունենք աշխարհի ու Եվրոպայի չեմպիոններ, Հայաստանը օլիմպիական ու միջազգային կոմիտեների անդամ է:
Գյումրիի համալիր մարզադպրոցում այժմ ուշու-կունֆուով մարզվում են 12 պատանիներ, շատերը Հայաստանի բազմակի չեմպիոններ ու մրցանակակիրներ են: Այժմ տղաները շարունակում են ակտիվ մարզումները, պատրաստվում են հուլիսին Բաթումում, իսկ սեպտեմբերին՝ Գելենջիկում կայանալիք միջազգային մրցաշարերին:
Հաջորդ տարի Նարեկը, Գևորգն ու հավաքականի մյուս մրցանակակիրները Հայաստանը կներկայացնեն ուշու-կունֆուի աշխարհի առաջնությանը:
23:43 30.04.2025
Փարպի գյուղում բեռնատարը տապալել էր գազախողովակը, վարորդը դիմել էր փախուստիԱպրիլի 30-ին, արտակարգ իրավիճակ է ստեղծվել Արագածոտնի մարզում։ Ժամը 18։40-ի սահմաններում Երևան-Վանաձոր M3 ավտոճանապարհին՝ Փարպի գյուղի վարչական տարածքում բեռնատար ավտոմեքենան բախվել է գազատար խողովակին, ինչի հետևանքով այն ընկել է և ամբողջությամբ փակել ճանապարհի երթևեկելի գոտին։ Ինչպես հայտնում է shamshyan.com-ը, բեռնատարի վարորդը դեպքի վայրից դիմել է փախուստի։ Մինչ գազի աշխատակիցները վթարն էին վերականգնում, պարեկները՝ գումարտակի հրամանատար […] ...
23:34 30.04.2025
«Ռեալը» պատրաստվում է թոփ տրանսֆերիՄադրիդի «Ռեալի» նախագահ Ֆլորենտինո Պերեսը որոշում է կայացրել ամառային տրանսֆերային պատուհանի ընթացքում կենտրոնանալ «Արսենալի» ֆրանսիացի պաշտպան Ուիլյամ Սալիբայի ձեռքբերման վրա։ Այս մասին հայտնում է Marca-ն։ Հենց Սալիբան է համարվում ակումբի գլխավոր տրանսֆերային թիրախը առաջիկա ամռանը։ 24-ամյա խաղացողը «Արսենալում» հանդես է գալիս 2019 թվականից։ Ընթացիկ մրցաշրջանում նա մասնակցել է 46 հանդիպման բոլոր մրցաշարերում և դարձել 2 […] ...
23:23 30.04.2025
ՃՏՊ Երևան քաղաքի Ռուբինյանց փողոցում․ կան տուժածներԱպրիլի 30-ին, ժամը 18:09-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ռուբինյանց փողոցում տեղի է ունեցել ՃՏՊ, կա տուժած. անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Kia», «Porsche», «Kia» և «Hyundai» մակնիշների ավտոմեքենաները։ Մինչ փրկարարների […] ...
23:12 30.04.2025
Ժամերի ընթացքում կարող է պատերազմ սկսվել Պակիստանի և Հնդկաստանի միջև․ ինչպիսի՞ն կլինի Հայաստանի դիրքորոշումըԵրկու միջուկային գերտերությունների միջև աճող ուժային առճակատումը սպառնում է ողջ մոլորակի կայունությանը: Պակիստանի տեղեկատվության նախարար Աթաուլլա Թարարը հայտարարել է, որ կան հետախուզական հավաստի տվյալներ, որոնք ապացուցում են, որ մոտակա 24 ժամվա ընթացքում Հնդկաստանի զինուժը անցնելու է լայնածավալ հարձակման ու պատերազմն անխուսափելի է: Նրա խոսքերով, Պակիստանը պատրաստ է արժանի հակահարված տալ: Թեմային՝ «Հորիզոնի» տաղավարում անդրադարձել է […] ...
22:55 30.04.2025
«Լիվերպուլը» դեմ չէ իր աստղին վաճառել «Ռեալին»Մադրիդի «Ռեալը» շարունակում է լրջորեն հետաքրքրվել «Լիվերպուլի» արգենտինացի կիսապաշտպան Ալեքսիս Մակ Ալիստերի ծառայություններով։ Ակումբը պատրաստ է բաց թողնել արգենտինացի ֆուտբոլիստին, եթե ստանա 100 միլիոն եվրոյի առաջարկ։ Նշվում է, որ «Ռեալը» բարձր է գնահատում Մակ Ալիստերի խաղային որակները, սակայն պահանջվող գումարը համարում է չափազանց բարձր։ Ընթացիկ մրցաշրջանում 26-ամյա կիսապաշտպանը «Լիվերպուլի» կազմում մասնակցել է 47 հանդիպման՝ դառնալով […] ...
22:42 30.04.2025
Կոտայքի մարզում «Mitsubishi Pickup»-ը բախվել է «Mercedes ML 350»-ին, ինչի հետևանքով վերջինը հայտնվել է զառիթափ լանջին և բախվել հաստաբուն ծառինԱպրիլի 30-ին, ավտովթար է տեղի ունեցել Կոտայքի մարզում։ Ժամը 11։25-ի սահմաններում Քանաքեռավան գյուղում, ժողովրդին հայտնի «Կորեայի ձոր»-ում Երևանի բնակիչ 40-ամյա Գոռ Վ․-ն իր վարած «Mitsubishi Pickup» մակնիշի ավտոմեքենայով բախվել է կայանված վիճակում գտնվող «Mercedes ML 350» մակնիշի ավտոմեքենային, ինչի հետևանքով վերջինը հայտնվել է զառիթափ լանջին և բախվել ծառին։ Ինչպես հայտնում է shamshyan.com-ը, վթարի հետևանքով, ըստ […] ...
