16:40 06.06.2022
Կապանի քաղաքային մարզադաշտում հունիսի 5-ին անցկացվել է Մալոյան եղբայրների անվան աթլետիկայի 6-րդ միջազգային հուշամրցումը, որին ներկա է եղել նաև ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը:
Եվրոպայի օրացուցային պլանով հաստատված հուշամրցաշարին շուրջ 35 աթլետ է մասնակցել Երևանից, Գյումրիից, Արտաշատից, Կապանից և Քաջարանից: Նրանք իրենց ուժերն են չափել հեռացատկ և եռացատկ մրցաձևերում:
Տղաների հեռացատկ մրցաձևում հաղթողի կոչմանն արժանացել է Արտակ Համբարձումյանը Երևանից՝ 7,52 մետր արդյունքով: Նույն մրցաձևի աղջիկների պայքարում ոսկե մեդալը նվաճել է կապանցի Յանա Սարգսյանը, որը գրանցել է 6,27 մետր արդյունք: Տղաների եռացատկ մրցաձևում հաղթող է ճանաչվել Գոռ Հովակիմյանն Արտաշատից (15,18 մ), իսկ աղջիկների պայքարում դարձյալ հավասարը չի ունեցել Յանա Սարգսյանը Կապանից (13,33 մ):
Հաղթողներին և մրցանակային տեղեր զբաղեցրած մյուս մարզիկներին համապատասխան կարգի մեդալներով և հավաստագրերով պարգևատրել են ԿԳՄՍ նախարարի տեղակալ Կարեն Գիլոյանն ու ԿԳՄՍՆ սպորտի քաղաքականության վարչության պետ, Հայաստանի աթլետիկայի ֆեդերացիայի գլխավոր քարտուղար Նարինե Շահբազյանը:
Նախարարի տեղակալ Կարեն Գիլոյանը, ողջունելով ու շնորհավորելով միջոցառման մասնակիցներին, կարևորել է սպորտի զարգացման մեջ ներդրում ունեցող երախտավորներին չմոռանալու անհրաժեշտությունն ու նրանց գրանցած երբեմնի հաջողությունները կրկնելու ձգտումը: ԿԳՄՍ նախարարի տեղակալը երիտասարդ մարզիկներին հետագա հաջողություններ և հաղթանակներ է մաղթել:
Նշենք՝ հունիսի 9-12-ը Հայաստանի աթլետիկայի հավաքականը Մալթայում մասնակցելու է Փոքր երկրների Եվրոպայի առաջնությանը:
15:40 04.07.2025
Դավթաշեն 2-րդ թաղամասի Տիգրան Պետրոսյան փողոցի վերջնամասը Փիրումյաններ փողոցին միացնող նոր ճանապարհ կկառուցվիԴավթաշեն վարչական շրջանի Դավթաշեն 2-րդ թաղամասի Տիգրան Պետրոսյան փողոցի վերջնամասը Փիրումյաններ փողոցին միացնող մոտ 620 մ երկարությամբ նոր ճանապարհ կկառուցվի: Նախագծի մրցույթը կայացել է: Նոր ճանապարհը զգալիորեն կթեթևացնի Դավթաշենի կենտրոնական՝ Տիգրան Պետրոսյան փողոցի երթևեկությունը: ...
15:31 04.07.2025
39-ամյա տղամարդն ապօրինի զենք-զինամթերք է հանձնել ոստիկանությունՀամայնքային ոստիկանության Տաշիրի բաժնի ծառայողների բացատրական աշխատանքի արդյունքում հուլիսի 2-ին բաժին է ներկայացել Պաղաղբյուր գյուղի 39-ամյա մի բնակիչ և կամավոր հանձնել «Մակարով» տիպի ատրճանակ, պահեստատուփ և 9 մմ տրամաչափի փամփուշտներ։ Հիշեք՝ ապօրինի պահվող զենք-զինամթերքը կամավոր հանձնած անձինք ազատվում են քրեական պատասխանատվությունից: ...
15:23 04.07.2025
ՈւԵՖԱ-ի 2024/2025 վարկանիշում Հայաստանն առաջ է Ռուսաստանից, Ուկրաինայից և Անդրկովկասի հարևաններիցՈւԵՖԱ-ի պաշտոնական կայքում հրապարակվել է 2024/2025 մրցաշրջանի ակումբային վարկանիշի թարմացված աղյուսակը, որը հաշվարկվում է վերջին հինգ մրցաշրջանների (2019/20-2023/24) արդյունքների հիման վրա։ Հայաստանը զբաղեցնում է 28-րդ հորիզոնականը՝ վաստակելով 4.375 միավոր։ Այս ցուցանիշով Հայաստանը գերազանցել է Ռուսաստանին (29-րդ տեղ, 4.333 միավոր), Ուկրաինային (33-րդ տեղ, 3.600 միավոր), ինչպես նաև Անդրկովկասի հարևաններին՝ Ադրբեջանին (35-րդ տեղ, 2.875 միավոր) և Վրաստանին […] ...
15:15 04.07.2025
Առաջիկա օրերին սպասվում է կարճատև անձրև և ամպրոպԵրևանում հուլիսի 4-ի երեկոյան ժամերին, հուլիսի 5-6-ին գիշերը և երեկոյան սպասվում է կարճատև անձրև և ամպրոպ։ Հուլիսի 7-9-ին սպասվում է առանց տեղումների եղանակ։ Սպասվում է քամու ուժգնացում ամպրոպի ժամանակ՝ 17-21մ/վ, երեկոյան ժամերին՝ 15-18 մ/վ։ Մարզերում հուլիսի 4-ին ցերեկը, 5-6-ին գիշերը և կեսօրից հետո, 7-9-ին կեսօրից հետո, առանձին շրջաններում սպասվում է կարճատև անձրև և ամպրոպ, հնարավոր […] ...
15:05 04.07.2025
Կալիֆոռնիայում խոշոր հրդեհ է բռնկվելԱմերիկյան Կալիֆոռնիա նահանգում խոշոր անտառային հրդեհը մեկ օրում ընդգրկել է 21 հազար հեկտար տարածք, հաղորդում է ABC-ն ։ «Կալիֆոռնիայում հրդեհը մեկ օրում կլանել է ավելի քան 52 հազար ակր (մոտ 21 հեկտար – խմբ.) տարածք», – ասվում է հեռուստաալիքի կայքում։ Նշվում է, որ սա Կալիֆոռնիայի՝ տարվա ամենամեծ հրդեհն է և հանգեցրել է 166-րդ միջպետական մայրուղու […] ...
