19:57 09.06.2022
Մեկ տարի առաջ սուբվենցիոն ծրագրով և ընդհանուրը՝ մոտ մեկ միլիարդ դրամ արժողության 65 նոր միկրոավտոբուսներն այս ամիս էլ, հավանաբար, Գյումրիի քաղաքային տրանսպորտի երթուղիներ դուրս չեն գա։ Քաղաքապետարանի տրանսպորտի բաժնի պարզաբանմամբ՝ պատճառները տեխնիկական են, որոնք կարգավորելու համար էլի ժամանակ է պետք։
Փոխարենը չշահագործվող 65 նոր միկրոավտոբուսներում մետաղադրամ ընդունող սարքերի տեղադրման աշխատանքներն են ավարտվել: Դրանց համար քաղաքային բյուջեից 16 միլիոն 285 հազար դրամ է ծախսվել: Միայն 100 դրամանոց մետաղադրամ ընդունող սարքեր են, որոնք աշխատելու են հետևյալ տարբերակով՝ 100 դրամանոցը ուղևորը սարքի մեջ գցելու է ոչ թե իջնելուց, այլ տրանսպորտ բարձրանալիս:
«Տեղադրված է նաև ազդանշանային լույս, որ դրամը գցելուց հետո տալիս է և՛ ձայնային, և՛ լուսային ազդանշան վարորդի մոտ, որ վարորդը կարողանա հետևել՝ ուղևորը դրամը գցե՞ց սարքի մեջ, թե՞ ոչ»,- նշում է Գյումրիի քաղաքապետարանի տրանսպորտի բաժնի գլխավոր մասնագետ Գագիկ Ավետիսյանը։
Մետաղադրամ ընդունող թանկարժեք սարքերը նաև ծառայելու են որպես հաշվիչներ, օրվա վերջում վահանակի վրա ֆիքսված թվային ցուցիչով կորոշվի, թե քանի ուղևոր է օգտվել երթուղայինից: Նոր միկրոավտոբուսներում այլ հսկողական գործառույթներ էլ կան՝ խոսքը գծային հսկիչների և տեղադրված տեսախցիկների մասին է:
Այսինքն՝ միկրոավտոբուսներում ամեն ինչ կա, բայց էլի երթուղի դուրս չեն գալու։ Այս ընթացքում վերջապես դրանք տեղափոխվել են ավտոբուսային պարկ: Մի մասը կայանած են փակ՝ անգարային հատվածում, մյուսները կրկին բացօթյա տարածքում են, շինարարությունը պարկում դեռ ավարտված չէ:
Տարածքի ու պարկի վերանորոգման անավարտ վիճակը պարզվում է միակ պատճառներից մեկը չէ նոր տրանսպորտային միջոցները չշահագործելու, կան այլ տեխնիկական պատճառներ, որոնք հայտնաբերել են ավտոպարկ տեղափոխելու ընթացքում:
«Շարժիչները գործարկելու ժամանակ նկատվեց, որ մեքենաների շարժիչները հստակ չեն աշխատում, կան թերություններ, որոնք կապված են գազաբալոնային համակարգերի հետ։ Հրավիրել ենք այն կազմակերպության աշխատակիցներին, որոնք տեղադրել են գազաբալոնները, որ նրանք կարողանան կարգավորեն խնդիրները, որ հետագայում շահագործման ընթացքում նոր պրոբլեմների առաջ չկանգնենք»,- ասել է Գագիկ Ավետիսյանը։
Տրանսպորտի բաժնի գլխավոր մասնագետը բացատրում է, որ գազաբալոնային համակարգում ի հայտ եկած թերությունները մեկ տարի բաց տարածքում մնալու հետևանք չեն, այլ դրանք տեղադրելուց հետո ուղղակի չեն փորձարկվել: Բացի դրանից, միկրոավտոբուսներից մի քանիսի մարտկոցները դժվարությամբ են հոսանքի սնուցում ստանում, թեև ամբողջ ձմեռ աշխատողները պարբերաբար շարժիչներն աշխատեցրել են։
Գազաբալոնների ու մարտկոցների թերությունները վերացնելը մի կողմից, D կարգի վարորդների ընտրությունն էլ մյուս՝ նոր ձևավորված «Գյումրի-ավտոբուս» ՓԲԸ-ում ժամանակատար են համարում։ Դիմումներ ունեն, բայց նոր միկրոավտոբուսների ղեկը վստահելու փորձառուներ գտնելն էլ է բարդ, բարդացել է նաև շահագործման հստակ ժամկետներ նշելը։
Քաղաքապետարանը հիմա էլ հունիսն է բացառում, որպես երթուղիներ դուրս գալու նախապես հայտարարված ժամկետ, բայց ուժի մեջ է խոստումների ժամկետը, որ մինչև տարեվերջ, այնուամենայնիվ, նոր տրանսպորտային միջոցներով սպասարկում կլինի։
20:54 30.04.2025
ՀՀ ՏԿԵ նախարարն ընդունել է Միջազգային տրանսպորտային ֆորումի (ITF) գլխավոր քարտուղարին և ITF ավտոմոբիլային տրանսպորտի խմբի ղեկավարինՀՀ ՏԿԵ նախարար Դավիթ Խուդաթյանը Ֆեյսբուքի իր էջում հայտնել է, որ այսօր ընդունել է Միջազգային տրանսպորտային ֆորումի (ITF) գլխավոր քարտուղար Յոնգ Թե Կիմին և ITF ավտոմոբիլային տրանսպորտի խմբի ղեկավար Յուստաս Ռասոմավիչյուսին։ «Ողջունել եմ հյուրերին և շնորհակալություն եմ հայտնել տրանսպորտի ոլորտում և հատկապես Որակի Խարտիայով նախատեսված պահանջներին համապատասխան օրենսդրական բարեփոխումներին աջակցելու համար։ Պատրաստակամություն եմ հայտնել հաջորդիվ […] ...
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
19:56 30.04.2025
Դատավոր Արտուշ Գաբրիելյանի լիազորությունները կասեցվել են. ԲԴԽԲԴԽ-ն որոշում է կայացրել Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Գաբրիելյանի լիազորությունները կասեցնելու մասին: «2025 թվականի ապրիլի 29-ին և 30-ին, դռնփակ նիստերում, հիմք ընդունելով Գլխավոր դատախազի կողմից 2025 թվականի ապրիլի 29-ին ներկայացված «ՀՀ Երևան քաղաքի առաջին ատյանի ընդհանուր իրավասության քրեական դատարանի դատավոր Արտուշ Վաչագանի Գաբրիելյանի նկատմամբ հանրային քրեական հետապնդում հարուցելու համաձայնություն […] ...
19:52 30.04.2025
Վարչապետի գլխավորությամբ քննարկվել է «300 դպրոց, 500 մանկապարտեզ» ծրագրի ընթացքըՎարչապետ Նիկոլ Փաշինյանի քննարկվել է «300 դպրոց, 500 մանկապարտեզ» ծրագրի ընթացքը: Փոխվարչապետ Տիգրան Խաչատրյանը նշել է, որ 2021-2025թթ․ մեկնարկել և ընթացքի մեջ են 340 դպրոցի կառուցման, վերանորոգման և նախագծման աշխատանքները, որոնք սպասարկելու են շուրջ 130 000 սովորողի: Ընդգծվել է, որ 2021-2025թթ․ ընթացքում շահագործման են հանձնվել 45 դպրոցներ՝ 10 հիմնանորոգված և 35 կառուցված, որոնք սպասարկում են […] ...
