19:47 27.06.2022
Բնակարանային ապահովման ծրագիր է մեկնարկում Գյումրիում՝ նոր բաղադրիչով։ Հաստատված սուբվենցիոն հայտով առաջին անգամ պետական և համայնքային բյուջեի համաֆինանսավորմամբ համայնքապատկան 14 բնակարաններ են վերանորոգվելու, որոնք նախատեսվում է հատկացնել տնակներում ապրող ընտանիքներին: Ծրագրի ընդհանուր արժեքը գնահատվել է մոտ 19 միլիոն դրամ:
«Պետք է տանք սոցիալական բնակարան, որովհետև սոցիալական բաղադրիչով տալուց հետո մարդը չի փորձելու վաճառի ու նորից հայտնվի տնակում, հիմա մենք ունենք 40-ից ավելի սոցիալական բնակարաններ հատկացված, որտեղ մարդիկ նորմալ ապրում են»,- նշում է Գյումրիի քաղաքապետ Վարդգես Սամսոնյանը։
Բնակարաններից ամեն մեկի վերանորոգման համար կծախսվի մեկ միլիոն դրամից ավելի, ընտանիքները կդառնան փաստացի բնակիչները, բայց համայնքապատկան տները կտրամադրվեն սոցիալական հիմունքներով, այսինքն՝ սեփականության իրավունք բնակարանի հանդեպ ընտանիքները չեն ունենա:
14 բնակարանների հիմնական մասը մեկսենյականոցներ են, գտնվում են քաղաքի տարբեր թաղամասերում, դրանց թվում են նաև Անի թաղամասի սոցիալական բնակարանները, որոնք այժմ բնակեցված չեն: Հատկացման ու շահառու ընտանիքների որոշման հստակ չափորոշիչներ առայժմ չունեն, միակ կարևոր նախապայմանը տնակում փաստացի բնակվելն է:
Շահառուների ընտրությունը հանձնաժողովը կկատարի դիմումատու ընտանիքների պատմություններն ու փաստաթղթերն ուսումնասիրելուց հետո։ Իսկ բնակարանը կտրվի միայն տնակների ու ժամանակավոր կացարանների ապամոնտաժման դեպքում:
«Նախապայմանը միանշանակ տնակները ապամոնտաժելն է բնակարանները տրամադրելուց առաջ։ Մինչև փաստաթղթային ձևակերպումը, շատ արագ պետք է լինի ապամոնտաժումը, համաձայնություն է տալու, ստորագրելու է, հաստատելու է բնակիչը, որի հիման վրա էլ նոր տալու ենք բնակարանի բանալիները»,- նշել է Գյումրիի քաղաքապետը։
Համայնքապատկան տարածքները վերադարձնելու և ըստ նշանակության օգտագործելու ուղղությամբ ևս նախագծեր են մշակում: Բնակարանային խնդրի լուծումը միջազգային կազմակերպությունների միջոցների հաշվին և քաղաքապետարանի հետ համատեղ ևս կշարունակվեն։
Պետական և համայնքային բյուջեի համաֆինանսավորվող բնակապահովման սուբվենցիոն առաջին ծրագիրը հաջողելու դեպքում հաջորդ տարի ևս պատրաստ են շարունակել։ Քաղաքապետը վստահեցնում է, որ դրա համար բնակֆոնդում ունեն համայնքապատկան, տիրազուրկ բնակարաններ, որոնք հնարավոր է՝ վերանորոգումներից հետո հատկացնել անօթևաններին։ Առաջին 14 բնակարանների վերանորոգման աշխատանքները մրցույթում շահած ընկերությունը կսկսի հուլիսից։
17:26 30.04.2025
Արագածոտնի մարզում բախվել են «Opel»-ն ու «Kia»-ն
17:17 30.04.2025
Սպարտակիադա` 7-12-րդ դասարանների աշակերտների մասնակցությամբՍպարտակիադայի ծրագրով կայացել են ՀՀ մարզերի և Երևանի հանրակրթական դպրոցների 7-12-րդ դասարանների աշակերտների միջև սեղանի թենիսի, աթլետիկական հնգամատի և շախմատի հանրապետական՝ եզրափակիչ փուլի մրցումները: Սեղանի թենիսի եզրափակիչ մրցումներն անցկացվել են «Դինամո» մարզահամալիրում: Թիմային հաշվարկով 1-ին տեղը գրավել է Երևան քաղաքի թիմը, 2-րդ տեղը զբաղեցրել է Լոռու, իսկ երրորդ տեղը՝ Շիրակի մարզի թիմը: Աթլետիկական հնգամարտի հանրապետական […] ...
17:10 30.04.2025
Պետությանը պատճառվել է 330 միլիոն դրամի վնաս․ ՔՈԳՎ հերթական բացահայտումըՔրեական ոստիկանության կազմակերպված հանցավորության դեմ պայքարի վարչության ծառայողները ստացել էին օպերատիվ տեղեկություն, որ սահմանափակ պատասխանատվությամբ մի ընկեության 38-ամյա տնօրենը, Արմավիրի մարզի Նոր Արտագերս գյուղում գտնվող` իրեն և ազգականին պատկանող ընդհանուր 3,1 հեկտար հողամասերում, 2024 թվականի հունվարից մինչ օրս, ձկնաբուծարան կառուցելու պատրվակով, առանց հատուկ թույլտվության կազմակերպել է ապօրինի արդյունահանում: Պարզվել է, որ այս ընթացքում արդյունահանած շուրջ […] ...
17:00 30.04.2025
Օպերատիվ իրավիճակը հանրապետությունում ապրիլի 29-30-ըԲացահայտվել է 85 հանցագործություն, որոնցից 1-ը՝ նախկինում կատարված: Մասնավորապես՝ 20 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 9 դեպք՝ թմրանյութի հայտնաբերման, 7-ական դեպք՝ մարմնական վնասվածք պատճառելու և խարդախության, 6 դեպք՝ ֆիզիկական ներգործության, 4-ական դեպք՝ հոգեկան ներգործության, անձնական ունեցվածքի գողության և գույքը ոչնչացնելու կամ […] ...
16:54 30.04.2025
Հայաստանի քաղաքների մթնոլորտային օդում փոշու պարունակությունը՝ ապրիլի 20-26-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է քաղաքների մթնոլորտային օդում փոշու պարունակությունը ապրիլի 20-26-ը։ Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ գրեթե ամբողջ շաբաթ, Վարդանանց փողոցի հարակից տարածք՝ ապրիլի 21-ին և 23-ին, Հերացի փողոցի հարակից տարածք՝ գրեթե ամբողջ շաբաթ։ Ալավերդի քաղաքում՝ Սանահին սարահարթ, Գայի փողոցի հարակից տարածք՝ […] ...
16:51 30.04.2025
Մհեր Գրիգորյանն Ուզբեկստանի փոխվարչապետի հետ զրույցում կարևորել է համատեղ ներդրումային ծրագրերի ակտիվացումըՈւզբեկստանի Հանրապետություն կատարած աշխատանքային այցի շրջանակներում փոխվարչապետ Մհեր Գրիգորյանը Տաշքենդում հանդիպում է ունեցել Ուզբեկստանի Հանրապետության փոխվարչապետ Ջամշիդ Խոջաևի հետ: Զրուցակիցները երկուստեք ընդգծել են երկկողմ առևտրատնտեսական հարաբերությունների զարգացման համար առկա մեծ ներուժը իրացնելու անհրաժեշտությունը, կարևորել այս ոլորտում բիզնես շրջանակների միջև շփումների և համատեղ ներդրումային ծրագրերի ակտիվացումը: ...
16:48 30.04.2025
Պակիստանն ուժեղացնում է զորքերի մարտական պատրաստվածությունը Հնդկաստանի հետ վերահսկողության գծի երկայնքովՊակիստանը ուժեղացրել է զորքերի պատրաստությունը Քաշմիրում Հնդկաստանի հետ շփման գծի սահմանի երկայնքով՝ ռազմական լարվածության աճի ֆոնին: Այս մասին հայտնում է The Economic Times-ը։ Պակիստանը հակաօդային պաշտպանության և էլեկտրոնային պատերազմի միջոցներ է տեղակայել սահմանային գծի Սիալկոտ հատվածում: Բանակը վերադասավորում է տանկային և հետևակային դիվիզիաները, ինչպես նաև զորամասերի ինտենսիվ զորավարժությունները։ Պակիստանի վարչապետ Շեհբազ Շարիֆը երեքշաբթի օրը ՄԱԿ-ի […] ...
