20:31 03.09.2022
Արցախը շարունակում է մնալ հայկական օրակարգի առաջնային թեմաներից մեկը: Միաժամանակ տարբեր գործընթացներ են տեղի ունենում հայ-ադրբեջանական տիրույթում: Այս և միջազգային ընդգրկում ունեցող տարբեր հարցերի շուրջ հեռուստամեկնաբան Քրիստինե Ալագուլյանը զրուցել է միջազգային իրավական հարցերով ՀՀ ներկայացուցիչ Եղիշե Կիրակոսյանի հետ:
Երեկ խորհրդանշական օր էր Արցախի համար՝ անկախության հռչակման օրը: Հարցին՝ եթե գնահատենք այն ճանապարհը, որ անցել է Արցախն իրավական առումով, ապա ի՞նչ առանձնահատկություններ կառանձնացնեք, այդ ամենն ի՞նչ հնարավորությունների տեղիք է տալիս, Կիրակոսյանը պատասխանեց։
«Արցախի կողմից անցած իրավական ճանապարհը կամ գործընթացները, որոնք նաև հանգեցրել են անկախության հռչակմանը, ի վերջո, կարծում եմ՝ դա շատ կարևորագույն կարելի է ասել հանգրվան է նաև Արցախի պատմության, նաև հայոց պատմության ժամանակագրության մեջ և դրա մասին, կարծում եմ, պետք է հիշել, որովհետև պայքարը, որը սկիզբ առավ արդեն Խորհրդային Միության փլուզմանը մոտ ժամանակահատվածում, երբ դեռ չէին հռչակվել ո՛չ Հայաստանի անկախությունը, ո՛չ Ադրբեջանի անկախությունը, շեշտում եմ, որովհետև դա նաև կարևորագույն հանգամանքներից մեկն է։ Արցախահայության պայքարը, կարծում եմ՝ շատ լեգիտիմ հիմքերի վրա դրվեց, հենց այդ ժամանակներից սկսած, և ոչ միայն ներքին Խորհրդային Միության օրենսդրության համապատասխան քայլեր ձեռնարկելու, ի սկզբանե եթե կհիշեք, շարժումը սկիզբ էր առել «Միացում» լոզունգով կամ գաղափարով ՝ Հայաստանի հետ միանալու, և այդ փորձը ձախողվեց, Ադրբեջանի կողմից մերժվեց այդ հնարավորությունը, և ի վերջո հանգեցրեց հանրաքվեի անցկացման։ Այստեղ չպետք է մոռանանք, երբ խոսում ենք ինքնորոշման իրավունքի մասին, այն կարգավորվում է միջազգային իրավական նորմերով, և դրանք ունեն հստակ չափանիշներ, հատկապես եթե խոսում ենք այսօրվա, ժամանակակից իրավունքի մասին, որոնց պահպանմամբ հնարավոր է իրականացնել ինքնորոշման իրավունքը տարբեր եղանակներով կամ տարբեր դրսևորումներով, այդ թվում՝ որևէ պետությունից անջատվելու, այլ պետության միանալու կամ անկախություն հռչակելու, անկախ պետականություն կազմավորելու ճանապարհներով։ Եվ եթե մենք նայենք պատմականորեն, զուտ իրավական տեսանկյունից, միջազգային իրավունքում նմանատիպ ինքնորոշման իրավունքի հիմքերը դրվել էին դեռ ՄԱԿ-ի կանոնադրության հիման վրա, մինչև ՄԱԿ-ի ստեղծումը, բնականաբար, մենք ունեցել ենք մի շարք այլ կարևորագույն փաստաթաղթեր, որոնցով սկիզբ է դրվել, այսպես ասած, ինքնորոշման կամ ժողովուրդների իրավահավասարության ինքնորոշման իրավունքին, 20-րդ դարից սկսած՝ զարգացումները դրան էին տանում, և ՄԱԿ-ի հիմնարար փաստաթղթերի ընդունմամբ դա ավելի հստակ ամրագրվեց, որպես ՄԱԿ-ի նպատակ՝ ինքնորոշումը»,- ասաց Եղիշե Կիրակոսյանը։
Երկու օր առաջ տեղի ունեցավ ՀՀ, ԵՄ և Ադրբեջանի առաջնորդների հանդիպումը և դրանում մի քանի կարևոր առանձնահատկություն կար խաղաղության պայմանագրի, սահմանազատման և սահմանագծման թեմաների վերաբերյալ։ Այժմ տեսանելի էր, որ այս հարցում Հայաստանի ու Ադրբեջանի պատկերացումները տարբեր են։ Կիրակոսյանը ներկայացրեց, թե որոնք են հայկական կողմի առաջնահերթությունները։
Մանրամասները՝ տեսանյութում։
13:23 12.07.2025
Առաջիկա օրերի եղանակային կանխատեսումըՀանրապետության տարածքում հուլիսի 12-ի ցերեկը, 13-14-ին սպասվում է առանց տեղումների եղանակ։ Հուլիսի 15-ին և 17-ին կեսօրից հետո, 16-ին գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Քամին՝ արևմտյան ՝ 2-5 մ/վ, ամպրոպի ժամանակ սպասվում է քամու ուժգնացում՝ 18-20 մ/վ արագությամբ։ Հուլիսի 12-15-ին երեկոյան ժամերին Արմավիրում, Կոտայքի և […] ...
13:12 12.07.2025
Սյունիքի մարզում բախվել են «ՎԱԶ 2121»-ն ու «ՎԱԶ 2106»-ը. կա 1 զոհ, 1 տուժածԱյսօր՝ հուլիսի 12-ին, խոշոր ու ողբերգական ավտովթար է տեղի ունեցել Սյունիքի մարզում: Ժամը 11:00-ի սահմաններում Կապան քաղաքի Բաղաբերդի 1 հասցեին հարակից տարածքում բախվել են Սյունիքի մարզի բնակիչ 46-ամյա Արման Մ.-ի վարած «ՎԱԶ 2121» մակնիշի և 59-ամյա Անդրանիկ Վ.-ի վարած «ՎԱԶ 2106» մակնիշի ավտոմեքենաները: Ինչպես հայտնում է shamshyan.com-ը, վթարի հետևանքով «Նիվա»-ի վարորդը քաղաքացիների օգությամբ դուրս է […] ...
13:00 12.07.2025
Ինձ համար Լեո Մեսսին է լավագույնը պատմության մեջ․ ՅամալԻսպանիայի չեմպիոն «Բարսելոնայի» և Եվրոպայի չեմպիոն Իսպանիայի հավաքականի 17-ամյա եզրային հարձակվող Լամին Յամալը նշել է բոլոր ժամանակների լավագույն ֆուտբոլիստին։ «Ինձ համար Լեո Մեսսին է լավագույնը պատմության մեջ։ Ես հավանում էի նրա բոլոր գործողությունները խաղադաշտում, նրա խաղի բոլոր բաղադրիչները։ Իսկապես, շատ գրավիչ էր նրա խաղը»,- Յամալի խոսքերը մեջբերում է Mundo Deportivo-ն։ Հուլիսի 13-ին Յամալը կդառնա 18 […] ...
12:43 12.07.2025
Էրեբունու համայնքային ոստիկանները Ջրաշեն-Ջրվեժ ճանապարհին մեծ քանակությամբ զենք-զինամթերք են հայտնաբերելԲնակչության շրջանում տարվող բացատրական աշխատանքի արդյունքում քաղաքացիները պարբերաբար ապօրինի պահվող զենք-զինամթերք են հանձնում ոստիկանություն: Համայնքային ոստիկանության Էրեբունու բաժնի ծառայողների բացատրական աշխատանքի արդյունքում հուլիսի 8-ին ոստիկանություն զանգահարած քաղաքացին հայտնել է, որ Արցախյան առաջին պատերազմի մասնակից է և հետը բերած զենք-զինամթերքը թողել է Ջրաշեն տանող ճանապարհին՝ ցուցանակի տակ։ Նախաձեռնվել է քրեական վարույթ, որի շրջանակում կատարված զննությամբ Ջրաշեն-Ջրվեժ […] ...
12:30 12.07.2025
«Զվարթնոց»-ի համայնքային ոստիկանները ձերբակալել են Ղրղզստանի իրավապահների կողմից հետախուզվողի, խափանման միջոցը՝ կալանքՀուլիսի 9-ին` ժամը 10.20-ին, չվերթի ժամանումից հետո, Համայնքային ոստիկանության «Զվարթնոց» օդանավակայանի բաժնի ծառայողները ձերբակալել են 20-ամյա օտարերկրյա քաղաքացու: Անցած տարվա օգոստոսից նա հետախուզվում էր Ղրղզստանի Հանրապետության իրավապահ մարմինների կողմից` թմրամիջոցների տարածման մեղադրանքով, խափանման միջոցը՝ կալանք։ Նրա հայտնաբերման մասին տեղեկացվել է Հայաստանում Ինտերպոլի ազգային կենտրոնական բյուրոն։ ...
12:25 12.07.2025
Ռուսական անօդաչու թռչող սարքը Լվովում հարվածել է բնակելի շենքին․ քաղաքապետԼվովը հուլիսի 12-ի գիշերը ենթարկվել է զանգվածային անօդաչու թռչող սարքերի հարձակման: Գրանցվել են հրդեհներ և ավերածություններ: Այս մասին հաղորդում է RBC-Ukraine- ն ՝ հղում անելով Լվովի քաղաքապետ Անդրեյ Սադովիին և Լվովի մարզային պետական վարչակազմի նախագահ Մաքսիմ Կոզիցկիին։ Այսօր՝ հուլիսի 12-ին, Լվովի Մետրոպոլիտեն Անդրեյ փողոցում ռուսական կամիկաձե անօդաչու թռչող սարքը հարվածել է երկհարկանի բնակելի շենքին։ Հարձակման […] ...
