17:42 15.10.2022
Ստեփանավան խոշորացված համայնքում ընթացիկ տարում կիրականացվեն մոտ 1 մլրդ դրամի սուբվենցիոն ծրագրեր։
Լոռու մարզպետի տեղակալ Հովհաննես Ավետիսյանը պետություն-համայնք համատեղ ներդրմամբ իրականացվող սուբվենցիոն ծրագրերի ընթացքին և կատարված աշխատանքների որակին ծանոթանալու նպատակով այսօր մարզպետարանի քաղաքաշինության վարչության տրանսպորտի և ճանապարհաշինության բաժնի պետ Վահրամ Ղարսայանի, մարզպետարանի և համայնքապետարանների պաշտոնյաների հետ եղել է Ստեփանավան և Լոռի բերդ խոշորացված համայնքներում։ Այցի շրջանակներում փոխմարզպետը ծանոթացել է բնակավայրերում իրականացվող ծրագրերի ընթացքին, տվել մի շարք հանձնարարականներ։
Ստեփանավան քաղաքում մարզպետի տեղակալն այցելել է Խորենացի և Մխիթար սպարապետ հիմնանորոգվող ճանապարհների շինհրապարակներ, տուֆ քարով սալարկվող Քալաշյան, Աղայան և 409 դիվիզիա փողոցներ։ Այնուհետև փոխմարզպետին են ներկայացվել Ստեփանավանի Ռումինական թաղամասի երեք բազմաբնակարան շենքերի էներգաարդյունավետ արդիականացման ու ռիսկերի նվազեցման,ինչպես նաև Ստեփանավանի քաղաքային հրապարակի հիմնանորոգման աշխատանքները։
Հ. Ավետիսյանը եղել նաև Արմանիս բնակավայրում, որտեղ այժմ ընթանում են մանկապարտեզի հիմնանորոգման աշխատանքներ։ Մարզպետի տեղակալի հաջորդ կանգառը Լոռի Բերդ համայնքն է եղել, որտեղ պետություն-համայնք համատեղ ներդրմամբ 15 ծրագիր է իրականացվում։
Փոխմարզպետը շրջել է համայնքի Ուռուտ, Սվերդլով, Ագարակ, Լեջան և Լոռի Բերդ բնակավայրերում։ Լոռի Բերդ համայնքի բոլոր բնակավայրերում բարեկարգվում են գյուղամիջյան տարածքները, մի քանի բնակավայրերում տեղադրվել են նաև խաչքարեր՝ ի հիշատակ հայրենիքի համար մղված մարտերում ընկածների։
Բովաձոր, Լոռի Բերդ, Լեջան, Կողես, Սվերդլով, Յաղդան, Ուռուտ բնակավայրերում տուֆ քարով սալարկվում են ներհամայնքային ճանապարհները։ Լեջան, Սվերդլով, Ուռուտ, Լոռի Բերդ, Բովաձոր, Ագարակ, Յաղդան և Կողես բնակավայրերում ընդլայնվում է գիշերային լուսավորության ցանցը։ Հիմնանորոգվում են Սվերդլով, Ագարակ, Ուռուտ բնակավայրերի մանկապարտեզների շենքերը։ Ագարակ բնակավայրում սուբվենցիոն ծրագրով վերանորոգում է համայնքային կենտրոնի մարզադահլիճը և 2-րդ հարկն ամբողջությամբ։
Սուբվենցիոն ծրագրերի աշխատանքները որոշ բնակավայրերում գրեթե մոտենում են ավարտին։
11:55 15.07.2025
Թրամփը կարող է հրամանագիր ստորագրել և «սոքերը» դարձնել «ֆուտբոլ»Ինչպես հայտնի է ԱՄՆ-ում ֆուտբոլ մարզաձևն անվանում են «սոքեր»: Եվ հիմա ԱՄՆ նախագահ Դոնալդ Թրամփը կարող է հրամանագիր ստորագրել և իր երկրում «սոքերը» վերանվանել «ֆուտբոլ»։ Այս մասին հաղորդում է DAZN-ը: «Ջանի Ինֆանտինոն իմ ընկերն է, նա հիանալի աշխատանք է կատարել «սոքերի», կամ ինչպես նրանք են անվանում «ֆուտբոլի» համար։ Չեմ կարծում, որ մեզ մոտ անվանումը փոխելը […] ...
11:47 15.07.2025
Թրամփը ՆԱՏՕ-ն այլևս հնացած չի համարումԱՄՆ նախագահ Դոնալդ Թրամփն այլևս չի կարծում, որ ՆԱՏՕ-ն հնացած կառույց է։ «Կարծում եմ՝ ՆԱՏՕ-ն ստանում է հակառակ պատկերը, դաշինքի երկրներն այժմ վճարում են իրենց սեփական հաշիվները», – ասել է նա BBC- ին։ Քաղաքական գործիչը նշել է, որ ինքը «դեռ հավատում է» կոլեկտիվ պաշտպանությանը, քանի որ այն «փոքր երկրներին պաշտպանություն է տալիս ավելի մեծ երկրներից»։ […] ...
11:38 15.07.2025
62-ամյա տղամարդն ամառանոցում թմրամիջոց և զենք էր պահում․ Աշտարակի համայնքային ոստիկանների բացահայտումըՀամայնքային ոստիկանության Աշտարակի բաժնի ծառայողները հերթական օպերատիվ տեղեկությունն իրացրին հուլիսի 4-ին։ Ոստիկանները Աշտարակ քաղաքի Տիգրան Մեծի փողոցում ձերբակալեցին ու բաժին տեղափոխեցին 62-ամյա մի երևանցու։ Պարզվեց, որ Երևանի բնակիչը Սաղմոսավան համայնքի իր ամառանոցում ապօրինի պահում է զինամթերք, իսկ այգում՝ աճեցնում կանեփ։ Նախաձեռնվեց քրեական վարույթ, որի շրջանակում իրականացված խուզարկությամբ հայտնաբերվեց կանեփի 5 բույս, կաթուցիչ և ինքաձիգի 34 […] ...
11:30 15.07.2025
Կանենք առավելագույնը, որ հասնենք երկրորդ փուլ․ «Նոայի» գլխավոր մարզիչՀայաստանի չեմպիոն և գավաթակիր «Նոայի» գլխավոր մարզիչ Սանդրո Պերկովիչն ու թիմի ֆուտբոլիստ Գոնսալո Սիլվան «Բուդուչնոստի» դեմ Չեմպիոնների լիգայի որակավորման առաջին փուլի պատասխան խաղից մամուլի ասուլիս են տվել: «Կանենք առավելագույնը, որ հասնենք երկրորդ փուլ»,-նշել է մարզիչը։ «Նոան» դիմակայության առաջին խաղում Աբովյանի` Վահագն Թումասյանի անվան ստադիոնում հաղթել էր 1-0 հաշվով: Պատասխան խաղը տեղի կունենա այսօր՝ հուլիսի 15-ին: […] ...
11:22 15.07.2025
Politico. ԵՄ-ն կարող է չեղարկել Վրաստանի հետ առանց մուտքի վիզայի ռեժիմըՀուլիսի 15-ին ԵՄ արտաքին գործերի նախարարների հանդիպմանը դիվանագետները կքննարկեն Վրաստանի հետ առնց վիզայի ռեժիմի վերացման հարցը՝ «իշխող կուսակցության (Վրացական երազանք – Դեմոկրատական Վրաստան) կողմից խաղաղ բողոքի ցույցերը ճնշելու ֆոնին», հաղորդում է եվրոպական Politico հրատարակությունը՝ հղում անելով աղբյուրներին։ Նրանց խոսքով՝ առանց վիզայի ռեժիմի կասեցումը Վրաստանի վրա ճնշում գործադրելու տարբերակներից մեկն է։ Միաժամանակ նշվում է, որ ԵՄ-ն […] ...
11:15 15.07.2025
Արագածոտնի մարզի Սուսեր բնակավայրում փորձարկվելու է էլեկտրական շչակՀուլիսի 16-ին՝ ժամը 10:00-ին, Արագածոտնի մարզի Սուսեր բնակավայրում փորձարկվելու է էլեկտրական շչակ։ «Խնդրում ենք չանհանգստանալ»,-նշված է ՆԳՆ ՓԾ հաղորդագրության մեջ։ ...
