17:16 12.12.2022
2022թ․ դեկտեմբերի 9-10-ին, Գենդերային բռնության դեմ պայքարի 16-օրյա ակտիվության արշավի շրջանակներում, Ծաղկաձորում անցկացվել է համաժողով՝ «Ընտանեկան բռնության և անչափահասների նկատմամբ ոտնձգությունների վարույթները նոր քրեական և քրեական դատավարության օրենսգրքերի փոփոխությունների ներքո» թեմայով։
Համաժողովը կազմակերպվել է ՀՀ-ում ԱՄՆ դեսպանության Թմրամիջոցների դեմ պայքարի և իրավապահ համագործակցության գրասենյակի կողմից։ Միջոցառմանը մասնակցել են ներկայացուցիչներ Հայաստանի իրավապահ մարմիններից՝ Քննչական կոմիտեից, Դատախազությունից, Ոստիկանությունից, դատական համակարգից, ինչպես նաև՝ Մարդու իրավունքների պաշտպանի գրասենյակից և ոլորտում մասնագիտացած հասարակական կազմակերպություններից։ Ողջույնի խոսքով հանդես են եկել Հայաստանում ԱՄՆ փոխդեսպան Չիփ Լեյթինենը և ՀՀ քննչական կոմիտեի նախագահի տեղակալ Արսեն Այվազյանը։
Քննարկվել են նոր քրեական և քրեական դատավարության օրենսգրքերի շրջանակներում ընտանեկան բռնության և անչափահասների նկատմամբ ոտնձգությունների դեմ քրեաիրավական պայքարի խստացման և արդյունավետության, մինչդատական վարույթի ընթացքում քրեական հետապնդման մարմինների մասնագիտական կարողությունների զարգացման, այդ պայքարում դերակատար հաստատությունների միջև համագործակցության խնդիրները։
ՀՀ քննչական կոմիտեի նախագահի տեղակալ Արսեն Այվազյանն իր խոսքում ընդգծել է, որ համաժողովի անցկացումը միտված է ընտանեկան բռնությունների, անչափահասների նկատմամբ ոտնձգությունների նկատմամբ անհանդուժողականության ընկալման ձևավորմանը։ Ըստ ՀՀ ՔԿ նախագահի տեղակալի՝ թեև վարվող վիճակագրությունը փաստում է, որ վերջին շրջանում քաղաքացիներն ավելի նախաձեռնող են դարձել ընտանեկան բռնությունների վերաբերյալ իրավապահներին ահազանգելու հարցում, սակայն այս ուղղությամբ դեռևս զգալի անելիքներ կան։ Նա տեղեկացրել է, որ ՀՀ քննչական կամիտեն առաջիկայում ուղղակիորեն ներգրավվելու է տարբեր հանցատեսակների և առաջին հերթին ընտանեկան բռնությունների վերաբերյալ հանրակրթական դպրոցներում իրազեկման աշխատանքներում։ Արսեն Այվազյանը նաև կարևորել է, որ նոր քրեական և քրեական դատավարության օրենսգրքերը ընտանեկան բռնությունների դեմ պայքարի ընդգծված շեշտադրում ունեն, ինչը ևս մեկ քայլ առաջ է մեր երկրում մարդու իրավունքների պաշտպանվածության բարձրացման ուղղությամբ։
Հայաստանում ԱՄՆ փոխդեսպան Չիփ Լեյթինենը ողջունել է գենդերային բռնության դեմ պայքարի 16-օրյա ակտիվության արշավի համատեքստում Հայաստանում նման խորագրով համաժողովի անցկացումը։ Նա կարևորել է քրեական արդարադատության շրջանակում ընտանիքում, կանանց ու աղջիկների նկատմամբ բռնությունների դեմ պայքարի մասնագիտական կարողությունների շարունակական զարգացումը։ Պարոն Լեյթինենը համոզմունք է հայտնել, որ շահագրգիռ բոլոր կողմերի մասնակցությամբ համաժողովի անցկացումը նպաստելու է քրեական վարույթների շրջանակներում զոհակենտրոն քննությունների արդյունավետության բարձրացմանը ու հասարակության ամենախոցելի խմբերից մեկի՝ երեխաների իրավունքների պաշտպանության համար ուժերի առավել կենտրոնացմանը։
22:58 12.07.2025
Գրոսի. ՄԱԳԱՏԷ-ն տեղեկացված է «Էներգոդար» վարչակազմի վրա ուկրաինական անօդաչու թռչող սարքի հարվածի մասինՄիջազգային ատոմային էներգիայի գործակալությունը (ՄԱԳԱՏԷ) տեղեկացվել է Ուկրաինայի զինված ուժերի (ԶԶՈՒ) անօդաչու թռչող սարքերի կողմից քաղաքային վարչակազմի շենքի՝ «Էներգոդար» ԱԷԿ-ի արբանյակի վրա հարձակման մասին: Այս մասին հայտարարել է ՄԱԳԱՏԷ-ի ղեկավար Ռաֆայել Գրոսսին: «ՄԱԳԱՏԷ-ն տեղեկացվել է «Էներգոդար» վարչական շենքի վրա անօդաչու թռչող սարքերի ենթադրյալ հարձակման մասին, որտեղ բնակվում է Զապորոժյեի ԱԷԿ-ի աշխատակիցների մեծ մասը», – ասվում […] ...
22:50 12.07.2025
Գորիսում տեղի է ունեցել «Քաղաքացիական պայմանագիր» կուսակցության 6-րդ Քաղաքական ժողովըՀուլիսի 12-ին Գորիսում տեղի է ունեցել «Քաղաքացիական պայմանագիր» կուսակցության 6-րդ Քաղաքական ժողովը: Այս մասին հայտնում են ՔՊ գրասենյակից։ «Քննարկվել են 2026 թվականի խորհրդարանական ընտրությունների ռազմավարությունը ու Կուսակցության 7-րդ համաժողովի նախապատրաստական աշխատանքները։ Կուսակցության Վարչության նախագահ, ՀՀ վարչապետ Նիկոլ Փաշինյանը և Կուսակցության աշխատակազմի ղեկավար, ՀՀ ԱԺ պատգամավոր Արուսյակ Մանավազյանը հանդես են եկել զեկույցներով և պատասխանել Քաղաքական ժողովի […] ...
22:44 12.07.2025
Կիմ Չեն Ընը կարևորել է Լավրովի այցըԿԺԴՀ առաջնորդ Կիմ Չեն Ընը նշել է, որ Ռուսաստանի արտաքին գործերի նախարար Սերգեյ Լավրովը շատ ջանասիրաբար աշխատում է արտաքին քաղաքականության ոլորտում, ուստի, որոշել է նրա հետ հանդիպել Վոնսանի հանգստավայրերից մեկում։ «Վերջերս դուք շատ ակտիվ եք եղել արտաքին քաղաքականության մեջ։ Ես մտածեցի, որ ավելի լավ կլինի ձեզ հետ հանդիպել այստեղ, քան Փհենյանում, քանի որ կարող եք […] ...
22:32 12.07.2025
Կատալոնիայում գնացքների երթևեկությունն ամբողջությամբ դադարեցվել էԻսպանական Կատալոնիա ինքնավար համայնքում գնացքների երթևեկությունն ամբողջությամբ դադարեցվել է եղանակային վտանգների պատճառով, հաղորդում է Europa Press-ը՝ հղում անելով Renfe երկաթուղային օպերատորին։ «Renfe-ն շաբաթ երեկոյան ամբողջությամբ դադարեցրել է գնացքների երթևեկությունը Կատալոնիայում՝ եղանակային պայմանների և ուժեղ անձրևի պատճառով», – ասվում է գործակալության հայտարարության մեջ։ Նշվում է, որ Բարսելոնայի քաղաքային խորհուրդը արտակարգ իրավիճակների ծրագիր է գործարկել և չեղարկել […] ...
22:20 12.07.2025
Թուրքիայում թղթի գործարանի մոտ 50 աշխատող թունավորվել էԹուրքիայի արևմտյան Այդըն նահանգում թղթի գործարանի մոտ 50 աշխատողներ բուժվել են հիվանդանոցներում՝ կասկածելի դեպքերով, հաղորդում է DHA լրատվական գործակալությունը։ «Գործարանում ճաշից հետո 46 աշխատող դիմել է հիվանդանոցներ՝ որոշ ժամանակ անց գանգատվելով փսխումից և գլխապտույտից։ Բժշկական խմբերի միջամտությունից հետո բոլոր աշխատողները դուրս են գրվել», – հաղորդել է գործակալությունը։ Այդինի նահանգային առողջապահության վարչության և Այդինի նահանգային գյուղատնտեսության […] ...
22:09 12.07.2025
Սիյարտոն դեմ է Գազայի իրավիճակի պատճառով Իսրայելի դեմ ԵՄ պատժամիջոցներինՀունգարիան չի աջակցի Եվրամիության կողմից Իսրայելի նկատմամբ պատժամիջոցներ կիրառելու ծրագրին՝ Գազայի հատվածում ռազմական գործողության պատճառով, հայտարարել է Հունգարիայի արտաքին գործերի նախարար Պետեր Սիյարտոն իր իսրայելցի գործընկեր Գիդեոն Սաարի հետ հեռախոսազրույցից հետո։ Նա նշել է, որ Հունգարիան ակնկալում է Իսրայելի և պաղեստինյան ՀԱՄԱՍ շարժման միջև համաձայնության հասնել կրակը դադարեցնելու և պատանդներին, այդ թվում՝ հունգարացի քաղաքացուն ազատ […] ...
