18:40 20.04.2023
Գյումրի-Արևիկ-Այգաբաց ավտոճանապարհը հիմնական ու միակ ճանապարհն է մի քանի գյուղերի բնակիչների համար, որոնց կապը Գյումրի հետ մշտական է։Ավտոճանապարհը մարզային նշանակության է, այն համարվում է նաև Գյումրի -Երևան մայրուղուն այլընտրանք։ Հսկայական փոսերի ու ասֆալտաշերտի քայքայման պատճառով մոտ 11 կմ-ոց ճանապարհով երթևեկելը դարձել է գրեթե անհնար, գյուղից Գյումրի ընկած քանդված ճանապարհը 15- ի փոխարեն անցնում են 40-ից 50 րոպեում։
«Ճամփա չկա, գոյություն չունի։ Կմնա ավտոներս կանգնեցնենք, մեկ-մեկ հատ ուղտ առնինք ու ուղտերով էրթանք քաղաք գանք։ Սաղ փոս է, էլ երթևեկել հնարավոր չէ»,- նշում է ճանապարհը փակած գյուղացիներից մեկը։
Ուղտերով գնալու համար կոշտ, ավազակոպճային ճանապարհն էլ հարմար չէ։ Գյումրի-Արևիկ-Այգաբացը հիմնանորոգվել է 2007 թվականին, բայց գյուղացիներն ասում են, որ անորակ շինարարություն է եղել, և մեկ տարի անց ասֆալտաշերտը սկսել է քայքայվել, առաջացել են հսկայական փոսեր։ Վիճակն ավելի է վատացել նաև մոտակա հանքի ծանր բեռնատարների անցուցադարձի պատճառով։ Փոսերն ավելի են խորացել, դրանք ընթացիկ աշխատանքների ժամանակ, եթե փակվել են, ապա տեղումների հետ բեռնատարների անիվների տակ չեն դիմացել։
«Ճամփեն սարքեցին, մեկ տարի չանցած՝ քանդվավ։ Մարզպետարանի ներկայացուցչին կհարցնեմ՝ կսե էս ճամփեն մինչև էսօր ընդունված չէ։ Համաշխարհային բանկի ֆինանսավորմամբ է սարքվե բայց պետությունը մինչև էսօր դեռ չի ընդունել, որովհետև բռակ է էստեղ ասֆալտ գոյություն չունի»,- ասում է բողոքող գյուղացիներից մեկը։
Ճանապարհը քայքայվածության պատճառով այժմ որևէ ընկերություն չի սպասարկում։ Այն դուրս է մնացել ճանապարհաշինական ընկերություններին ներկայացվող մրցույթների փաթեթներից։ Մարզային նշանակության ճանապարհը իր միջոցների հաշվին ընդամենը անցանելի է պահում Ախուրյանի համայնքապետարանը։
Գյուղի բնակիչները ճանապարհը փակ պահեցին մինչև ոստիկանության ու պարեկային ծառայության աշխատակիցների, Շիրակի մարզպետարանի աշխատակազմի պատասխանատուների տարածք գալը։ Քաղաքաշինության վարչության պետը բողոքող գյուղացիների հետ կարճ զրույցից հետո հեռացավ՝ հրաժարվելով այլ պարզաբանումներից։ Պաշտոնյաները գյուղացիներին միայն հայտնել էին, որ հարցը կկարգավորվի ժամանակավոր՝ փոսալցումներով։
«Մենք պայմանավորվեցինք ժամանակավոր լուծում տալ, կատարելու ենք փոսալցում, հարթեցման աշխատանքներ ենք կատարելու, բայց դա ժամանակավոր է, ճանապարհը անընդհատ սպասարկման խնդիր ունի, որը ծանր է նստելու համայնքի վրա։ Բոլոր դեպքերում՝ փորձելու ենք էս ձևով ինչ- որ հարցեր լուծել»,- նշում է Ախուրյան համայնքի ղեկավար Արծրունի Իգիթյանը։
Ճանապարհը բավական երկար է, գյուղատնտեսական աշխատանքների եռուն շրջանում այստեղով են անցնում կոմբայնները, տրակտորները, վարուցանքի տեխնիկան։ Պետական որևէ փողոցաշինական ծրագրում այս տարի Գյումրի-Արևիկ ճանապարահատվածը ներառված չէ։
Ճանապարհը անցանելի պահելու տարբերակը նորից մնաց հարթեցումը, տեղ-տեղ էլ ավազակոպճային հիմքով փոսալցումը, ինչն էլ կարճ կյանք կունենա՝ ծանրաքաշ բեռնատարների և գյուղտեխնիկայի պատճառով։ Մի քանի օրից համայնքապետարանը կսկսի փոսալցման և հարթեցման աշխատանքները։
13:00 30.04.2025
Շրջանառության հարկ վճարողները 2025 թ․ առաջին եռամսյակի աջակցության ծրագրից օգտվելու համար անհրաժեշտ է դիմումը ներկայացնեն մինչև մայիսի 10-ըՊետական եկամուտների կոմիտեն հիշեցնում է, որ առևտրական (առք ու վաճառքի) գործունեություն իրականացնող շրջանառության հարկ վճարողները 2025 թվականի առաջին, երկրորդ եռամսյակների համար կարող են օգտվել աջակցության ծրագրից և հետ ստանալ շրջանառության հարկի 5 տոկոս շեմից ավելի վճարված գումարները: Աջակցության ծրագրից կարող են օգտվել այն տնտեսվարողները, որոնք միաժամանակ բավարում են հետևյալ պայմաններին՝ 2024 թվականին իրականացրել են առևտրական […] ...
12:55 30.04.2025
Նիկոլ Փաշինյանը ցավակցական հեռագրեր է հղել Իրանի հոգևոր առաջնորդին և նախագահինՎարչապետ Նիկոլ Փաշինյանը ցավակցական հեռագրեր է հղել Իսլամական հեղափոխության գերագույն առաջնորդ Սեյեդ Ալի Խամենեիին և Իրանի Իսլամական Հանրապետության նախագահ Մասուդ Փեզեշքիանին՝ Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի հետևանքով անմեղ քաղաքացիների զոհվելու կապակցությամբ: Իրանի հոգևոր առաջնորդին ուղղված հեռագրում նշված է. «Խորին ցավակցություն եմ հայտնում Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի […] ...
12:50 30.04.2025
Քննարկվել է Քաջարան-Ագարակ ճանապարհի կառուցման ընթացքը«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանն ընդունել է Կայունացման և զարգացման Եվրասիական հիմնադրամի պատվիրակության անդամներ Արթուր Առաքելյանին, Վասիլի Գլուխովին և Վիկտոր Պոպովին։ Հանդիպմանը մասնակցում էին Ճանապարհային դեպարտամենտի գործադիր տնօրենի տեղակալ Կարեն Բադալյանը, այլ պատասխանատուներ։ Քննարկման առանցքում Հյուսիս-հարավի Տրանշ-4-ի Քաջարան-Ագարակ 32կմ երկարությամբ ճանապարհահատվածի շինարարության հետ կապված հարցերն էին։ Քաջարան-Ագարակ ճանապարհահատվածը կառուցվում է Կայունացման և զարգացման […] ...
12:44 30.04.2025
Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն․ ReutersԱՄՆ Պետդեպարտամենտը կրկին սկսել է իր աշխատակիցներին առաջարկել կամավոր կերպով աշխատանքից ազատման հնարավորություն՝ փոխհատուցմամբ, հաղորդում է Reuters-ը ՝ հղում անելով իր ստացած էլեկտրոնային նամակը։ Ավելի վաղ ԱՄՆ պետքարտուղար Մարկո Ռուբիոն հայտարարել էր գերատեսչությունում աշխատանքների լայնածավալ վերակազմակերպման մասին՝ Պետդեպարտամենտը բյուրոկրատիայից ազատելու և անձնակազմը կրճատելու նպատակով։ «Մենք շարունակում ենք լսել արձագանքները և ցանկանում ենք մեր աշխատակիցներին հնարավորություն […] ...
12:39 30.04.2025
ԱՄՆ-ը ձգտում է կանխել Իրանի՝ միջուկային զենք ստանալը. ՈւոլցԱՄՆ-ը քննարկում է Իրանի միջուկային ծրագիրը սահմանափակելու բոլոր տարբերակները։ Այս մասին հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Բոլոր տարբերակները սեղանին են: Իրանը չպետք է միջուկային զենք ունենա, նախագահը (Դոնալդ Թրամփը) բացարձակ լուրջ է վերաբերվում դրան»,- ասել է Ուոլցը New York Post-ին՝ մեկնաբանելով Իրանի միջուկային օբյեկտներին հարվածելու հնարավորության մասին հայտարարությունները: Նախագահի օգնականը հույս […] ...
12:35 30.04.2025
Մայիսի 2-5-ին սպասվում է կարճատև անձրև և ամպրոպ, քամու ուժգնացումԵրևանում ապրիլի 30-ին կեսօրից հետո, մայիսի 1-ին երեկոյան, մայիսի 2-5-ին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ: Մարզերում ապրիլի 30-ի և մայիսի 1-ի ցերեկը, մայիսի 2-3-ի գիշերն առանձին շրջաններում, 2-ի և 4-ի ցերեկը, 5-ին շրջանների զգալի մասում սպասվում է կարճատև անձրև և ամպրոպ, 2-ի ցերեկն առանձին վայրերում՝ հորդառատ։ […] ...
