14:55 17.07.2023
ՀՀ կրթության, գիտության, մշակույթի և սպորտի նախարարության աջակցությամբ «Հարմոնիում» ՀԿ-ն (գեղարվեստական ղեկավար՝ դաշնակահար, ՀՀ վաստակավոր արտիստ, պրոֆեսոր Արմեն Բաբախանյան) իրականացնում է «Մեկնարկ» տաղանդի զարգացման նպատակային ծրագիրը:
Ծրագիրն ընդգրկված է ՀՀ կառավարության որոշմամբ հաստատված՝ «Հայաստանի Հանրապետության կառավարության 2021-2026 թվականների գործունեության միջոցառումների ծրագրում»:
Ծրագրի նպատակն է պատանի տաղանդավոր երաժիշտ-կատարողների բացահայտումը, նրանց մասնագիտական կարողությունների զարգացումը, հանրային ճանաչելության բարձրացումը, մասնակցության ապահովումը հանրապետական և միջազգային երաժշտական մրցույթներին, փառատոներին և այլ նախագծերին, ավագ սերնդի փորձի փոխանցման լիարժեք պայմանների ստեղծումը:
«Մեկնարկ» տաղանդի զարգացման նպատակային ծրագիրն ուղղված է 11-20 տարեկան առավել տաղանդավոր պատանի երաժիշտ-կատարողների (դասական երաժշտական գործիքներ՝ դաշնամուր, ջութակ, թավջութակ) զարգացմանը, կատարելագործմանը և խրախուսմանը` հետագայում միջազգային ասպարեզում հայկական կատարողական արվեստը ներկայացնելու նպատակով:
Նշենք, որ 2023 թվականի հունվար-հունիս ամիսներին ծրագրում ընդգրկվել են 15 տաղանդավոր երիտասարդ երաժիշտ-կատարող և 6 առաջատար մասնագետ՝ դաշնամուր, ջութակ, թավջութակ մասնագիտություններով:
2023 թվականի 1-ին կիսամյակում «Մեկնարկ» տաղանդի զարգացման նպատակային ծրագրի 8 շնորհալի երեխաներ մասնակցել են 13 երաժշտական միջազգային մրցույթների և արժանացել 1-ին և 2-րդ մրցանակների: Մասնավորապես.
«FUJAIRAH» դաշնակահարների 4-րդ միջազգային մրցույթ (ԱՄԷ)
«London classical» դաշնակահարների միջազգային մրցույթ (Մեծ Բրիտանիա)
«Gloria Artis» 3-րդ միջազգային մրցույթ (Ավստրիա)
«Swiss» դաշնակահարների միջազգային մրցույթ (Շվեյցարիա)
«Great Piano Masters» դաշնակահարների միջազգային մրցույթ (Իսպանիա)
«Virtuoso» միջազգային երաժշտական մրցանակ (Մեծ Բրիտանիա)
Ա․ Խաչատրյանի անվան դաշնակահարների միջազգային մրցույթ (Հայաստան)
Գ․ Մալերի անվան դաշնակահարների միջազգային մրցույթ (Չեխիա)
«ՀԲԸՄ-ն բացահայտում է տաղանդներ» դաշնակահարների միջազգային մրցույթ (Հայաստան)
Առնո Բաբաջանյանի անվան 7-րդ միջազգային մրցույթ (Հայաստան)
IMKA միջազգային մրցույթ (Բոսնիա և Հերցոգովինա)
«AMIGDALA» միջազգային մրցույթ (Իտալիա)
«Merci Maestro» միջազգային մրցույթ (Հունաստան):
Ծրագրի անդամները մի շարք վարպետության դասեր են ստացել աշխարհի այնպիսի լավագույն մասնագետներից, ինչպիսիքն են՝ Անդրեյ Մալոֆեևը (ՌԴ), Պասկալ Գոդարը (Ֆրանսիա), Թամաշ Ունգարը (ԱՄՆ), Անդրե Սեվերինը (Հոլանդիա), Քրիստոֆ Բարատտին (Իտալիա), Ջուշուա Բելը (Անգլիա), Զախար Բրոնը (Շվեյցարիա) և այլոք։
2023 թ. առաջին կիսամյակում ծրագրի անդամները մասնակցել են նաև «Վարպետության դաս. մեկնարկ» ծրագրի շրջանակում իրականացված 6 վարպետության դասերի, որոնք անցկացրել են հայաստանյան և արտերկրի մասնագետները: Վարպետության դասերն անցկացրել են Brescia Classica (Իտալիա) և Արամ Խաչատրյանի անվան միջազգային մրցույթների դափնեկիր Հռիփսիմե Աղաքարյանը (դաշնամուր), միջազգային մրցույթների դափնեկիր Արմեն-Լևոն Մանասերյանը (դաշնամուր), Բախի միջազգային մրցույթի (Լայպցիգ), Վալենտինո Բուկկիի անվան միջազգային մրցույթի (Հռոմ) դափնեկիր Դավիթ Մելքոնյանը (թավջութակ), ՀՀ արվեստի վաստակավոր գործիչ, պրոֆեսոր Սերգեյ Քեչեկը (դաշնամուր), միջազգային մրցույթների դափնեկիր, ՀՀ ֆիլհարմոնիկ նվագախմբի կոնցերտմայստեր, ջութակահար Արամ Ասատրյանը (ջութակ) և Շվեյցարիայի Լոզան քաղաքի կոնսերվատորիայի դաշնամուրային դեպարտամենտի ղեկավար, պրոֆեսոր Պասկալ Գոդարը: «Մեկնարկ» տաղանդի զարգացման նպատակային ծրագրի անդամները վարպետության դասերի շրջանակում մասնակցել են նաև 7 համերգի:
Ծրագրի 3 անդամ մասնակցել է Բյոզենդորֆեր փառատոնի երկու համերգների՝ Ավստրիայում: Ծրագրի 1 անդամ՝ որպես մենակատար, ելույթներ է ունեցել ՌԴ Մոսկվա և Սանկտ-Պետերբուրգ քաղաքներում, 2 անդամ՝ համերգներով ելույթներ ունեցել Ֆրանսիայում, իսկ 2 անդամ՝ ելույթներ ունեցել Հայաստանի սիմֆոնիկ նվագախմբի հետ։ Ծրագրի 1 անդամ մասնակցել է Սամարայում անցկացվող ամառային ակադեմիային, 6 անդամներ՝ Կապանի միջազգային երաժշտական փառատոնին, իսկ 1 անդամ համերգներով ելույթ է ունեցել ԱՄԷ-ում։ Ծրագրի ևս մեկ մասնակից Շվեյցարիայում մասնակցել է Զախար Բրոնի ակադեմիայի վարպետության դասերին։
15:35 05.08.2025
Երևանի Էրեբունի վարչական շրջանում գործարկվելու է էլեկտրական շչակՕգոստոսի 6-ին՝ ժամը 11:00-ից մինչև 12:00-ն ընկած ժամանակահատվածում, Երևանի Էրեբունի վարչական շրջանի Վարդաշեն 3-րդ փողոցում գործարկվելու է էլեկտրական շչակ։ Այս մասին հայտնում է ՆԳՆ փրկարար ծառայությունը։ ...
15:28 05.08.2025
Հնդկաստանի վարչապետի ազգային անվտանգության գծով խորհրդականը նախատեսում է այս շաբաթ այցելել ՌուսաստանՀնդկաստանի վարչապետ Նարենդրա Մոդիի ազգային անվտանգության հարցերով խորհրդական Աջիտ Դովալը այս շաբաթ կայցելի Մոսկվա, երեքշաբթի օրը հաղորդել է Tribune India-ն։ «Դովալի այցը Մոսկվա նախատեսված է այս շաբաթ», – ասվում է հայտարարության մեջ։ Մինչդեռ, ըստ The Times of India-ի, Մոդիի խորհրդականն արդեն ժամանել է Ռուսաստան: Հրատարակությունը նշում է, որ նրա այցը «նպատակ ունի ամրապնդել Հնդկաստանի և […] ...
15:20 05.08.2025
ԿԲ-ն ներկայացրել է Arca համակարգում վերջին օրերին գրանցված խափանումների պատճառըArca համակարգում օրեր առաջ նկատված խափանումները եղել են սարքի խափանման հետևանք: «Արմենպրես»-ի փոխանցմամբ` այս մասին ասուլիսում ասաց Կենտրոնական բանկի փոխնախագահ Արմեն Նուրբեկյանը: «Կենտրոնական բանկը Arca համակարգի հետ կապված ուսումնասիրությունները շարունակում է: Arca-ի խափանումը եղել է սարքի խափանման հետևանք: Դա շատ մեծ հեղինակություն ունեցող արտասահմանյան ընկերության կողմից տրամադրվող սարք է: Հիմա փաստացի հետազոտություններ են անում, նաև […] ...
14:57 05.08.2025
Գազայի հատվածում 2023 թվականից ի վեր զոհերի թիվը գերազանցել է 61 000-ըԻսրայելի կողմից 2023 թվականի հոկտեմբերի 7-ից ի վեր Գազայի հատվածում Իսրայելի ռազմական գործողությունների հետևանքով զոհերի թիվը գերազանցել է 61,000-ը, ավելի քան 150,000 մարդ վիրավորվել է, հայտնել է պաղեստինյան անկլավի առողջապահության նախարարությունը։ Անցյալ շաբաթվա սկզբին նախարարությունը հայտարարեց, որ զոհերի թիվը գերազանցել է 60,000-ը։ Նախարարության հայտարարության համաձայն՝ վերջին 24 ժամվա ընթացքում Գազայի հիվանդանոցներ է տեղափոխվել 87 մարդ, […] ...
14:50 05.08.2025
Սպիտակ համայնքի մի շարք բնակավայրերում փորձարկվելու են էլեկտրական շչակներՕգոստոսի 6-ին՝ ժամը 10:00-ից մինչև 17:00-ն ընկած ժամանակահատվածում, Լոռու մարզի Սպիտակ համայնքի Շիրակամուտ, Գեղասար, Սարահարթ, Գոգարան բնակավայրերի մի շարք հասցեներում փորձարկվելու են էլեկտրական շչակներ: Այս մասին հայտնում են ՆԳՆ փրկարար ծառայությունից։ ...
