Քաղաքապետրանում լրագրողների համար հատուկ պայմաններ են միայն առանձնացված սենյակում

Հայտարարվածի համաձայն՝ այսօր Երևաի քաղաքապետարանում գումարվել է Երևան քաղաքի ավագանու 3-րդ նստաշրջանի 2-րդ նիստը: Սա փետրվարի 13-ի աղմկահարուց նիստից հետո առաջին նիստն է: Լրագրողների համար այս անգամ քաղաքապետարանում և առանձին սենյակ է առանձնացված, բայց հնարավորություն կա նաև լուսաբանել նիստը հենց դահլիճից: Ի տարբերություն հատուկ առանձնացված սենյակի, նիստերի դահլիճում ինտերնետ կապը խլացված է, լրագրողների համար աթոռներ չկան: Առանձնացված սենյակում մեկ-երկու լրագրող է միայն աշխատում: Մյուսները նախընտրել են նիստերի դահլիճը՝ թեկուզ աշխատանքային պայմանների բացակայությամբ:

Հիշեցնենք, որ 3 օր առաջ  SHANTNEWS-ի հետ զրույցում  Քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանն ասաց, որ այսուհետ լրագրողները Երևանի ավագանու նիստերը կկլուսաբանեն լրագրողների համար հատուկ առանձնացված տարածքից:

«Լրատվամիջոցների կողմից ներկայացված առաջարկների հիման վրա իրականացվում են համապատասխան պայմանների ապահովման աշխատանքներ, որի արդյունքում, բացի հարմարավետությունից, կերաշխավորի նաև անխափան հեռարձակման և լուսաբանման հնարավորությունը: Եվ, հաշվի առնելով կատարվող աշխատանքների ծավալն ու սարքավորումների փորձարկման գործընթացի առանձնահատկությունները, ավագանու մարտի 19-ի նիստը լրագրողները կարող են ամբողջությամբ լուսաբանել թե՛ անմիջապես նիստերի դահլիճից, թե՛ անհրաժեշտ նոր սարքավորումներով կահավորված հատուկ առանձնացված տարածքից»,- մեզ հետ զրույցում  ասել էր Արթուր Գևորգյանը:

Լուրերը,  ըստ որոնց  արգելվելու է լրագրողների մուտքը նիստերի դահլիճ, սկսեցին շրջանառվել  փետրվարի 13-ին  ավագանու նիստում տեղի ունեցած միջադեպից հետո: Բանն այն է, որ ավագանու «Երկիր Ծիրանի» խմբակցության անդամները դահլիճ էին եկել  Նուբարաշենի կոյուղաջրերը  տարաների մեջ լցրած և բժշկական դիմակներով։ Բացված շշերից տարածված գարշահոտը ավագանու անդամներից շատերի մոտ դժգոհություն առաջացրեց, մի մասը լքեց նիստերի դահլիճը։ Լարվածությունն էլ ավելի մեծացավ  այն բանից հետո, երբ «Երկիր Ծիրանի» խմբակցության անդամ Մարինա Խաչատրյանը փորձեց  տարաներից մեկը մոտեցնել քաղաքապետ Տարոն Մարգարյանին։ Այս ժամանակ վիճաբանություն սկսվեց  ՀՀԿ և «Երկիր Ծիրանի» խմբակցությունների անդամների միջև, քաշքշոցի ժամանակ տարաներից մեկի պարունակությունը թափվեց գետնին։  ՀՀԿ ներկայացուցիչները քաշքշեցին «Երկիր Ծիրանի»-ի անդամներին, ծեծկռտուք սկսվեց, ոոստիկանները միջամտեցին։ Ավագանու նիստը միջադեպի պատճառով ընդմիջվեց։

Ավելի ուշ, դեպքի առիթով քերական գործ  հարուցվեց: «Երկիր ծիրան»-ի անդամ Մարինա Խաչատրյանը հայտարարեց, որ միջադեպի ժամանակ ոչ միայն ֆիզիական բռնություն, այլև սեռական բնույթի ոտնձգություն է կատարվել իր նկատմամբ։ Միջադեպի վերաբերյալ ոստիկանություն հաղորդում ներկայացրեցին նաև քաղաքապետարանի աշխատակիցնեը: Փետրվարի 16-ին հարուցված քրեական գոծրը  խուլիգանության և ծեծի հատկանիշներով է՝ նախատեսված  ՀՀ քրեական օրենսգրքի 258-րդ և 118-րդ հոդվածներով։  

Ինչ վերաբերում է լրագրողների աշխատանքը սահմանափակելու, ապա նախ խոսվում էր դռնփակ նիստերի անցնելու մասին: Սակայն ՀՀ արդարադատության նախարար Դավի Հարությունյանն ասաց, որ Երևանի ավագանու նիստերը փակ լինել չե կարող.

«Միջազգային փորձից ելնելով միշտ ավագանու նիստերը ձգտում են կատարել ավելի բաց և թափանցիկ, իսկ կառավարության նիստերը փակ: Անթույլատրելի եմ համարում կառավարության նիստերի հետ համեմատությունը», – ասել է Հարությունյանը

Երևանի քաղաքապետարանում լրագրողների աշխատանը սահմանափակելուն  դեմ են արտահայտվել  մի շարք լրագրողական կազմակերպություններ՝ իրենց տարածած հայտարարության մեջ նշելով, որ պահանջում են  անփոփոխ թողնել ԶԼՄ-ների ներկայացուցիչների հետ աշխատելու պայմանները:  SHANTNEWS-ը նաև հաղորդել է, որ խնդրի առնչությամբ Երևանի քաղաքապետ Տարոն Մարգարյանի հետ հանդիպում է ունեցել նաև ժուռնալիստների միության նախագահ Սաթիկ Սեյրանյանը: Հանդիպման ավարտին Երևանի քաղաքապետն ու Հայաստանի ժուռնալիստների միության նախագահը պյամանվորվել են  Երևանի քաղաքապետարանում ԶԼՄ-ների ներկայացուցիչների համար աշխատանքների կազմակերպման պայմանների ստեղծման նախաձեռնությանը ներգրավել նաև լրատվամիջոցների ներկայացուցիչներին, որոնք իրենց առաջարկներով կնպաստեն առավել թափանցիկ, հարմարավետ և արդյունավետ աշխատանքների կազմակերպմանը, որից կշահի երևանցին:

SHANTNEWS-ը  տեղեկացրել է նաև յան մասին, որ Երևանի նիստերի դռնփակ լինելն անընդունելի է համարել նաև ՀՀ մարդու իրավունքների պաշտպան Արման Թաթոյանը:

«Լրագրողին չի կարելի ընկալել որպես բարիկադի հակադարձ կողմում գործող անձ, հակառակը, պետք է լրագրողին վերաբերվել նրա ազնվության ու բարեխղճության կանխավարկածով, որովհետև լրագրողը ունի օրենքին համապատասխան և բարեխիղճ գործելու բարձր պատասխաանտվություն ու կոչում: Լրագրողը կատարում է կարևոր հանրային գործառույթ: Քաղաքացին միշտ ցանկանում է հասկանալ, թե այս կամ այն պետական գործառույթն ինչպես է իրականացվում: Վերջնական հասցեատերը քաղաքացին է, բայց փոխանցողը լրագրողն է»,- նշել է  Արման Թաթոյանը:

Երևանի քաղաքապետրանում փետրվարի 13-ին կատարվածին անդրադարձել են նաև մի շարք քաղաքական, հասարակական գործիչներ, կազմակերպություններ: