18:38 01.09.2018
Արցախի Հանրապետության Նախագահի նստավայրում սեպտեմբերի 1-ին տեղի է ունեցել պարգևատրման հանդիսավոր արարողություն՝ Արցախ Հանրապետության հռչակման 27-րդ տարեդարձի կապակցությամբ: «Արցախպրես»-ի հաղորդմամբ` հայրենիքի պաշտպանության գործում ունեցած նշանակալի ավանդի, ԱՀ պետական սահմանը պաշտպանելիս արիության և խիզախության, մատուցած ծառայությունների և մասնագիտական արդյունավետ ու նվիրված գործունեության համար ԱՀ նախագահի կողմից պետական բարձր պարգևների են արժանացել պաշտպանության բանակի մի խումբ զինծառայողներ, ազատամարտիկներ և քաղաքացիներ: Հետմահու «Գրիգոր Լուսավորիչ» շքանշանի է արժանացել նաև ԼՂՀ առաջին գումարման Գերագույն խորհրդի պատգամավոր Վլադիկ Հակոբյանը:
Պարգևատրման արարողությունից հետո նախագահ Բակո Սահակյանն իր ելույթում նշել է, որ ձևավորված ավանդույթի համաձայն՝ ամեն տարի կարևոր պետկան տոների նախաշեմին նախագահական նստավայրում տեղի է ունենում պարգևատրման հանդիսավոր արարողություն:
«Վստահ եմ, որ պետական բարձր պարգևներն էլ ավելի կպարտավորեցնեն ձեզ, այսուհետ ևս նվիրվածությամբ ծառայել մեր երկրին և ժողովրդին: Սա ևս մեկ առիթ է գնահատելու հարազատ ժողովուրդին, անմնացորդ ծառայող մեր հայրենակիցների քրտնաջան աշխատանքը, նրանց նվիրվածությունը սեփական գործին, հայրենի երկրի պաշտպանությանը շենացմանն ու բարգավաճմանը:
Ձեր ջանքերի շնորհիվ է նաև, որ արդեն 27 տարի զորանում է ազատ ու անկախ Արցախը՝ օր օրի ամրապնդելով իր պետականությունն ու պաշտպանողականությունը, բարելավելով քաղաքացիների կենսապայմանները, ճանապարհ հարթելով հուսալի ապագայի համար և պետք է նշել, որ հենց այդպիսի մարդկանցով է պետությունը հարուստ ուժեղ և ամուր, կարողանում հաղթահարել դժվարություններն ու փորձությունները, իրականացնել բազմաբնույթ ծրագրեր՝ տնտեսության տարբեր ոլորտներում, պահպանել և զարգացնել ազգային արժեքներն ու ավանդույթները: Պետությունը միշտ պետք է հիշի և բարձր գնահատի իր երախտավորներին»,- ասել է նախագահը:
Բակո Սահակյանն ընդգծել է, որ Արցախը մայր Հայաստանի և Սփյուքի հետ միասին, վստահ քայլերով ընթանում է ազատ, ինքնիշխան և ժողովրդավար պետություն կառուցելու ճանապարհով՝ այդ բոլոր տարիների ընթացքում առաջին հերթին հուսալիորեն ապահովելով պետության և ժողովրդի պաշտպանողականությունն ու անվտանգությունը, լուծել է շատ ու շատ խնդիրներ պետական մարմինների ու ժողովրդավարական ինստիտուտների կայացման, տնտեսության տարբեր ոլորտների զարգացման, բնակչության կենսամակարդակի բարձրացման ուղղությամբ:
«Շատ են նաև անելիքներն ու ծրագրերը: Ժամանակը ներկայանցնում է նոր պահանջներ և կարևորագույն խնդիրներ, որոնք այսօր օրակարգում են: Պետության կողմից կձեռնարկվեն բոլոր միջոցները դրանք արդյունավետորեն լուծելու նպատակով»,- նշել է նախագահը:
Միջոցառմանը ներկա էին Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, ԱԺ նախագահ Աշոտ Ղուլյանը, պետական նախարար Գրիգորի Մարտիրոսյանը, պաշտպանության նախարար Լևոն Մնացականյանը, բարձրաստիճան այրեր, հյուրեր:
11:07 30.04.2025
Անձը զորակոչիկներին պարտադիր ժամկետային զինվորական ծառայությունից ազատելու նպատակով պաշտոնատար անձանց կաշառք տալու միջնորդության պատրվակով ստացել է դրամական միջոցներՀՀ քննչական կոմիտեի զինվորական քննչական գլխավոր վարչության հատկապես կարևոր գործերի քննության վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ Գեղարքունիքի մարզի բնակիչը որոշակի գումարի դիմաց ստանձնել է Վայոց ձորի և Գեղարքունիքի մարզերի մի շարք բնակիչների վերաբերյալ բժշկական կեղծ փաստաթղթեր ձեռք բերելու և վերջիններիս պարտադիր ժամկետային զինվորական ծառայությունից ազատելու […] ...
10:57 30.04.2025
Եվրոպան պետք է առաջնորդի Ուկրաինային օգնություն տրամադրելու ապագա նախաձեռնությունները․ Մայք ՈւոլցԵվրոպան պետք է առաջնորդի Ուկրաինային օգնություն տրամադրելու ապագա նախաձեռնությունները։ Այս մասին New York Post-ին տված հարցազրույցում հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Մենք հստակեցրել ենք, որ Ուկրաինային ապագա օգնությունը պետք է ղեկավարի Եվրոպան», – ասել է Ուոլցը։ Ապրիլի 19-ին The New York Times-ը, հղում անելով աղբյուրներին, հաղորդել է, որ ԱՄՆ նախագահ Դոնալդ […] ...
10:52 30.04.2025
Թրամփը կարծում է, որ Պուտինը պատրաստ է խաղաղության համաձայնագիր կնքել Ուկրաինայի հետՌուսաստանի առաջնորդ Վլադիմիր Պուտինը ցանկանում է խաղաղության համաձայնագիր կնքել Ուկրաինայի հետ, հայտարարել է ԱՄՆ նախագահ Դոնալդ Թրամփը ABC News-ին տված հարցազրույցում։ «Նա կցանկանար դադարեցնել պատերազմը։ Ես կարծում եմ՝ այո», – ասել է Թրամփը։ ԱՄՆ նախագահի խոսքով՝ իր առաջին նախագահական ժամկետի ավարտին ուկրաինական ճգնաժամի առաջացման հավանականություն անգամ չկար։ Նա նշել է, որ հակամարտությունը հնարավոր դարձավ նախկին […] ...
10:45 30.04.2025
Հուսով եմ՝ նա գերազանց պաշտպանության նախարար է լինելու․ Թրամփը աջակցություն է հայտնել ՀեգսեթինԱՄՆ նախագահ Դոնալդ Թրամփը հայտարարել է, որ չնայած Signal Messenger-ում զրույցների հետ կապված սկանդալին, որին ներգրավված էր պաշտպանության նախարար Փիթ Հեգսեթը, ինքը հավատում է Հեգսեթի կարողությանը՝ դառնալ գերատեսչության լավ ղեկավար։ «Նա տաղանդավոր տղա է։ Նա երիտասարդ է։ Նա խելացի է, շատ կրթված։ Եվ ես կարծում եմ, որ նա շատ լավ, հուսով եմ՝ գերազանց պաշտպանության նախարար […] ...
10:35 30.04.2025
Գաբրիել Ֆորեի հանրահայտ «Ռեքվիեմով» եզրափակվել է ֆրանկոֆոնիայի երկամսյակը ՀայաստանումԿԳՄՍ նախարարության աջակցությամբ Կամերային երաժշտության ազգային կենտրոնն Արամ Խաչատրյան համերգասրահում ներկայացրել է Ֆրանկոֆոնիայի օրերի շրջանակում կազմակերպված միջոցառումների եզրափակիչ գալա համերգը՝ նվիրված ֆրանսիացի կոմպոզիտոր Գաբրիել Ֆորեի 180-ամյակին։ Հնչել է Գաբրիել Ֆորեի հանրահայտ «Ռեքվիեմը»։ Միջոցառմանը ներկա են եղել ԿԳՄՍ նախարարի տեղակալ Արթուր Մարտիրոսյանը և ՀՀ-ում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյին։ ԿԳՄՍ նախարարի տեղակալ Արթուր […] ...
10:33 30.04.2025
Թբիլիսիում բռնկված խոշոր հրդեհը չեզոքացվել էԹբիլիսիի «Вокзальная площадь» մետրոյի կայարանի մոտակայքում գտնվող շուկայում վաղ առավոտյան բռնկված խոշոր հրդեհը չեզոքացվել է, հայտնել է գլխավոր հրշեջ-փրկարարական ծառայության պետ Լևան Մուսելիանին։ Մոտավորապես ժամը 6-ին բռնկված հրդեհի մարմանը մասնակցել է մոտ 30 հրշեջ-փրկարարական մեքենա։ Ականատեսների վկայությամբ՝ հրդեհը սկսվել է երկրորդ հարկում գտնվող կոշիկի խանութում։ «Հրշեջների ժամանակին արձագանքման շնորհիվ մենք կարողացանք տեղայնացնել և չեզոքացնել հրդեհը», […] ...
