17:50 29.11.2023
ՀՀ կրթության, գիտության, մշակույթի և սպորտի նախարարության աջակցությամբ իրականացվող՝ Հայաստանի ազգային ֆիլհարմոնիկ նվագախմբի (գեղարվեստական ղեկավար և գլխավոր դիրիժոր՝ Էդուարդ Թոփչյան) միջազգային շրջագայությունն ավարտվել է:
Հյուրախաղերը նվիրված էին հայ մեծանուն կոմպոզիտոր Արամ Խաչատրյանի ծննդյան 120-ամյակին: Ծրագրում ընդգրկված էին նաև Ռախմանինովի ստեղծագործությունները՝ կոմպոզիտորի 150-ամյակի կապակցությամբ:
Համերգները կայացել են նոյեմբերի 12-21-ը այնպիսի հեղինակավոր կառույցներում, ինչպիսիք են Աթենքի ‹‹Մեգարոն››, Սալոնիկի, Նյու Յորքի «Քարնեգի հոլլ», Տորոնտոյի «Ռոյ Թոմսոն հոլլ», Մոնրեալի սիմֆոնիկ երաժշտության (La Maison Symphonique), Բոստոնի «Սիմֆոնիկ հոլլ» համերգասրահներում:
Ծրագրում ընդգրկված էին Արամ Խաչատրյանի «Ջութակի կոնցերտը», հատվածներ ‹‹Սպարտակ›› բալետից, Ռախմանինովի «Դաշնամուրի թիվ 3 կոնցերտը» և «Սիմֆոնիա թիվ 2-ը»:
Համերգների մենակատարներն էին համաշխարհային մեծ համբավ ունեցող հայ երաժիշտներ՝ դաշնակահար Սերգեյ Բաբայանը, ջութակահարներ Սերգեյ Խաչատրյանը և Անուշ Նիկողոսյանը: Բոլոր համերգները կայացել են դիրիժոր Էդուարդ Թոփչյանի ղեկավարությամբ:
Նոյեմբերի 21-ին Բոստոնի «Սիմֆոնիկ հոլլում» կայացած համերգը բարեգործական էր, որի տոմսերից գոյացած հասույթը՝ որպես մարդասիրական օգնություն, ուղղվել է Լեռնային Ղարաբաղից բռնի տեղահանված հայերի աջակցությանը:
Տարբեր քաղաքներում կայացած համերգներին ներկա են եղել և ողջույնի խոսքով հանդես են եկել ՀՀ արտակարգ և լիազոր դեսպանները, տեղական իշխանությունների, հայ հոգևոր դասի ներկայացուցիչներ:
Ֆիլհարմոնիկ նվագախումբը մենակատարների հետ միասին արժանացել է միջազգային երաժշտաքննադատների բարձր գնահատանքին: Մասնավորապես նշվել է, որ Հայաստանի ֆիլհարմոնիկը արժանի կերպով է ներկայացրել իր ազգային երաժշտությունը, այն հանդես է գալիս լայն երկացանկով, և օրինակ, նվագում է Մոցարտ «այնպես, կարծես խոսում է հարազատ լեզվով» (Դեյիդ Պատրիկ Ստերնս): Երաժշտաքննադատ Հարրի Ռոլնիկը, անդրադառնալով Սերգեյ Խաչատրյանի կատարմանը, նշել է. «Արամ Խաչատրյանի «Ջութակի կոնցերտը» բարձրագույն հուզական լիցք է պարունակում: Սերգեյ Խաչատրյանը կարողացավ այդ էներգիան փոխանցել հանդիսատեսին: Նրա Գվարների դել Ջեզուի ձայնը հնչեղ էր, բայց ոչ ցուցադրական, և միշտ կենտրոնացած»: Անդրադառնալով ֆենոմենալ դաշնակահար Սերգեյ Բաբայանի՝ Ռախմանինովի «Դաշնամուրի 3-րդ կոնցերտի» բոստոնյան կատարմանը, ասվում է, որ նրա տիրական, իշխող տեխնիկան և նուրբ երաժշտականությունը ցնցող էմոցիոնալ ազդեցություն է թողնում ունկնդրի վրա (Սյուզան Մայրոն):
21:14 06.08.2025
Թրամփ. Պուտինի և Ուիթկոֆի հանդիպումը շատ արդյունավետ էրՌուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիտկոֆի հանդիպումը եղել է շատ արդյունավետ: Այս մասին հայտնել է ԱՄՆ նախագահ Դոնալդ Թրամփը իր Truth Social սոցիալական ցանցում: «Իմ հատուկ բանագնաց Սթիվ Ուիտկոֆը հենց նոր շատ արդյունավետ հանդիպում ունեցավ Ռուսաստանի նախագահ Վլադիմիր Պուտինի հետ։ Մեծ առաջընթաց է գրանցվել։ Ես մեր եվրոպացի դաշնակիցներին տեղեկացրել եմ […] ...
21:05 06.08.2025
ԱՄՆ-ի լավագույն թենիսիստները կմրցեն Տորոնտոյի մրցաշարի կիսաեզրափակչումՏորոնտոյում կայացել է «Մասթերս 1000» կարգի մրցաշարի քառորդ եզրափակչի երկու հանդիպում: ԱՄՆ-ի առաջին ռակետ Թեյլոր Ֆրիցը 6:3, 7:6 հաշվով հաղթել է աշխարհի 11-րդ ռակետ Անդրեյ Ռուբլյովին: Կիսաեզրափակիչում Թեյլորը մրցելու է ԱՄՆ-ի երկրորդ ռակետ Բեն Շելթոնի հետ: 22-ամյա թենիսիստը վստահ հաղթանակի է հասել Ալեքս Դե Մինորի հետ պայքարում: Գրանցվել է 6:3, 6:4 հաշիվը: Մինչև այդ խաղն […] ...
20:54 06.08.2025
Գազամատակարարման պլանային դադարեցումներ՝ Արագածոտնի մարզի մի շարք հասցեներում«Գազպրոմ Արմենիա» ընկերությունից տեղեկացնում են, որ պլանային աշխատանքներ իրականացնելու նպատակով՝ օգոստոսի 7-ին ժամը 09:00-ից մինչև ժամը 18:00-ն, կդադարեցվի Արագածոտնի մարզի Ապարան քաղաքի, Կայք բնակավայրի գազասպառողների, նշված բանակավայրերում գործող տարբեր նշանակության հանրային կազմակերպությունների գազամատակարարումը։ ...
20:42 06.08.2025
Կայացել է Ներդրումային ծրագրերին աջակցող միջգերատեսչական հանձնաժողովի նիստըՓոխվարչապետ Տիգրան Խաչատրյանի գլխավորությամբ կայացել է Ներդրումային ծրագրերին աջակցող միջգերատեսչական հանձնաժողովի հերթական նիստը։ Այս մասին հայտնել են Կառավարության մամուլի ծառայությունից: Նիստի մեկնարկին մանրամասն անդրադարձ է կատարվել նախորդ նիստերի ընթացքում քննարկված՝ գործարար միջավայրի բարելավմանն ուղղված կարգավորումների և առանձին ներդրումային ծրագրերի կարգավիճակին, ինչպես նաև դրանց վերաբերյալ տրված հանձնարականների կատարման ընթացքին։ Այնուհետև քննարկվել են միջգերատեսչական որոշումներ պահանջող առանձին […] ...
20:33 06.08.2025
DefenceWeb. Հարավաֆրիկյան Հանրապետությունը, Ռուսաստանը և Չինաստանը համատեղ ռազմածովային զորավարժություններ կանցկացնենՀարավաֆրիկյան Հանրապետությունը, Ռուսաստանը և Չինաստանը այս տարվա նոյեմբերին Աֆրիկայի ափերի մոտ կանցկացնեն համատեղ ծովային զորավարժություններ՝ «Mosi 3» («Ծուխ 3») կոդային անվամբ։ Այս մասին հայտնել է տեղական DefenceWeb լրատվական պորտալը։ Զորավարժությունները կանցկացվեն Ատլանտյան օվկիանոսում՝ Հարավաֆրիկյան Հանրապետության ափերի մոտ։ Հարավաֆրիկյան Հանրապետությունը կընդունի զորավարժությունները, իսկ Չինաստանը կղեկավարի դրանք։ Ինչպիսի նավեր կմասնակցեն զորավարժություններին, առայժմ հայտնի չէ: Հունիսին Հարավաֆրիկյան Հանրապետությունում […] ...
20:20 06.08.2025
Թոմաս Փարթին գրավի դիմաց ազատ է արձակվել«Արսենալի» նախկին ֆուտբոլիստ Թոմաս Փարթին Լոնդոնի դատարանում ցուցմունք է տվել, հայտնում է Mundo Deportivo-ն: Ֆաբրիցիո Ռոմանոյի հաղորդմամբ՝ դատարանը նրան գրավի դիմաց ազատ արձակելու որոշում է կայացրել: Ինչպես և ակնկալվում էր, Փարթին կմիանա իսպանական «Վիլյառեալին»: Հուլիսի 1-ից ազատ գործակալի կարգավիճակում գտնվող Փարթիին մեղադրանք է առաջադրված՝ բռնաբարության 5, ինչպես նաև սեռական ոտնձգության 1 դեպքով: Նրա փաստաբանը նախկինում […] ...
