10:35 15.12.2023
Հանցագործություններին ու պատահարներին ավելի արագ արձագանքելու նպատակով 2021 թ. հուլիսին ստեղծվեց Ոստիկանության օպերատիվ կառավարման կենտրոնը։
Կառույցը կայացավ շատ կարճ ժամանակում: Եթե սկզբնական շրջանում կենտրոնն օրական ստանում էր 1000-1500 զանգ, ապա հիմա զանգերի թիվը հասել է 5-ից 6 հազարի։ Ստեղծման պահից ՕԿԿ-ն ստացել է մեկուկես միլիոնից ավելի զանգ, իսկ այս տարվա ընթացքում՝ շուրջ 700 հազար։
Այսօր արդեն ՆԳՆ ոստիկանության օպերատիվ կառավարման կենտրոնն ահազանգին արձագանքում է ընդամենը մի քանի վայրկյանում։ Նախկինում դա բավական երկար գործընթաց էր. միայն ահազանգը փոխանցելու աշխատանքը տևում էր 15-20 րոպե։
Օպերատիվ կառավարման կենտրոնի կարգախմբերի քարտեզը ցույց է տալիս, թե պարեկային ծառայության ավտո և հետիոտնային կարգախմբերը որտեղ են ու ինչ գործողություն են կատարում։ Ժամանակակից տեխնիկան, ծրագրային հնարավորությունները հեշտացրել և արագացրել են ոչ միայն ահազանգերին արձագանքելու աշխատանքը, այլև օնլայն վերահսկելու, թե այդ պահին ինչով են զբաղված կարգախմբերը։
Օպերատիվ կառավարման կենտրոնի զանգերը տարբեր բնույթի են՝ օգնության զանգերից մինչև ծանր հանցագործություններ։ Մարդիկ փորձում են ճշտել անգամ ոստիկանության հետ կապ չունեցող հարցեր։
Երկուսուկես տարվա ընթացքում փոխվել է նաև հասարակության վերաբերմունքը կառույցի նկատմամբ։ Մեծացել է վստահությունը։ Շատերն են իրենց հարցի պատասխանը կամ լուծումը ստանալուց հետո կրկին զանգում` երախտիքի խոսքերի համար։
Օպերատիվ կառավարման կենտրոնում ծառայություն են իրականացնում նաև փրկարար ծառայության ճգնաժամային կառավարման կենտրոնի աշխատակիցները։ Դա հնարավորություն է տալիս առավել օպերատիվ արձագանքելու թե՛ փրկարար, թե՛ ոստիկանական գործառույթների իրականացմանը։
Ամիսներ անց օպերատիվ կառավարման կենտրոնը Երևանում կունենա նոր, տեխնիկապես հագեցած մասնաշենք։
14:55 04.07.2025
Այսօր Մհեր Մկրտչյանի 95-ամյակն էԱյսօր թատրոնի և կինոյի դերասան, ՀԽՍՀ ժողովրդական արտիստ, ԽՍՀՄ ժողովրդական արտիստ Մհեր Մկրտչյանի ծննդյան 95-ամյակն է: Օրվա կապակցությամբ ՀՀ կրթության գիտության, մշակույթի և սպորտի նախարարի տեղակալ Դանիել Դանիելյանը, Հայաստանի կինոյի հիմնադրամի տնօրեն Դավիթ Բանուչյանը, Գ. Սունդուկյանի անվան ազգային ակադեմիական թատրոնի տնօրեն Վարդան Մկրտչյանը, Թբիլիսիի հայկական թատրոնի, ինչպես նաև մշակույթի ոլորտի մի խումբ ներկայացիցչներ և արվեստասերներ […] ...
14:48 04.07.2025
ՀՀ ԱԳ նախարարն ընդունել է Շվեդիայի դեսպանին առաքելության ավարտի կապակցությամբՀուլիսի 4-ին ՀՀ արտաքին գործերի նախարար Արարատ Միրզոյանն ընդունել է Հայաստանում Շվեդիայի Թագավորության դեսպան Պատրիկ Սվենսոնին՝ վերջինիս դիվանագիտական առաքելության ավարտի կապակցությամբ: Նախարար Միրզոյանն ընդգծել է դեսպան Սվենսոնի՝ որպես ՀՀ-ում Շվեդիայի առաջին ռեզիդենտ դեսպանի, նշանակալի ներդրումը Հայաստան-Շվեդիա հարաբերությունների զարգացման և ամրապնդման գործում՝ հավելելով, որ նրա պաշտոնավարումը համընկել է աշխարհում և հատկապես Հայաստանի համար բարդ ժամանակաշրջանի հետ: […] ...
14:40 04.07.2025
«Արարատի» գլխավոր մարզիչ Տիգրան Եսայանը հեռացել է պաշտոնիցԵրևանի «Արարատի» գլխավոր մարզիչ Տիգրան Եսայանը հեռացել է պաշտոնից։ Այս մասին հայտնում է ակումբի մամուլի ծառայությունը: Եսայանի պայմանագրի ժամկետն ավարտվել է: Կողմերը որոշել են չշարունակել համագործակցությունը: 53-ամյա մասնագետը թիմը գլխավորել էր 2024-ի փետրվարին: Նրա օրոք «Արարատը» 47 պաշտոնական խաղում տարել է 16 հաղթանակ, գրանցել 9 ոչ-ոքի, կրել 22 պարտություն: ...
14:33 04.07.2025
Օրբանը հայտարարել է, որ Ուկրաինան չի դառնա ԵՄ անդամՈւկրաինան չի միանա Եվրամիությանը, Բրյուսելը չի կարողանա շրջանցել Հունգարիայի դիրքորոշումը այս հարցում, հայտարարել է Հունգարիայի վարչապետ Վիկտոր Օրբանը։ «Եվրոպական հանձնաժողովը սխալվում է, երբ կարծում է, որ կարևոր որոշումը, որը վճռում է ամբողջ Եվրոպայի ճակատագիրը, կարող է կայացվել առանց ժողովրդի կարծիքը հաշվի առնելու։ Նրանք սխալվում են այդ հարցում։ Ուկրաինայի անդամակցությունը տեղի չի ունենա։ Հունգարիան այժմ կասեցրել […] ...
14:25 04.07.2025
Պուտինի հետ զրույցից հետո Թրամփը հայտարարել է, որ Ուկրաինայի կարգավորման հարցում առաջընթաց չկաԱՄՆ նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինի հետ հեռախոսազրույցի ժամանակ ինքը որևէ առաջընթաց չի գրանցել ուկրաինական հակամարտության կարգավորման գործում։ «Ոչ, ես այսօր նրա հետ որևէ առաջընթաց չեմ գրանցել», – ամերիկացի լրագրողներին ասել է Թրամփը։ Նրա խոսքերով՝ «իրենք խոսել են Ուկրաինայի պատերազմի մասին, և ինքը դրանից գոհ չէ»։ Թրամփը նշել է, որ […] ...
14:18 04.07.2025
Նիկո Ուիլյամսը երկարաձգել է պայմանագիրըԲիլբաոյի «Աթլետիկի» հարձակվող Նիկո Ուիլյամսը պայմանագրի ժամկետը երկարաձգել է 8 տարով և ակումբում կմնա մինչև 2035 թվականը, հայտնում է թիմի մամուլի ծառայությունը: 22-ամյա ֆուտբոլիստի նախորդ հրաժարագինը կազմում էր 62 միլիոն եվրո, իսկ այժմ բարձրացել է շուրջ 50 տոկոսով: Ավելի վաղ հաղորդվում էր, որ «Բարսելոնան» ու Նիկո Ուիլյամսը 6 տարվա պայմանագիր են համաձայնեցրել, սակայն հետո բանակցությունները […] ...
