11:41 28.12.2023
Սպասվում է, որ Հայաստանը 2023 թվականին կունենա 8 տոկոսին մոտ տնտեսական աճ, Ֆինանսների նախարար Վահե Հովհաննիսյանը տարին ֆինանսական առումով որակում է բավականին հաջող: Հաջորդ տարի կիրականացվեն որոշակի փոփոխություններ, նախատեսվում է, որ գործունեության որոշակի տեսակներ չեն գործի միկրոձեռնարկատիրության հարկման արտոնյալ համակարգում: 2024 թվականից եկամուտների հայտարարագիր պետք է ներկայացնեն աշխատանքային պայմանագիր ունեցող բոլոր անձինք, դա նշանակում է, որ 2024-ի համար հայտարարագիրը ներկայացնելու են 2025 թվականին:
«Արմենպրես»-ի հետ հարցազրույցում Հայաստանի ֆինանսների նախարար Վահե Հովհաննիսյանն ամփոփել է անցնող ֆինանսական տարին ու ներկայացրել 2024-ի հիմնական անելիքները:
«2023-ը, ընդհանուր առմամբ, կարելի է ֆինանսական առումով բավականին հաջող տարի համարել, կարողացանք ավելի շատ հարկ հավաքել, քան պլանավորված էր: Մենք 2023-ին շարունակեցինք անել այն, ինչ սկսել էինք 2022-ին, այն, ինչ նախանշված էր կառավարության ծրագրով: Շարունակում ենք կապիտալ ծախսերի շեշտակի աճ ունենալ: Այդ աճը կշարունակվի նաև 2024 թվականին»,-ասել է նախարարը:
Խոսելով տնտեսական աճի տեմպերից՝ նախարարն ասել է՝ 2022-ի տնտեսական աճի բարձր տեմպը շարունակվել է 2023-ին:
«Մենք այսօր տեսնում ենք, որ արդեն 2023 թվականին կունենանք 8 տոկոսին մոտ տնտեսական աճ, թեև մեկ ամիս առաջ կանխատեսում էինք 7-ի շուրջ»,-նշել է նախարարը:
Հովհաննիսյանը խոսել է նաև Լեռնային Ղարաբաղից բռնի տեղահանված հայրենակիցներին տրվող ֆինանսական աջակցությունից: 2024-ի պետական բյուջեի նախագծում ավելի ուշ նախատեսվեցին 47.3 մլրդ դրամի չափով ծախսեր՝ աջակցության ծրագրերի համար: Անդրադառնալով հարցին, թե արդյոք սա չի ազդի՞ պետական պարտքի վրա՝ Հովհաննիսյանն ասել է.
«Այս անգամ ունենալու ենք 4.6 տոկոս դեֆիցիտ, բայց պարտքի վրա դա ավելորդ բեռ չի լինելու: Դրանով փորձելու ենք լուծել մեր հայրենակիցների առաջնային խնդիրները: Պարտքի հավելյալ բեռ, այնուամենայնիվ, ստեղծվում է ոչ դրանից, այլ նրանից, որ Լեռնային Ղարաբաղի կառավարությունն ուներ պարտք ՀՀ բանկային համակարգին, և օրեր առաջ որոշում կայացվեց, որ այդ պարտքը ստանձնում է Հայաստանի կառավարությունը: Դա 3 տոկոսից մի փոքր ավելի ազդեցություն կունենա մեր պարտքի վրա»:
2024-ի բյուջեն հաստատվել է 156 մլրդ պահուստային ֆոնդով: Սակայն կառավարություն արդեն իսկ 20 մլրդ դրամ նվազեցրել է՝ կապված ԼՂ-ի պարտքի ստանձնման հետ: Պարտքը սպասարկելու հետ կապված կառաջանան նոր ծախսային պարտավորություններ:
Խոսելով 2024-ին պաշտպանության ոլորտին ուղղվելիք 554 մլրդ դրամի չափով ծախսերից՝ նախարարը տեղեկացրել է, որ կա նաև առաջնահերթությունների հավելված, որտեղ նշված են հավելյալ կարիքներ:
«Այսինքն՝ ՊՆ-ին հնարավորության դեպքում կհատկացնենք 200 մլրդ դրամ ավել գումար, եթե նման հնարավորություն լինի»,-ասել է նա:
Բյուջեում կա հավելված, որտեղ նշվում են առաջնահերթ ծախսերը, որոնք տեղ չեն գտել բյուջեի ծախսային հոդվածներում:
«Եվ, երբ նոր միջոցներ են ի հայտ գալիս, իսկ նոր միջոցներ կարող են ի հայտ գալ, օրինակ, երբ հարկային եկամուտները գերակատարվել են կամ նախանշված որևէ ծրագրի չի իրականացվել ու գումարները վերադարձվել են պահուստ, ապա հավելվածում նայում ենք, թե ինչ ծրագրեր էինք ուզում անել, որ տեղ չեն գտել բյուջեում, և այդ ծրագրերն արդեն ֆինանսավորվում են»,-նշել է Հովհաննիսյանը:
Խոսելով 2023-ին ներդրված ֆիզիկական անձանց եկամուտների հայտարարագրման համակարգից՝ նա ասել է, որ մինչև 2024-ի մայիսի 1-ը 2023-ի հայտարարատու անձինք պետք է ներկայացնեն հայտարարագիր: 2024 թվականից հայտարարագիր պետք է ներկայացնեն աշխատանքային պայմանագիր ունեցող բոլոր անձինք:Դա նշանակում է, որ այդ մարդիկ հայտարարագիրը կներկայացնեն արդեն 2025 թվականին: Առաջիկայում կներդրվի տեղեկատվական պլատֆորմը, որի միջոցով բոլոր հայտարարատուները հնարավորություն կունենան հայտարարագիր ներկայացնել: Լինելու է կայք, նաև հավելված, որ մարդիկ հեշտությամբ կարողանան լրացնել հայտը:
Նախարարը խոսել է նաև կրեդիտների մասին.
«Մեր քաղաքացիները, որոնք ներկայացնում են հայտարարագիր և արել են որոշակի ծախսեր, որոնք կապված են կրթության և առողջապահության հետ,այդ կատարված ծախսերի որոշակի չափով կկարողանան հետ ստանալ իրենց վճարած եկամտային հարկը: Կրթության մասով տարեկան 100 հազար կարող են նվազեցնել, իսկ առողջապահության մասով՝ 50 հազար դրամ»,-ասել է նախարարը:
Որոշակի փոփոխություններ են նախատեսվում շրջանառության հարկի համակարգի ներքո գործող տնտեսավարողների համար: Մանրամասնել է.
«Ծխախոտի և խմիչքների ակցիզային հարկի ուղղությամբ բարձրացումները շարունակվելու են»:
Գործունեության որոշակի տեսակներ հնարավորություն չեն ունենա շարունակել գործել միկրոձեռնարկատիրության հարկման համակարգում:
19:14 15.05.2025
«Հիշողության գնացք» ծրագրին կմասնակցի 10 պատանի և 1 խմբավարԱրդեն չորս տարի Ռուսաստանի Դաշնության Դաշնային ժողովի եւ Բելառուսի Ազգային ժողովի նախաձեռնությամբ իրականացվում է «Հիշողության գնացք» խորագիրը կրող կրթամշակութային ծրագիրը, որին 2023 թվականից մասնակցում է նաեւ Հայաստանը: Հունիսի 20-ից հուլիսի 6-ն ԱՊՀ երկրների ձեւաչափով կայանալիք «Հիշողության գնացք» կրթամշակութային ծրագրին մասնակցելու նպատակով ԿԳՄՍ նախարարության հետ համատեղ անցկացվել է մրցույթ, որի արդյունքում ընտրվել է 10 մասնակից եւ […] ...
19:06 15.05.2025
Չեմպիոնների լիգայի եզրափակչի մասնակիցը նահանջել է երրորդ դիվիզիոն«Սամպդորիան» Բ Սերիայի 38-րդ տուրում գոլազուրկ ոչ-ոքի է գրանցել «Յուվե Ստաբիայի» հետ ու նահանջել է իտալական ֆուտբոլի երրորդ դիվիզիոն: Ակումբը, որը 1992-ին մասնակցում էր Չեմպիոնների լիգայի եզրափակչին, վերջին անգամ C Սերիայում թիմը խաղացել է 79 տարի առաջ: Աղյուսակի 18-րդ տեղը զբաղեցնող «Սամպդորիայի» հետ 3-րդ դիվիզիոն են նահանջում նաև «Ցիտադելան» ու «Կոսենցան»: ...
18:58 15.05.2025
Շղթայական ավտովթար՝ Կոտայքի մարզումԱյսօր՝ մայիսի 15-ին, շղթայական ավտովթար է տեղի ունեցել Կոտայքի մարզում: Ժամը 15:00-ի սահմաններում Արզնու խճուղում բախվել են 39-ամյա Ռոման Գրիգորյանի վարած «Mercedes» մակնիշի, 27-ամյա Հարություն Հովհաննիսյանի վարած «ՎԱԶ 217230» մակնիշի, 34-ամյա Սեյրան Առուշանյանի վարած «Mitsubishi Grandis» մակնիշի և 19-ամյա Գոռ Գրիգորյանի վարած «BYD» մակնիշի ավտոմեքենաները: Ինչպես հայտնում է shamshyan.com-ը, բախման հետևանքով «Mercedes»-ը գլխիվայր շրջվել է: […] ...
18:52 15.05.2025
Ալեն Սիմոնյանն այցելել է քաղաքական բռնաճնշումների և տոտալիտարիզմի զոհերի «Ալժիր» հուշահամալիրՂազախստան կատարած պաշտոնական այցի շրջանակում ՀՀ ԱԺ նախագահ Ալեն Սիմոնյանն այցելել է քաղաքական բռնաճնշումների եւ տոտալիտարիզմի զոհերի «Ալժիր» հուշահամալիր, որտեղ իր հարգանքի տուրքն է մատուցել 1930-1950 թվականների բռնաճնշումների ժամանակահատվածում ճամբար աքսորված կանանց հիշատակին: Ըստ թանգարանի տվյալների՝ բանտարկվածների թվում եղել են նաեւ շուրջ 80 հայ կանայք: Ալեն Սիմոնյանը ծաղիկներ է դրել նաեւ հայ կանանց հիշատակին նվիրված […] ...
18:48 15.05.2025
Ֆրանսիական Լիգա 1-ում առաջարկվել է չեմպիոնական փլեյ-օֆֆ անցկացնելՖրանսիայի Լիգա 1-ի հաղթողը մոտ ապագայում հնարավոր է՝ որոշվի չեմպիոնական փլեյ-օֆֆի միջոցով։ Այս մասին գրում է L’Equipe-ը։ Ֆրանսիայի ֆուտբոլի ֆեդերացիայի նախագահ Ֆիլիպ Դիալոն մի շարք բարեփոխումներ է առաջարկել, որոնք պետք է քննարկվեն երկրի Սենատում։ Աշխատանքային խմբեր են ձևավորվել, որոնցից մեկը զբաղվելու է Լիգա 1-ի հարցով։ Առաջարկվել է առաջնության վերջին տուրից հետո անցկացնել հատուկ փլեյ-օֆֆ, որին […] ...
18:42 15.05.2025
ՀՀ-ն ծավալուն աշխատանքներ է իրականացրել կենսաբազմազանության պահպանման ոլորտում և ունի մեծ ներուժ. COP-17-ին ընդառաջ՝ Երևանում կայացել է համաժողովԵրևանում կայացել է Կայուն զարգացման միջազգային համաժողով, որը յուրատեսակ կամուրջ է Բրազիլիայում կայանալիք COP30-ի և Հայաստանում կայանալիք COP17-ի միջև: Միջազգային հանրությունը պատրաստվում է մասնակցել ՄԱԿ-ի Կլիմայի փոփոխության մասին 2025 թվականի համաժողովին (COP 30), որը տեղի է ունենալու Բելեմ քաղաքում (Բրազիլիա, 2025 թվականի նոյեմբերի 10-21), և Հայաստանը նախապատրաստվում է ընդունել Կենսաբազմազանության մասին Կոնվենցիայի կողմերի 17-րդ համաժողովը […] ...
