17:17 28.03.2018
ՀՀ առողջապահության նախարարությունը հաղորդագրություն է տարածել, որտեղ արձագանքել է ՄԻՊ-ի արտահերթ զեկույցին՝ հոգեբուժարաններում արձանագրված խախտումների մասին: Նախարարության հայտարարության մեջ նշված է.
«ՀՀ առողջապահության նախարարությունը մանրակրկիտ, կետ առ կետ ուսումնասիրել է ՀՀ Մարդու իրավունքների պաշտպանի «Հոգեբուժական կազմակերպություններում հոգեկան առողջության խնդիրներ ունեցող անձանց իրավունքների ապահովման վերաբերյալ» արտահերթ հրապարակային զեկույցը։ Նախարարությունը կարևորում է զգայուն այս ոլորտում առկա խնդիրների բարձրաձայնման յուրաքանչյուր կառուցողական խոսք և պատրաստակամ է իր ունեցած ռեսուրսների ներածին չափով լուծումներ տալու դրանց։
Զեկույցում բարձրացված հարցերը, հոգեբուժական կազմակերպություններ կատարած այցերի ընթացքում բացահայտված թերություններն ու բացթողումները խմբավորվել են ըստ լուծման հնարավորությունների և եղանակների։
Հոգեբուժական կազմակերպություններին հրահանգվել է կարճ ժամկետում վերացնել առկա բոլոր այն խախտումներն ու թերությունները, որոնց լուծումները պայմանավորված են կազմակերպական և կարգապահական գործոնով։ Նշենք, որ զեկույցում նշված բազմաթիվ թերություններ արդեն իսկ վերացվել են։
2017 թվականից սկսված հոգեբուժական ծառայության օպտիմալացման ծրագիրը միտված է եղած ֆինանսական միջոցների առավել արդյունավետ կառավարմանը։ Բոլոր հոգեբուժական կազմակերպություններին հանձնարարվել է ներկայացնել ծրագրեր` ՀՀ Մարդու իրավունքների պաշտպանի կողմից հիշատակված այն թերությունների վերացման ուղղությամբ, որոնք ֆինանսական ներդրումներ են պահանջում։ Հանձնարարվել է նաև ՀՀ ԱՆ Առողջապահական ծրագրերի իրականացման գրասենյակի հետ հաշվարկել դրանց իրականացման համար պահանջվող գումարների չափը` նշելով ակնկալվող արդյունքները։
Հավելենք, որ նախարարությունն աշխատանքներ է տանում նաև հոգեբուժության ոլորտը նեղ մասնագետներով համալրելու ուղղությամբ։
Միաժամանակ, կարևորելով հոգեբուժության ոլորտի զարգացման խնդիրը` ՀՀ ԱՆ աշխատակազմի բժշկական օգնության քաղաքականության վարչությանը հանձնարարվել է գլխավոր և առաջատար մասնագետների հետ մշակել հոգեբուժական ծառայության զարգացման հայեցակարգ։
ՀՀ ԱՆ աշխատակազմի բժշկական օգնության քաղաքականության վարչության պետ Դավիթ Մելիք-Նուբարյանը ՀՀ Մարդու իրավունքների պաշտպանի գրասենյակի ներկայացուցիչների հետ ունեցած աշխատանքային հանդիպման ընթացքում քննարկել է «Հոգեբուժական կազմակերպություններում հոգեկան առողջության խնդիրներ ունեցող անձանց իրավունքների ապահովման վերաբերյալ» արտահերթ հրապարակային զեկույցում բարձրացված խնդիրների լուծմանը վերաբերող հարցեր։ Նշվել է, որ բարձրացված խնդիրների մի մասի կարգավորման գործում այլ գերատեսչությունները ևս անելիքներ ունեն։ ՀՀ առողջապահության նախարարությունն այդ կապակցությամբ առաջարկություններով կդիմի համապատասխան գերատեսչություններին։
Աշխատանքային հանդիպման ընթացքում անդրադարձ է կատարվել նաև հոգեբուժարանների կրտսեր բուժաշխատողների համար դասընթացներ կազմակերպելու կարևորությանը։ Այս առնչությամբ ՄԻՊ-ի գրասենյակը դրականորեն է արձագանքել աջակցության առաջարկին»։
23:59 15.06.2025
ԵՄ-ն կոչ է արել թույլ չտալ Իրանին միջուկային զենք ձեռք բերելԵՄ արտաքին գործերի նախարար Կայա Կալասը հայտարարել է ԵՄ դիրքորոշումը, որ Իրանին չպետք է թույլատրվի ձեռք բերել միջուկային զենք: «ԵՄ-ն ուշադիր հետևում է Մերձավոր Արևելքում տիրող իրավիճակին և իր խորը մտահոգությունն է հայտնում վտանգավոր սրման վերաբերյալ, որը սպառնում է անկայունացնել ամբողջ Մերձավոր Արևելքը։ ԵՄ-ն միշտ հստակ է եղել, որ Իրանին չպետք է թույլատրվի ձեռք բերել […] ...
23:30 15.06.2025
Իսրայելը հարվածել է Իրանի արտաքին գործերի նախարարության շենքերից մեկինԻսրայելը հարվածել է Իրանի արտաքին գործերի նախարարության շենքերից մեկին, վիրավորվել են մի քանի քաղաքացիական անձինք, այդ թվում՝ դիվանագետներ, հայտարարել է Իրանի արտաքին գործերի փոխնախարար Սաիդ Խատիբզադեն։ «Իսրայելի ռեժիմը դաժան հարձակում է գործել Իրանի արտաքին գործերի նախարարության շենքերից մեկի վրա, որը գտնվում է Թեհրանում։ Այս հարձակման հետևանքով վիրավորվել են մի քանի քաղաքացիական անձինք, այդ թվում՝ իմ […] ...
23:15 15.06.2025
Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...
23:06 15.06.2025
Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքներըԻրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...
22:55 15.06.2025
Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումներըՄիացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...
22:45 15.06.2025
Նեթանյահուն հայտարարել է Իրանի հետախուզության ղեկավարին չեզոքացնելու մասինԻսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...
