20:03 12.09.2018
Այսօր Ազգային ժողով-Կառավարություն հարցուպատասխանի ժամանակ Ազգային ժողովի պատգամավոր Միհրան Հակոբյանը ՀՀ վարչապետ Նիկոլ Փաշինյանին հարցրել է ԱԱԾ տնօրենի և ՀՔԾ պետի ձայնագրության մասին:
«Ձայնագրության մեջ մի նախադասություն կա՝ կապված ՀԱՊԿ գլխավոր քարտուղարի հետ, որը կցանկանամ բառացի մեջբերել. «Խաչատուրովի հետ գործ չունեք, ՀԱՊԿ-ի շեֆն է, խայտառակ կլինենք», այսինքն՝ ակնհայտ է, որ ԱԱԾ տնօրենը հստակ հասկանում է, որ միջազգային հարաբերությունների և մեր երկրի համար ստրատեգիական նշանակություն ունեցող կառույցների հարցում խնդիր է առաջանում, ինչը չի կարելի ասել ՀՔԾ պետի մասով: Այս ձայնագրությունը նոր խնդիրներ չի՞ առաջացնի ՀԱՊԿ գործընկերների հետ»,- հարցրել է նա:
Նիկոլ Փաշինյանը պատասխանել է, որ հենց այդ պատճառով է, որ խոսակցությունները տեղի են ունեցել:
«Ինչո՞ւ, որովհետև, երբ խնդիր է առաջացել Խաչատուրովին մեղադրանք առաջադրելու, այդ ազդակները Խաչատուրովից գնացել են տարբեր ուղղություններով և տարբեր ուղղություններով ազդակներ են ստացվել Հայաստանի տարբեր ներկայացուցիչների կողմից: Ինչո՞ւ է ԱԱԾ-ն խառնվել այս հարցին, քանի որ տարբեր տեղերից ազդակներ են եղել և ԱԱԾ տնօրենին խնդրել են դա անել:
ԱԱԾ տնօրենը ՀՔԾ տնօրենի հետ քննարկել է այդ հարցը, ի դեպ, նա այդ ժամանակ Հայաստանում չի եղել, նա դա արել է, քանի որ նրան դրսից զանգել և խնդրել են միջամտել, քանի որ նա եղել է Շվեյցարիայում և չի հասկացել, թե ինչի մասին է խոսքը, զանգել է ՀՔԾ պետին, որպեսզի հասկանա, թե ինչ է կատարվում: Ես ԱԱԾ տնօրենից եմ իմացել, որ այդպիսի իրավիճակ է ծագել, այդ ժամանակ ես էլ եղել եմ Սանկտ Պետերբուրգում և ինքս էլ զանգահարել եմ ՀՔԾ պետին՝ հասկանալու համար, թե արդյո՞ք նման բան կա, թե՞ չկա: Ես հետաքրքրվել եմ, թե իսկապես մեր նախնական պայմանավորվածությունների տիրույթում է եղել ամեն ինչ, այսինքն՝ գործն օրինակա՞ն է, թե՞ ոչ և այդ մասին տեղեկատվությունը հաղորդել եմ ՀԱՊԿ անդամ երկրներին: Այսօրվա դրությամբ ես կարող եմ ասել, որ այսօր խնդիր չի ծագում, և ես այդ հարցի առումով խնդիրները համարում եմ հարթված»,- ասել է վարչապետը:
Պատգամավոր Միհրան Հակոբյանը վարչապետին հարցրեց, թե կարո՞ղ է վերջինս հավաստել, որ ՀԱՊԿ գլխավոր քարտուղարի պաշտոնը կմնա Հայաստանին: Պատգամավորը նաև հիշեցրեց, որ ձայնագրության ընթացքում ՀՔԾ պետը Յուրի Խաչատուրովի մասին ոչ կոռեկտ արտահայտություններ է արել:
«Ես Ձեզ հավաստիացնում եմ, որ եթե որևէ մեկը գաղտնալսի Ձեր ամենօրյա աշխատանքային խոսակցությունները, ապա կարող են շատ ոչ կոռեկտ բաներ լինել, այդ թվում՝ Ձեր խմբակցության պատգամավորների մասին, բայց դա չի նշանակում, որ դա պետք է ընդունել որպես քաղաքական իրողություն: Ինչ վերաբերում է ՀԱՊԿ գլխավոր քարտուղարի կարգավիճակին, ապա կարող եմ ասել, որ այդ պաշտոնում ոչ թե անձն է նշանակվել, այլ Հայաստանի Հանրապետության ներկայացուցիչը, և ես ունեմ հիմք մտածելու, որ մենք մեզ հատկացված ժամկետը կպահպանենք»,- պատասխանել է Նիկոլ Փաշինյանը:
23:59 06.07.2025
BRICS-ի առաջնորդները կոչ են արել Իսրայելին դուրս բերել զորքերը ՍիրիայիցՌիո դե Ժանեյրոյում կայացած գագաթնաժողովից հետո ընդունված հայտարարության մեջ BRICS պետությունների ղեկավարները վերահաստատեցին իրենց հավատարմությունը Սիրիայի անկախությանը, ինքնիշխանությանը և տարածքային ամբողջականությանը և կոչ արեցին Իսրայելին դուրս բերել իր զորքերը երկրից։ «Մենք վերահաստատում ենք մեր հավատարմությունը Սիրիայի ինքնիշխանությանը, անկախությանը, միասնությանը և տարածքային ամբողջականությանը»,-ասվում է հռչակագրում։ Տեքստում նաև կոչ է արվում Իսրայելին անհապաղ դուրս բերել իր զորքերը […] ...
23:40 06.07.2025
Եգիպտոսի վարչապետը կոչ է արել BRICS-ին առաջընթաց գրանցել ազգային արժույթներով հաշվարկների հարցումBRICS երկրները պետք է առաջընթաց գրանցեն ազգային արժույթներով հաշվարկների հարցում, հայտարարել է Եգիպտոսի վարչապետ Մոստաֆա Մադբուլին։ ԲՐԻԿՍ-ի տասնյոթերորդ գագաթնաժողովը տեղի է ունենում Ռիո դե Ժանեյրոյում հուլիսի 6-7-ը։ Բրազիլիա մեկնած ռուսական պատվիրակությունը գլխավորում էր Ռուսաստանի արտաքին գործերի նախարար Սերգեյ Լավրովը։ «Մենք պետք է առաջընթաց գրանցենք ազգային արժույթներով ֆինանսական հաշվարկներում՝ համապատասխան BRICS-ի միջսահմանային հաշվարկների նախաձեռնությանը, և ավելացնենք […] ...
23:18 06.07.2025
Բրազիլիայի նախագահը կոչ է արել ընդլայնել ՄԱԿ-ի Անվտանգության խորհուրդըԲրազիլիայի նախագահ Լուիս Ինասիո Լուլա դա Սիլվան կոչ է արել ընդլայնել ՄԱԿ-ի Անվտանգության խորհուրդը՝ որպես մշտական անդամներ ներառելով ասիական, աֆրիկյան և լատինաամերիկյան պետություններին։ «Մեր առջև ծառացած վստահության ճգնաժամը հաղթահարելու համար մենք պետք է խորապես փոխենք ՄԱԿ-ի Անվտանգության խորհուրդը։ Այն դարձնենք ավելի լեգիտիմ, ներկայացուցչական, արդյունավետ և ժողովրդավարական։ Ներառենք նոր մշտական անդամներ Ասիայից, Աֆրիկայից, Լատինական Ամերիկայից և […] ...
23:00 06.07.2025
Ըմբշամարտիկ Սարգիս Բեգոյանը՝ Եվրոպայի չեմպիոնԻտալիայում ընթացող մինչև 20 տարեկանների ազատ ոճի ըմբշամարտի Եվրոպայի առաջնությունում Հայաստանի ներկայացուցիչ Սարգիս Բեգոյանը (61 կգ) նվաճեց ոսկե մեդալ։ Եզրափակիչ գոտեմարտում Բեգոյանը մրցեց Ռուսաստանի ներկայացուցչի՝ Ադլան Սայտիևի հետ։ Այս մասին տեղեկացնում է Հայաստանի ըմբշամարտի ֆեդերացիան: ...
22:40 06.07.2025
Անցած աշխատանքային շաբաթը Շրջակա միջավայրի նախարարության ենթակա կառույցներումՀՀ Շրջակա միջավայրի նախարարությունը ամփոփել է անցած աշխատանքային շաբաթը նախարարության ենթակա կառույցներում․ «Անցած աշխատանքային շաբաթը Շրջակա միջավայրի նախարարության ենթակա կառույցներում ՀՀ ՇՄՆ էկոպարեկային ծառայությունում Ծառայության պետ Վլադիմիր Կիրակոսյանի գլխավորած աշխատանքային խումբը մասնակցել է Սյունիքի մարզային վարչության Կապանի տեղամասում տեսուչների երդմնակալության հանդիսավոր արարողությանը: Աշխատանքային այցով եղել են Սյունիքի մարզպետարանում. կողմերը վերահաստատել են համագործակցության իրենց հանձնառությունը։ Կիրակոսյանը […] ...
22:20 06.07.2025
Պուտին. Լիբերալ գլոբալիզացիան սպառել է իր օգտակարությունը, մինչդեռ BRICS-ը աճ է ցույց տալիսԱրևմուտքի կողմից ձևավորված գլոբալիզացիայի լիբերալ մոդելը սպառել է իր օգտակարությունը, և գործարար գործունեության տեղափոխումը զարգացող երկրներ խթանում է հզոր տնտեսական աճ, այդ թվում՝ BRICS-ում: Սա նշել է Ռուսաստանի նախագահ Վլադիմիր Պուտինը՝ ասոցիացիայի գագաթնաժողովում տեսակապի միջոցով ելույթ ունենալով: «Գլոբալ տնտեսական կարգի փոփոխությունը շարունակում է թափ հավաքել։ Ամեն ինչ ցույց է տալիս, որ լիբերալ գլոբալացման մոդելը հնանում […] ...
