18:12 25.09.2024
Համայնքային տնտեսական և սոցիալական ենթակառուցվածքների զարգացմանն ուղղված Կառավարության համաֆինանսավորմամբ սուբվենցիոն ծրագրերով հիմնանորոգվում և կառուցվում են Մեծամոր համայնքի մի շարք մանկապարտեզներ: Այս մասին հայտնում են Տարածքային կառավարման և ենթակառուցվածքների նախարարությունից:
Մեծամոր համայնքի Տարոնիկ բնակավայրում հիմնանորոգվում է մանկապարտեզը․
2022թ. հավանության արժանացած սուբվենցիայի ծրագիր է։ Ենթածրագրի ընդհանուր արժեքը կազմում է 136.7 մլն դրամ: Շինարարական աշխատանքներն ավարտվել են 2024 թվականի ընթացքում։
Ծրագրի իրականացման արդյունքում հիմնանորոգվել է Տարոնիկ բնակավայրի մանկապարտեզը՝ 1017քմ մակերեսով: Նախատեսված է 70 սանի համար:
Հիմնանորոգվել է Տանձուտ բնակավայրի մանկապարտեզը․
2022թ. հավանության արժանացած սուբվենցիայի ծրագիր է։ Ենթածրագրի ընդհանուր արժեքը 153.7 մլն դրամ է: Շինարարական աշխատանքներն ավարտվել են 2024 թվականի ընթացքում։
Ծրագրի իրականացման արդյունքում հիմնանորոգվել է Տանձուտ բնակավայրի մանկապարտեզը՝ 623.9քմ մակերեսով: Նախատեսված է 100 սանի համար:
Մեծամոր քաղաքում իրականացվում է թիվ 2 մանկապարտեզի հիմնանորոգման և հարակից տարածքի բարեկարգման աշխատանքներ:
2022թ. հավանության արժանացած սուբվենցիայի ծրագիր է։ Ենթածրագրի ընդհանուր արժեքը292.3 մլն դրամ է: Շինարարական աշխատանքներն ընթացքի մեջ են։
Ծրագրի իրականացման արդյունքում կհիմնանորոգվի ք.Մեծամորի թիվ 2 մանկապարտեզը՝ 1658.33քմ մակերեսով՝ 55 սանի համար::
Մեծամորի թիվ 3 մանկապարտեզում իրականացվում է հիմնանորոգման և հարակից տարածքի բարեկարգման աշխատանքներ:
2022թ. հավանության արժանացած սուբվենցիայի ծրագիր է։ Ենթածրագրի ընդհանուր արժեքը կազմում է 459.7 մլն դրամ: Շինարարական աշխատանքներն ընթացքի մեջ են։
Ծրագրի իրականացման արդյունքում կհիմնանորոգվի ք.Մեծամորի թիվ 3 մանկապարտեզը՝ 2738.3քմ մակերեսով: Նախատեսված է 90 սանի համար:
Մեծամոր համայնքի Շենավան բնակավայրում իրականացվում է մանկապարտեզի կառուցում և հարակից տարածքի բարեկարգում:
2023թ. հավանության արժանացած սուբվենցիայի ծրագիր է՝ շուրջ 318 մլն դրամ արժեքով:
Մանկապարտեզի կառուցման աշխատանքները սկսվել են ս.թ. օգոստոսի վերջին և ընթացքի մեջ են։
Շենավան բնակավայրի մանկապարտեզը կառուցվել է 1982 թվականին և շահագործվել մինչև 1999 թվականը։ Այդ ընթացքում վերանորոգման աշխատանքներ չեն իրականացվել, և 1999 թվականից մինչ օրս շենքը պիտանի չի եղել շահագործման։ Ծրագրով նախատեսվում է Շենավան բնակավայրում կառուցել մանկապարտեզի նոր շենք՝ 750քմ մակերեսով՝ նախատեսված 80 սանի համար։
Բոլոր մանկապարտեզների համար ֆինանսավորումն իրականացվել է 70% Կառավարության և 30% համայնքի համաֆինանսավորմամբ:
19:54 07.05.2025
Երթևեկության կազմակերպման փոփոխություն՝ Սարյան փողոցումՄայրաքաղաքում տրանսպորտային հոսքերի անցանելիությունն ավելացնելու նպատակով մայիսի 12-ից կկատարվի երթևեկության կազմակերպման փոփոխություն: «Մասնավորապես՝ Սարյան փողոցից դեպի Մաշտոցի պողոտա ուղղությամբ, «ՀայԱրտ» մշակույթային կենտրոնի հարակից ճանապարհահատվածում կարգելվի մեքենաների կանգառը»,- ասվում է Երևանի քաղաքապետարանի հաղորդագրության մեջ: ...
19:50 07.05.2025
Առողջապահության նախարարության և «Սկրինինգ» աղեստամոքսային քաղցկեղի կանխարգելման հիմնադրամի միջև ստորագրվել է համագործակցության հուշագիրԱռողջապահության նախարարի առաջին տեղակալ Լենա Նանուշյանը և «Սկրինինգ» աղեստամոքսային քաղցկեղի կանխարգելման հիմնադրամի տնօրեն Աստղիկ Խալաթյանը ստորագրել են համագործակցության հուշագիր: Կարևորելով առողջության առաջնային պահպանման օղակում ոչ վարակիչ հիվանդությունների վաղ հայտնաբերումը և վերահսկումը, ինչպես նաև հաշվի առնելով կանխարգելիչ հետազոտությունների իրականացման և դրանց արդյունքում հայտնաբերված շեղումների դեպքում հետազոտությունների անհրաժեշտ ծավալի ամբողջական ընդգրկումը` Հիմնադրամը պատրաստակամություն է հայտնել աջակցել Հայաստանում […] ...
19:46 07.05.2025
Անահիտ Մանասյանն ընդունել է Բժիշկներ առանց սահմանների միջազգային, անկախ բժշկական մարդասիրական կազմակերպության հայաստանյան մասնաճյուղի ծրագրի ղեկավարինՄարդու իրավունքների պաշտպան Անահիտ Մանասյանը մայիսի 7-ին ընդունել է Բժիշկներ առանց սահմանների միջազգային, անկախ բժշկական մարդասիրական կազմակերպության հայաստանյան մասնաճյուղի ծրագրի ղեկավար Կապիլ Շարմային և կազմակերպության ներկայացուցիչներին։ Անահիտ Մանասյանը, ողջունելով հանդիպման մասնակիցներին, շնորհակալություն է հայտնել այցի համար և բարձր գնահատել կազմակերպության գործունեությունը Հայաստանի Հանրապետությունում։ Պաշտպանը ներկայացրել է իր աշխատանքի հիմնական ուղղությունները, ՄԱԿ-ի համապատասխան կոնվենցիաներով իրավունքների խախտումների […] ...
19:39 07.05.2025
Դիտարկվել է Տավուշի մարզի շինհրապարակներում կատարվող աշխատանքների ընթացքը«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը, փոխտնօրեն Սերժիկ Պետրոսյանը ՀՀ տարածքային կառավարման և ենթակառուցվածքների նախարարի խորհրդական Արման Խաչատրյանի հետ այցելել են Տավուշի մարզի շինարարական հրապարակներ՝ հետևելու աշխատանքների ընթացքին։ Նրանք, մասնավորապես, եղել են Հ-64, Բերդ-Արծվաբերդ-Չինարի հանրապետական նշանակության ավտոճանապարհի կմ2+700-կմ9+700 և կմ14+160-կմ16+400 հատվածներում, որտեղ կատարվում են հիմնանորոգման աշխատանքներ։ Հիմնանորոգվող ճանապարհի ընդհանուր երկարությունը 9,2 կմ է։ Շինարարն […] ...
19:25 07.05.2025
Արագածոտնի մարզում «Renault» մակնիշի բեռնատարի կցորդիչը պոկվել է և մասամբ փակել երթևեկելի գոտինԱյսօր՝ մայիսի 7-ին, արտակարգ դեպք է տեղի ունեցել Արագածոտնի մարզում։ Ժամը 14։30-ի սահմաններում Արագածոտնի մարզի բնակիչ 50-ամյա Դավիթ Թ․-ի վարած «Renault» մակնիշի բեռնատարի կցորդիչը Մարգարա-Վանաձոր ավտոճանապարհի 39 կմ հատվածում՝ ժողովրդին հայտնի Մուղնի «կալցեվոյում», ընթացքի ժամանակ պոկվել է քարշակի վրայից։ Ինչպես հայտնում է shamshyan.com-ը, կցորդիչի պոկվելու հետևանքով ճանապարհը մասամբ դարձել է ոչ երթևեկելի։ Օպերատիվորեն դեպքի վայր […] ...
