17:36 02.10.2024
ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանն այսօր Հանրապետական մանկավարժահոգեբանական կենտրոնում հանդիպել է Տարածքային մանակավարժահոգեբանական աջակցության կենտրոնների (ՏՄԱԿ) տնօրենների հետ՝ քննարկելու ուսումնական տարվա առաջնային խնդիրներն ու անելիքները:
Ողջունելով ներկաներին՝ Արաքսիա Սվաջյանը նշել է, որ հանդիպման նպատակն է քննարկել առկա խնդիրները և միասնաբար նախանշել դրանց լուծման ուղիները՝ աշխատանքներն առավել արդյունավետ կազմակերպելու նպատակով:
Օրակարգային հարցերից էր դպրոցների՝ մատչելիության ապահովմանն ուղղված ֆինանսավորումը, դրա նպատակային իրացումը: Արաքսիա Սվաջյանը հատկապես կարևորել է ռեսուրս սենյակների առկայությունը, ինչը, ըստ նրա, կրթության որակի նախապայման կարող է լինել:
Անդրադառնալով խելամիտ հարմարեցումներին՝ ԿԳՄՍ նախարարի տեղակալը նշել է, որ անհրաժեշտ են թիրախային միջամտություններ, որպեսզի դպրոցներում այս աշխատանքներն ավելի նպատակային իրականացվեն:
«Կարևոր է հասկանալ՝ ՏՄԱԿ-ները գնահատում իրականացնելիս խնդիրներ տեսնո՞ւմ են խելամիտ հարմարեցումների ապահովման գործընթացում, քանի որ դրանք մեծ ազդեցություն ունեն երեխայի ներառման և կրթության որակի վրա»,- ասել է Արաքսիա Սվաջյանը՝ ընդգծելով, որ ՏՄԱԿ-ները պետք է ուշադրության կենտրոնում պահեն խելամիտ հարմարեցումների տրամադրման գործընթացը:
Քննարկման ընթացքում նշվել է, որ կրթության առանձնահատուկ պայմանների կարիք ունեցող երեխաները գնահատված և գրանցված են (գործընթացը շարունակվում է) տեղեկատվական համակարգում, և կա ամբողջական պատկեր, որը ցույց է տալիս դպրոցներում և ՏՄԱԿ-ներում ամրագրված տվյալների համադրելիությունը:
ՏՄԱԿ-ների աշխատանքն առավել արդյունավետ իրականացնելու նպատակով քննարկվել են դպրոց-ծնող-ՏՄԱԿ կապի ամրապնդմանը, փոխվստահությանը, որակի բարձրացմանն առնչվող հարցեր: Ըստ նախարարի տեղակալի՝ երեխաների սոցիալիզացիան հնարավորինս դրական իրականացնելու համար, ըստ անհրաժեշտության, հնարավոր է կատարել կարգի վերանայում, ինչը կարող է նպաստել ծառայությունների կազմակերպման, տրամադրման, ընթացակարգերի արդյունավետության բարձրացման գործընթացներին:
Օրակարգային հարցերից էին նաև դպրոցներում անհրաժեշտ մասնագետների հաստիքների համալրման խնդիրը, ինչպես նաև դրա վերաբերյալ ընդհանուր իրավիճակը: Քննարկվել է, թե ինչ ծրագրեր է հնարավոր իրականացնել հաստիքները համալրելու ուղղությամբ, քանի որ այդկերպ շատ խնդիրներ ուղիղ լուծում կստանան:
Հանդիպման ընթացքում ՏՄԱԿ-ների տնօրեններն իրենց հուզող հարցերն են ուղղել Արաքսիա Սվաջյանին, որոնք վերաբերել են գնահատման գործընթացի որակի բարելավմանը, կրթությունից դուրս մնացած երեխաների հայտնաբերմանը, միջին մասնագիտական կրթության մակարդակում սովորողների գնահատմանը և այլն:
13:55 01.08.2025
Գլխավոր դատախազությունը պահանջում է Ոստիկանության պետական պահպանության գլխավոր վարչության նախկին պետ Ռոմա Մկրտումյանից բռնագանձել 1 անշարժ գույք, ավելի քան 415 միլիոն դրամՀակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ ոստիկանության պետական պահպանության գլխավոր վարչության նախկին պետ Ռոմա Մկրտումյանից և նրան փոխկապակցված անձանցից հօգուտ Հայաստանի Հանրապետության բռնագանձել՝ Երևան քաղաքի Էրեբունի վարչական շրջանում գտնվող 1 բնակելի տուն. […] ...
13:43 01.08.2025
ՃՏՊ Նոյեմբերյան-Բագրատաշեն ավտոճանապարհին․ կան տուժածներ և զոհՕգոստոսի 1-ին, ժամը 10։22-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նոյեմբերյան-Բագրատաշեն ավտոճանապարհին տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Նոյեմբերյան-Բագրատաշեն ավտոճանապարհի 23-րդ կմ-ին բախվել են «Toyota» և «Opel» մակնիշների ավտոմեքենաները: […] ...
13:30 01.08.2025
Թրամփը ստորագրել է տասնյակ երկրների նկատմամբ մաքսատուրքեր սահմանելու գործադիր հրամանագիրԱՄՆ նախագահ Դոնալդ Թրամփը ստորագրել է գործադիր հրամանագիր՝ 69 գործընկեր երկրների նկատմամբ մաքսատուրքեր սահմանելու մասին, որոնց դրույքաչափը կկազմի 10-ից մինչև 41 տոկոս, ըստ Սպիտակ տան փաստաթղթերի։ «Այս վճռական գործողությունը արտացոլում է նախագահի շարունակական ջանքերը՝ արդար, հավասարակշռված և փոխշահավետ առևտրային հարաբերությունների միջոցով Միացյալ Նահանգները ազգային անվտանգությանը և ԱՄՆ տնտեսությանը ուղղված արտաքին սպառնալիքներից պաշտպանելու համար», – ասվում […] ...
13:10 01.08.2025
Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համարՍտեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ Այս մասին հայտնում են Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից: Ճանապարհի փակ լինելու պատճառը սելավային հոսքերն են: ...
13:00 01.08.2025
Արծաթե մեդալ «Աշխարհագրություն» առարկայի 21-րդ միջազգային օլիմպիադայիցՀայաստանի ներկայացուցիչ «Քվանտ» վարժարանի 12-րդ դասարանի աշակերտուհի Սաթի Հայրապետյանը արծաթե մեդալի է արժանացել Թաիլանդի մայրաքաղաք Բանգկոկում անցկացված «Աշխարհագրություն» առարկայի 21-րդ միջազգային օլիմպիադայում: Օլիմպիադան տեղի է ունեցել հուլիսի 26-ից օգոստոսի 1-ը, մասնակցել են 47 երկրների 179 աշակերտներ. յուրաքանչյուր թիմից առավելագույնը 4 աշակերտ։ Հայաստանի թիմը օլիմպիադայում ներկայացել է 4 մասնակցով՝ «Քվանտ» վարժարանի 12-րդ դասարանի աշակերտներ Սաթի Հայրապետյանը, […] ...
12:48 01.08.2025
Կայացել է երիտասարդական աշխատողի վերապատրաստման կարգը և որակավորման չափանիշները մշակող աշխատանքային խմբի առաջին նիստըՀՀ կրթության, գիտության, մշակույթի և սպորտի նախարարությունում տեղի է ունեցել երիտասարդական աշխատողի վերապատրաստման կարգը, որակավորման չափանիշները և երիտասարդական աշխատանքի մեթոդաբանությունը մշակող աշխատանքային խմբի առաջին նիստը, որը վարել է նախարարի տեղակալ Արթուր Մարտիրոսյանը: ԿԳՄՍՆ կողմից նախապես հայտարարված հրավերին արձագանքել և խմբում ընդգրկվել են քաղաքացիական հասարակության կառույցների, երիտասարդական կենտրոնների և միջազգային կազմակերպությունների ներկայացուցիչներ, երիտասարդության ոլորտի փորձագետներ, ինչպես […] ...
