11:15 04.03.2025
«Քաղաքացիական պայմանագիր» խմբակցության պատգամավոր Հայկ Սարգսյանը առաջարկում է շահումով խաղերի և բուքմեյքերական գործունեության համար սահմանել 10 տոկոս շրջանառության հարկ։
«Արմենպրես»-ի հաղորդմամբ՝ Ազգային ժողովի հերթական նիստի ժամանակ նա նշեց, որ վերջին 13 տարիներին շահումով խաղերի և բուքմեյքերական գործունեության ծավալները կտրուկ աճել են։
«Եթե 2010 թվականին շրջանառության ծավալները կազմում էին 35 միլիոն դոլար, իսկ հարկերի հարաբերակցությունը 2,6 միլիոն դոլար էր կամ 7,2 տոկոս, ապա 2010-2023 թվականների ընթացքում գործունեության ծավալն աճել է ավելի քան 440 անգամ և 2023 թվականին ծավալները կազմել են 15,8 միլիարդ դոլար, իսկ հավաքագրվող հարկերը կազմել են 67 միլիոն դոլար կամ ծավալի 0,4 տոկոսը։ Երբ նայում ենք հարկերի տեսակարար կշիռը ծավալում, տեսնում ենք, որ 2010 թվականին հարկերի տեսակարար կշիռը 7,2 տոկոս էր՝ մինչդեռ 2023 թվականին հարկերի տեսակարար կշիռը իջել է և հասել է 0,4 տոկոսի»,- ընդգծեց Սարգսյանը։
Նրա խոսքով՝ վերջին հինգ տարիների ընթացքում մի շարք օրենսդրական փոփոխություններ են իրականացվել, որոնք առաջին հայացքից գալիս էին սահմանափակելու և կրճատելու ծավալները, սակայն դրանք, ինչպես ցույց տվեց ժամանակը, այդքան էլ նպատակին չծառայեցին։
«2019 թվականին օրենքով արգելվեց գրասենյակներով բուքմեյքերական գործունեություն ծավալելու հնարավորությունը։ Խաղացողները տեղափոխվեցին առցանց հարթակ, որտեղ սկսեցին հարյուրապատիկ ավելի շատ մեծ գումարներ վատնել, իսկ բուքմեյքերական գործունեությամբ զբաղվողները կրճատեցին իրենց ծախսերը գրասենյակ պահելու, աշխատավարձեր վճարելու և դրանցից առաջացող հարկեր վճարելու մասով։ 2019 թվականին օրենքով արգելվեց բուքմեյքերական գործունեության գովազդը։ Այս քայլով նույնպես կրճատվեցին բուքմեյքերական ընկերությունների միլիոնավոր դոլարների ծախսերը հարկերի և պետական տեղական տուրքերի մասով։
Բացի ծախսեր կրճատելուց, այս քայլով Հայաստանում գործող ընկերությունները ստացան շուկան իրենց ձեռքում պահելու բացարձակ մենաշնորհ, քանի որ այլ ընկերություններն այլևս չէին կարող ձևավորվել կամ մուտք գործել հայկական շուկա։
Վերջին 5 տարիների ընթացքում կատարվել են մի շարք փոփոխություններ,որոնք միտված են եղել հարկային բեռի բարձրացմանը, սակայն, ինչպես ցույց է տալիս վերլուծությունը, ձեռնարկված քայլերը բավարար չեն և անհրաժեշտ է հարկային բեռը կրկին բարձրացնել»,- ընդգծեց Սարգսյանը։
Ներկայացված նախագծով նախատեսվում է 10 տոկոս շրջանառության հարկ սահմանել շահումով խաղերի ոլորտի համար՝ գործող հարկերից ու տուրքերից բացի։
«Վերլուծելով միջազգային փորձը, տեսնում ենք, որ բազմաթիվ երկրներում սահմանված են 10 տոկոս և ավելի բարձր շրջանառության հարկ։ Մասնավորապես՝ Վրաստանում 10 տոկոս, Ավստրալիայում 15 տոկոս, Գերմանիայում 5-20 տոկոս, Իտալիայում 20-22 տոկոս, Լեհաստանում 12 տոկոս, Պորտուգալիայում 8-16 տոկոս, Իսպանիայում 8-10 տոկոս, Հունգարիայում 15 տոկոս»,- եզրափակեց Սարգսյանը։
11:53 01.07.2025
Փրկարարներն արձագանքել են ուժեղ քամու վերաբերյալ ստացված ահազանգերինՀունիսի 28-ից սկսած՝ ՀՀ ՆԳՆ փրկարար ծառայությունում մի շարք ահազանգեր են ստացվել ուժեղ քամու հետևանքով առաջացած վնասների վերաբերյալ։ Արմավիրի, Արարատի մարզից և Երևան քաղաքի մի շարք վարչական շրջաններից տեղեկություններ են ստացվել թեքված և տապալված ծառերի, ինչպես նաև շինությունների տանիքների, գովազդային վահանակների վնասման վերաբերյալ։ Փրկարար ծառայության համապատասխան ստորաբաժանումներն օպերատիվորեն արձագանքել են բոլոր դեպքերին՝ հետամուտ լինելով քամուց […] ...
11:53 01.07.2025
Համաշխարհային բանկի Հայաստանի գրասենյակը նորանշանակ ղեկավար ունիՀամաշխարհային բանկի Հայաստանի գրասենյակի նորանշանակ ղեկավար է նշանակվել Ֆաբրիցիո Զարկոնեն։ «Արմենպրես»-ի փոխանցմամբ՝ այս մասին հայտնում են կառույցի երևանյան գրասենյակից, տեղեկացնելով, որ Զարկոնեն պաշտոնը ստանձնել է 2025 թ. հուլիսի 1-ից։Ֆաբրիցիո Զարկոնեն ծագումով իտալացի է, ունի ավելի քան երկու տասնամյակի փորձ զարգացման ոլորտում, այդ թվում՝ ղեկավար պաշտոններ Եվրոպայում, Լատինական Ամերիկայում, Մերձավոր Արևելքում և Ենթասահարական Աֆրիկայում։ Նա կշարունակի […] ...
11:43 01.07.2025
Դիվանագիտության դռները երբեք չեն փակվի ԱՄՆ-ի հետ բանակցությունների համար. ԱրաղչիԻրանի արտաքին գործերի նախարար Աբբաս Արաղչին հարցազրույց է տվել CBS հեռուստաալիքին, որի ընթացքում նշել է, որ դիվանագիտության դռները երբեք չեն փակվի Միացյալ Նահանգների հետ բանակցությունների համար։ «Մինչ բանակցությունները վերսկսելու որոշում կայացնելը, մենք պետք է համոզվենք, որ Վաշինգտոնը կրկին չի չարաշահի բանակցությունները ռազմական հարված հասցնելու համար», – ասել է նա։ Ըստ նրա՝ Իրանը կկարողանա արագ վերականգնել […] ...
11:28 01.07.2025
Թրամփը հուլիսի 7-ին Սպիտակ տանը կընդունի Նեթանյահուին. լրատվամիջոցներԱՄՆ նախագահ Դոնալդ Թրամփը հուլիսի 7-ին Սպիտակ տանը կընդունի Իսրայելի վարչապետ Բենիամին Նեթանյահուին, հաղորդում է Axios-ի լրագրող Բարաք Ռավիդը՝ հղում անելով իսրայելցի պաշտոնյայի։ Երկուշաբթի օրը Սպիտակ տան մամուլի քարտուղար Քերոլին Լևիթը հայտարարել է, որ ԱՄՆ-ն աշխատում է Նեթանյահուի Վաշինգտոն այցի և Թրամփի հետ հանդիպման ամսաթվի շուրջ։ ...
11:10 01.07.2025
Նիկոլ Փաշինյանը շնորհավորական ուղերձ է հղել Կանադայի վարչապետինՀայաստանի վարչապետ Նիկոլ Փաշինյանը շնորհավորական ուղերձ է հղել Կանադայի վարչապետ Մարկ Քարնիին՝ Կանադայի օրվա առիթով: ՀՀ վարչապետի աշխատակազմի տարածած շնորհավորական ուղերձում ասված է. «Մեծարգո պարոն վարչապետ,Հայաստանի Հանրապետության կառավարության և անձամբ իմ անունից ջերմորեն շնորհավորում եմ Ձեզ Կանադայի օրվա կապակցությամբ։Հայաստանն առանձնահատուկ նշանակություն է տալիս Կանադայի հետ երկկողմ հարաբերությունների վերընթաց զարգացմանը և երկկողմ հետաքրքրություն ներկայացնող բոլոր ոլորտներում համագործակցության հետագա […] ...
11:04 01.07.2025
Շվեյցարացի պատգամավորներն ԱՄՆ Կոնգրեսում կներկայացնեն ԼՂ-ից տեղահանված հայերի վերադարձի ուղղությամբ ջանքերըՇվեյցարացի խորհրդարանականներ Էրիխ Ֆոնտոբելը և Լուկաս Ռեյմանը Միացյալ Նահանգների Կոնգրեսի անդամներին և աշխատակազմին կտեղեկացնեն Լեռնային Ղարաբաղից բռնի տեղահանված հայերի՝ իրենց հայրենիք արժանապատիվ և անվտանգ վերադարձն ապահովելու ուղղությամբ ձեռնարկվող շարունակական ջանքերի մասին։ «Արմենպրես»-ի հաղորդմամբ՝ այս մասին հայտնում է Ամերիկայի հայ դատի գրասենյակը (ANCA)՝ մանրամասնելով, որ շվեյցարացի պատգամավորների ճեպազրույցն ԱՄՆ Կոնգրեսում կկայանա հուլիսի 8-ին։ Ճեպազրույցին կմասնակցեն նաև […] ...
