Երևան քաղաքի փրկարարական վարչությունն ամփոփում է փետրվար ամսին իրականացրած միջոցառումները

Փետրվար ամսվա ընթացքում Երևան քաղաքի փրկարարական վարչությունը կազմակերպել և անց է կացրել մի շարք հատուկ տակտիկական ուսումնավարժություններ, որոնք ուղղված էին արտակարգ իրավիճակներում արագ և արդյունավետ գործողություններ իրականացնելու հմտությունների զարգացմանը, մասնագիտական գիտելիքների մակարդակի բարձրացմանը, ինչպես նաև բնակչության պաշտպանության ոլորտում բնակչության պատրաստվածության և իրազեկվածության բարձրացմանը։ Այսպիսի միջոցառումները մեծ կարևորություն ունեն, քանի որ դրանք նպաստում են բնակչության անվտանգության մակարդակի բարձրացմանը՝ հատկապես երիտասարդ սերնդի շրջանում։

Համապատասխան միջոցառումները հիմնված էին երեք հիմնական թեմաների վրա՝ «Անձնակազմի և աշակերտների պաշտպանության կազմակերպումը հրդեհի դեպքում», «Հրդեհի դեպքում հրդեհաշիջման աշխատանքների կազմակերպումը և իրականացումը» և «Անձնակազմի և աշակերտների պաշտպանության միջոցառումների կազմակերպումը հակառակորդի օդային հարձակման դեպքում»։

Թեմաները նպատակաուղղված  էին ոչ միայն արտակարգ իրավիճակներում արագ արձագանքման և գործողությունների արդյունավետության բարձրացմանը, այլև նոր իրավիճակներում հնարավոր լավագույն լուծումների մշակմանը և կիրառմանը։

Միջոցառումները կազմակերպվել են Երևան քաղաքի տարբեր ուսումնական հաստատություններում՝ ներառելով ինչպես դպրոցներ, այնպես էլ մանկապարտեզներ և մշակութային հաստատություններ․ «Գևորգ Վարդանյանի անվան թիվ 192 հիմնական դպրոց», «Ալեքսանդր Քեմուրջյանի անվան թիվ 170 ավագ դպրոց», «Երևանի թիվ 98 հիմնական դպրոց», «Լեոնիդ Ազգալդյանի անվան թիվ 200 հիմնական դպրոց» ՊՈԱԿ-ները, «Վիլլի Մոկացյանի անվան երաժշտական դպրոց», «Երևանի թիվ 151 մանկապարտեզ» ՀՈԱԿ-ները և «Հայոց ցեղասպանության թանգարան-ինստիտուտ» հիմնադրամը։ Միջոցառումները նպատակ են ունեցել ընդգրկել լայն շրջանակ՝ ապահովելով կրթական և մշակութային հաստատություններում տարբեր արտակարգ իրավիճակներում աշխատակիցների և աշակերտների պատրաստվածությունը։

Հատուկ տակտիկական ուսումնավարժանքների հիմնական նպատակներն էին ղեկավար կազմի և սաների գործնական հմտությունների կատարելագործումը, արտակարգ իրավիճակներում բնակչության պաշտպանության միջոցառումների կազմակերպումը, ինչպես նաև հրամանատարական կազմի մարտավարական մտածողության խթանումը։ Ուղղակիորեն մեծ ուշադրություն էր հատկացվում հրդեհների ժամանակ ուժերի և միջոցների կառավարման բարելավմանը, ինչպես նաև օղակների հրամանատարների գործնական կարողությունների կատարելագործմանը և մարտական հաշվարկների օղակների պատրաստվածության ստուգմանը։

Միջոցառումներին ակտիվ մասնակցություն է ցուցաբերել շուրջ 3200 մասնակից։

Կարևորելով նմանատիպ ուսումնավարժանքների իրականացման անհրաժեշտությունը և շարունակական վերապատրաստման կարևորությունը, ինչպես նաև նպատակ ունենալով բարելավել աշխատակիցների գիտելիքները, արտակարգ իրավիճակներում գործելու հմտություններն ու կարողությունները՝ Երևան քաղաքի փրկարարական վարչությունը շարունակաբար կիրականացնի նման միջոցառումներ՝ ապահովելով աշխատակիցների պատրաստվածության բարձր մակարդակ և առավելագույն արդյունավետություն ցանկացած իրավիճակում։