16:24 25.06.2025
Հանրակրթության նոր չափորոշչի շրջանակում այսօր Տավուշի մարզում «Հայոց պատմություն» և «Գրականություն» առարկաներից 9-րդ դասարանցիների համար անցկացվել է քննություն` միասնական էսսեի ձևաչափով: Դիլիջանի թիվ 2 և թիվ 4 հիմնական դպրոցներում ԿԳՄՍ նախարար Ժաննա Անդրեասյանը և նախարարի տեղակալ Արաքսիա Սվաջյանը հետևել են քննության ընթացքին։
Աշակերտներին տրված էին գրականությունից և պատմությունից տեքստերի հատվածներ՝ միևնույն թեմայի ու գաղափարի շրջանակում, և պետք էր գրել էսսե դրանցից յուրաքանչյուրի վերաբերյալ՝ ըստ չափանիշների ու վերլուծական կարողությունների:
Ժաննա Անդրեասյանը հաջողություն է մաղթել աշակերտներին և կոչ արել կենտրոնանալ և ազատորեն արտահայտել սեփական մտքերն ու վերլուծությունը թեմայի շուրջ։ Նա հատկանշական է համարել, որ այս քննության շրջանակում գնահատվելու են աշակերտների վերլուծական կարողությունները, ոչ թե սոսկ լեզվի իմացությունը։
Դիլիջանի թիվ 2 դպրոցում քննություն է հանձնել 67 աշակերտ. ընդհանուր առմամբ` դպրոցում սովորում է 670 աշակերտ։ Դիլիջանի թիվ 4 դպրոցի աշակերտները 505-ն են. քննության մասնակցում էր 9-րդ դասարանի 62 աշակերտ։ Նախարար Ժաննա Անդրեասյանը շրջել է դպրոցներում, ծանոթացել պայմաններին, տեխնիկական և լաբորատոր հագեցվածությանը, քննարկել խնդիրները։ Նա հետաքրքրվել է՝ լաբորատորիաների ներդրմամբ պայմանավորված՝ երեխաների շրջանում կա՞ հետաքրքրության աճ բնագիտական առարկաների նկատմամբ, ի՞նչ ակտիվությամբ են աշակերտները մասնակցում մարզական միջոցառումներին, ի՞նչ հաջողություններ են գրանցել և այլն։ Ծանոթանալով դպրոցներում առկա խնդիրներին՝ նախարարը հանձնարարականներ է տվել դրանց լուծմանն ուղղված քայլերին համապատասխան ընթացք տալու վերաբերյալ։
Տավուշ այցի շրջանակում նախարար Ժաննա Անդրեասյանը կանգառ է կատարել նաև Դիլիջան քաղաքի Հովհ. Շարամբեյանի անվան ժողովրդական արվեստների թանգարանում՝ ծանոթանալու ԿԳՄՍ նախարարության միջոցներով հիմնանորոգված շենքի պայմաններին և տարածքի բարեկարգման ընթացիկ աշխատանքներին։ Նախարարն այցելել է նաև Ծովագյուղի երիտասարդական կենտրոն, որը շահագործվում է 2025 թ. ապրիլից։ Ժաննա Անդրեասյանը հետաքրքրվել է, թե ինչ ընթացիկ խնդիրներ կան և ինչ է արվում դրանց լուծման ուղղությամբ, ինչպիսի ծրագրեր են իրականացվում կենտրոնում, արդյոք դպրոցականներն ու երիտասարդներն ապահովում են ակտիվ մասնակցութրուն։ Կենտրոնի պատասխանատուի խոսքով՝ արդեն իսկ իրականացվել են տարաբնույթ ծրագրեր, առաջիկայում նախատեսվում է նաև նկարների և ձեռագործ աշխատանքների ցուցահանդես:
22:01 25.06.2025
Երկրաշարժ Մարտունի քաղաքից 5 կմ հյուսիս-արևմուտքՀունիսի 25-ին, տեղական ժամանակով ժամը 21:35-ին (Գրինվիչի ժամանակով` ժամը 17։35-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.16⁰ և արևելյան երկայնության 45․25⁰ աշխարհագրական կոորդինատներով Հայաստան՝ Գեղարքունիքի մարզի Մարտունի քաղաքից 5 կմ հյուսիս-արևմուտք, օջախի 10 կմ խորությամբ, 1․9 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը […] ...
21:53 25.06.2025
Ես ամենաբարդ մրցակիցն եմ քո համար․ Ծառուկյանի պատասխանը ՏոպուրիայինUFC-ի մարտիկ Արման Ծառուկյանը X սոցիալական ցանցի իր էջում պատասխանել է Իլիա Տոպուրիային: Վերջինս քննադատել էր Ծառուկյանին իր և Չարլզ Օլիվեյրայի սպասվող մենամարտում բրազիլացուն փոխարինողի դերում լինելու համար: «Ավելի լավ է աղոթես, որ Չարլզին ոչինչ չպատահի, քանի որ ես ամենաբարդ մրցակիցն եմ քո համար այս դիվիզիոնում: Կա պատճառ, թե ինչու ես դու այդ գոտու համար […] ...
21:48 25.06.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 26-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11։00-17։00 Տիգրան Մեծի պող. 23-31 շենքեր, Արհեստավորների փ. 3-14 առանձնատներ և հարակից ոչ բնակիչ-բաժանորդներ, Հնդկաստանի փ. 4, 4/13, 4/17 շենքեր, Ձորափի փ. 40, 40/13 ոչ բնակիչ-բաժանորդներ, Երևանի Արաբկիր վարչական շրջան՝ […] ...
21:46 25.06.2025
ՃՏՊ Գյումրի-Վանաձոր ավտոճանապարհին․ կան տուժածներՀունիսի 25-ին, ժամը 18:58-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջաջուռի ոլորաններում տեղի է ունեցել ՃՏՊ․ կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Գյումրի-Վանաձոր ավտոճանապարհի 17-րդ կմ-ին «Toyota» մակնիշի ավտոմեքենան դուրս է եկել երթևեկելի հատվածից, գլորվել և հայտնվել […] ...
21:37 25.06.2025
Արարատ Միրզոյանը հեռախոսազրույց է ունեցել ԱՄԷ փոխվարչապետ, շեյխ Աբդալլահ բին Զայեդ Ալ Նահյանի հետՀՀ ԱԳ նախարար Արարատ Միրզոյանը հեռախոսազրույց է ունեցել Արաբական Միացյալ Էմիրությունների փոխվարչապետ, ԱԳ նախարար շեյխ Աբդալլահ բին Զայեդ Ալ Նահյանի հետ։ Այս մասին հայտնում են ԱԳՆ-ից։ «Զրուցակիցները քննարկել են տարածաշրջանային կայունության և անվտանգության հարցեր։ Նախարար Միրզոյանը և շեյխ Աբդալլահ բին Զայեդ Ալ Նահյանը մտքեր են փոխանակել Հարավային Կովկասում և Մերձավոր Արևելքում խաղաղության ապահովմանն ուղղված ջանքերի […] ...
