16:46 18.10.2018
Գյումրիում կառուցվելու է հրշեջ-փրկարարական ջոկատի նոր շենք: Այս մասին ասել է Շիրակի մարզային փրկարարական վարչության պետն այսօր տեղի ունեցած ցուցադրական վարժանքների ընթացքում:
Փրկարարները գործնականում ցուցադրել են, թե ինչ պատրաստվածություն ունեն երկրաշարժերի ժամանակ որոնողափրկարարական աշխատանքներ կատարելու համար: Ցուցադրական վարժանքներն ի հայտ են բերում փրկարարական ծառայության թերությունները և տեխնիկական հագեցվածության խնդիրները: Դրանցից առաջնայինը Գյումրիում հրշեջ-փրկարարական ջոկատի շենք ունենալն է:
Իսկ հերթական վարժանքի սցենարն այսպիսին է՝ տեղի է ունեցել 5,2 մագնիտուդ ուժգնության երկրաշարժ: Փլուզումներ են տեղի ունեցել, մարդ է տուժել, որոնց փրկարարների օգնությունն է անհրաժեշտ: Սցենարով ևս նախատեսված էր, որ փլուզումներն ուղեկցվելու էին հրդեհով, բայց սցենարը փոխվեց արդեն իրական արտակարգ պատահարի պատճառով:
Քաղաքապետարանի աղբատար մեքենան հարվածել էր կայանած հրշեջ մեքենային, իսկ պատահարի պատճառները պարզելու համար մեքենաները տեղում սպասում էին ԱՊՊԱ գործակալներին:
Միակ հրշեջ մեքենան այդպես էլ վարժանքների չմասնակցեց: Այդ ընթացքում նոր մեքենաներ ստանալու և հրշեջ փրկարարական նոր շենք ունենալու հարցերը վարչության պետը չշրջանցեց: Գյումրիում հիմա ընդամենը մեկ հրշեջ-փրկարարական ջոկատ կա, որը գործում է ժամանակավոր հատկացված տարածքում: Նոր շենքի կառուցումը օրակարգային է, անգամ տարածքի ընտրության և հողհատկացման հարցերը լուծված են:
«Մեծ հատված է սպասարկելու հրշեջ մասը, որի համար նոր շենք է կառուցվելու՝ ընդգրկելու է Գյումրիի Անի և Մուշ թաղամասերը, ինչպես նաև հարակից գյուղերը՝ Մայիսյանը, Քեթին, Փոքրաշենը, Վահրամաբերդը և Մարմաշենը: Շիրակի մարզին կհատկացվի 13 նոր հրշեջ մեքենա, որոնք Հայաստանում կլինեն փետրվար-մարտ ամիսներին»,- SHANTNEWS.am-ի թղթակցի հետ զրույցում ասել է Շիրակի մարզային փրկարարական վարչության պետ Ալեքսան Գյոզալյանը:
Նոր տեխնիկայի ստացումն ու ջոկատի վերաբացումը հնարավորություն կտա հարակից գյուղերը սպասարկել Գյումրիից, իսկ հեռավորներում հենակետեր ձևավորել: Սպասարկման տարածքային առաջին փոփոխությունը կատարված է՝ Գյումրիի ծայրամասային թաղամասերից մի քանիսն Ախուրյանի հրշեջ-փրկարարական ջոկատն է սպասարկելու:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
22:51 02.08.2025
Բոսնիական կրակը, հաղթանակի ծարավն ինձ հետ բերել եմ «Նոա»․ Նարդին ՄուլահուսեյնովիչՀայաստանի չեմպիոն «Նոայի» նորեկ Նարդին Մուլահուսեյնովիչը խոսել է հայկական ակումբին միանալու մասին, հայտնում է «Նոայի» մամուլի ծառայությունը: «Այնտեղ, որտեղից ես եմ եկել, չեն հանձնվում: Բոսնիական կրակը, հաղթանակի ծարավն ինձ հետ բերել եմ «Նոա»»,- ասել է 27-ամյա բոսնիացի հարձակվողը: Նա հայկական ակումբ է տեղափոխվել Բոսնիա և Հերցեգովինայի չեմպիոն «Զրինսկիից»: Կողմերը ստորագրել են երեք տարվա պայմանագիր: Բոսնիացին […] ...
