11:06 23.05.2018
Ազգային ժողովում հերթական նիստի ժամանակ այսօր քննարկվել է դատախազության 2017 թվականի գործունեության մասին հաղորդումը: ՀՀ գլխավոր դատախազ Արթուր Դավթյանը հաշվետվություն է ներկայացրել դատախազության 2017թ. աշխատանքների վերաբերյալ:
ԱԺ Ելք խմբակցության պատգամավոր Ալեն Սիմոնյանը հարց է հնչեցրել քաղբանտարկյալների մասին: Պատգամավորը նաև նշել է, որ գլխավոր դատախազը չունի վստահության բարձր աստիճան, հետևաբար պետք է հրաժարական տա:
Գլխավոր դատախազ Արթուր Դավթյանն արձագանքել է, որ քաղբանտարկյալների թեմայով խոսում են մարդիկ, որոնք գաղափար չունեն դրա մասին:
«Հասկանալով Ձեր հարցի ենթատեքստը՝ պետք է ասեմ, որ ՀՀ-ում տեղի ունեցած իրադրության փոփոխությունը բերում է նրան, որ անձի կատարած գործողության վտանգավորության աստիճանը կարող է փոխվել»,-ասել է գլխավոր դատախազը՝ նշելով, որ կային դեպքեր, երբ մարդիկ պատրաստվում էին զանգվածային անկարգություններ կազմակերպել՝ թիրախ ընտրելով կոնկրետ անձանց: Այսօր իշխանության մեջ չեն այդ անձինք, հետևաբար նրանց գործողությունները չեն կարող համարվել հանրության համար խիստ վտանգավոր, ասել է գլխավոր դատախազը:
Ելք խմբակցության պատգամավոր Էդմոն Մարուքյանը նշել է, որ գլխավոր դատախազն իրեն թակարդն է գցել՝ ասելով, թե հետապնդման են ենթարկվել մի խումբ մարդիկ նախկին իշխանության հրահանգով: «Հիմա ի՞նչ է լինելու Ձեզ հետ, ո՞նց եք շարունակելու աշխատել»,-հռետորական հարց է տվել Էդմոն Մարուքյանը:
Արթուր Դավթյանը արձագանքել է, որ չի կարելի նենգափոխել իր խոսքերը, եթե այսօր էլ տվյալ անձինք նման գործողություններ կատարեին, այսօր էլ նրանք կձերբակալվեին: Միաժամանակ գլխավոր դատախազը ասել է, որ ցավում է, որ Էդմոն Մարուքյանը ԱԺ-ն ու դատարանը նույն հարթության վրա է դիտարկում, այնինչ մեկը իրավական է, մյուսը՝ քաղաքական:
ԱԺ Ելք խմբակցության ղեկավար Լենա Նազարյանը գլխավոր դատախազին խնդրել է սահմանել քաղբանտարկյալ տերմինի բացատրությունը:
Արթուր Դավթյանն արձագանքել է, որ ինքը ունի մեկ բացատրություն. մարդը կարող է լինել քաղբանտարկյալ կամ այլ նպատակով բանտարկված, եթե նրա նկատմամբ մեղադրանքը հիմնավոր չէ:
00:30 07.08.2025
NYT. Թրամփը նախատեսում է հաջորդ շաբաթ հանդիպել Պուտինի հետԱՄՆ նախագահ Դոնալդ Թրամփը հաջորդ շաբաթ նախատեսում է անձնական հանդիպում ունենալ իր ռուս գործընկեր Վլադիմիր Պուտինի հետ, իսկ դրանից անմիջապես հետո՝ եռակողմ հանդիպում Վլադիմիր Զելենսկու հետ։ Այս մասին հաղորդում է The New York Times-ը՝ հղում անելով իր աղբյուրներին։ Ըստ թերթի՝ Թրամփը իր ծրագրերը բացահայտել է չորեքշաբթի օրը եվրոպացի առաջնորդների հետ հեռախոսազրույցի ժամանակ։ Սպիտակ տան ղեկավարից, […] ...
00:18 07.08.2025
Հայ շախմատիստների արդյունքները «Batumi Municipality Cup-2025» միջազգային մրցաշարում 7 խաղափուլից հետոՎրաստանի Բաթումի քաղաքում անցկացվող «Batumi Municipality Cup-2025» շախմատի միջազգային մրցաշարի ավարտին մնացել է 2 խաղափուլ: Այս մասին հայտնել են Հայաստանի շախմատի ֆեդարացիայից: 7 խաղափուլից հետո «A» խմբում միանձնյա առաջատարն է միջազգային վարպետ Ռոբերտ Փիլիպոսյանը, ով ունի 6 միավոր։ «B» խմբում 5.5 միավորով առաջատարների շարքում են Արարատ Ստեփանյանը, Արտուշ Ավագյանը և Վարդան Մելքոնյանը: «C» խմբում 6.5 […] ...
00:09 07.08.2025
Լուսակունք գյուղում բռնկված հրդեհը մարվել էՕգոստոսի 6-ին, ժամը 18։40-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լուսակունք գյուղի դպրոցի մոտակայքում այրվում է կուտակած անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ հրդեհը բռնկվել է Լուսակունք գյուղի 1-ին փողոցի տներից մեկի բակում։ Հրդեհը մեկուսացվել է ժամը 19։15-ին, […] ...
23:59 06.08.2025
Երևանի յուրաքանչյուր վարչական շրջան պետք է ունենա հարմարավետ և բարեկարգ բակային միջավայր. ԱվինյանԵրևանի յուրաքանչյուր վարչական շրջան, անկախ տարածքից և բնակիչների թվից, պետք է ունենա հարմարավետ և բարեկարգ բակային միջավայր ՝ կանաչապատ գոտիներով և հանգստի հարմարավետ պայմաններով: Այս մասին Ֆոյսբուքի իր էջում գրել է Երևանի քաղաքապետ Տիգրան Ավինյանը: «Նուբարաշենում շարունակվում են բակերի բարեկարգման աշխատանքները։ Կկառուցվեն զրուցարաններ, հանգստի գոտիներ և կստեղծվեն ժամանակակից պայմաններ՝ երևանցիների առօրյան հարմարավետ դարձնելու համար»,-գրել է […] ...
23:57 06.08.2025
Զախարյանը կրկին անհատական ծրագրով է մարզվում«Ռեալ Սոսյեդադի» կիսապաշտպան Արսեն Զախարյանը կրկին անհատական ծրագրով է մարզվում, հայտնում է Sport24-ը։ «Զախարյանը դեռ պատրաստ չէ, և այսօր նա ընդհանուր խմբից առանձին է մարզվել։ Տեսնենք` պատրաստ կլինի՞ շաբաթ «Բորնմութի» դեմ կայանալիք խաղին, թե՞ ոչ»,- ասել է ակումբի մամուլի քարտուղար Յոն Անդեր Մունդուատեն։ Հուլիսի 28-ին նշվեց, որ Ռուսաստանի ազգային հավաքականի հայ կիսապաշտպանն ապաքինվել է վիրուսից […] ...
23:55 06.08.2025
«Scania» բեռնատարը, որը բարձված էր 24 տոննա սենդվիչ-բլոկներով, Վերին Խոտանան ճանապարհին կողաշրջվել էՕգոստոսի 6-ին, խոշոր ավտովթար է տեղի ունեցել Սյունիքի մարզում։Ժամը 13:20-ի սահմաններում Իրանի Իսլամական Հանրապետության քաղաքացի, 57-ամյա Գաբալու Հոսենգոլը, իր վարած «Scania» մակնիշի բեռնատարով, Վերին Խոտանան շրջանցող ավտոճանապարհին կողաշրջվել է։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, բարեբախտաբար տուժածներ չկան։ Օպերատիվորեն ժամանել են ՀՀ Ներքին գործերի նախարարության փրկարար ծառայության Սյունիքի մարզային փրկարարական վարչության և […] ...
