18:22 06.11.2018
Բնապահպանական և ընդերքի տեսչական մարմնի ղեկավար Արթուր Գրիգորյանը հանդիպում է ունեցել բնապահպանների, առողջապահության և բնապահպանության նախարարության ներկայացուցիչների հետ և քննարկել Հայաստանի հանքարդյունաբերության վիճակը:
Բնապահպաններին հետաքրքրել է, թե ինչ կարգավիճակ ունեն այն միջազգային կազմակերպությունները, որոնք հրավիրվել են և հրավիրվում են բնապահպանության նախարարության կողմից ու կատարում են որոշակի հետազոտություններ:
«Մենք ուզում ենք հասկանալ Ամուլսարի հարցում ո՞ր կազմակերպությունն ինչ կարգավիճակ ունի»,- նշեց բնապահպաններից մեկը:
Բնապահպանների խոսքով՝ Ամուլսարի շահագործման պարագայում պետք է ընդհանրական մոտեցում ունենալ: Արթուր Գրիգորյանն էլ իր հերթին նշեց, որ աշխատանքայի խմբի նպատակը միջազգային չափանիշներով աշխատելն է:
«Ենթակա է քննարկման միջազգային ստանդարտների հարցը: Կառավարությունում կան ծրագրեր, որոնք վերաբերում են հանքարդյունաբերության զարգացման միջազգային ստանդարտներին համապատասխանելու մասին: Դա չի նշանակում, որ պիտի Հայաստանում հանքարդյունաբերությունը լինի միջազգային ստանդարտներին համապատասխան: Յուրաքանչյուրը յուրովի կարող է մեկնաբանել «միջազգային ստանդարտներ» ասվածը: Խումբը կարող է անգամ գալ եզրահանգման, որ Հայաստանին հանքարդյունաբերություն պետք չէ»:
Բնապահպան Հակոբ Սանասարյանի խոսքերով՝ միջազգային չափանիշներին համապատասխանող հանքարդյունաբերություն ունենալու միտքը աբսուրդ է: Կարծիք հնչեց նաև, որ կան շատ զարգացած երկրներ, որոնք ունեն հանքարդյունաբերություն, բայց հիանալի բնապահպանական վիճակ:
ՀՀ առողջապահության նախարարության հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Նունե Բակունցն էլ նշեց, որ ունի հստակ պահանջներ և դրանք ներկայացնելու է Արթուր Գրիգորյանին:
Հանդիպում ընթացքում քննարկվեցին Ամուլսարի, Քաջարանի հանքերի շահագործման և մի շարք այլ հարցեր:
Բնապահպանական և ընդերքի տեսչական մարմնի ղեկավարը նշեց, որ ստուգումները լինելու են լիարժեք, և ոչ ոք չի թերանալու իր աշխատանքում:
23:59 16.06.2025
Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածըՄ-2 միջպետական ճանապարհի՝ Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածը։ Այս մասին հայտնել են «Ճանապարհային դեպարտամենտ» հիմնադրամից: Մանրամասները՝ տեսանյութում: ...
23:55 16.06.2025
Tasnim. Իրանը հրթիռների նոր ալիք է արձակել Իսրայելի ուղղությամբԻրանի զինված ուժերը սկսել են նոր հրթիռային հարվածներ հասցնել Իսրայելում գտնվող թիրախներին, հաղորդում է իրանական Tasnim լրատվական գործակալությունը։ Հրեական պետության ուղղությամբ արձակված հրթիռների ճշգրիտ թիվը չի նշվում։ ...
23:49 16.06.2025
Սա գիտակրթական ներուժի զարգացման կարևոր քայլ է․ Տիգրան ԱվինյանԵրևանի քաղաքապետ Տիգրան Ավինյանը Ֆոյսբուքի իր էջում գրել է. «Որպես Հայաստանի ազգային պոլիտեխնիկական համալսարանի Հոգաբարձուների խորհրդի նախագահ՝ ցանկանում եմ կիսվել մի կարևոր նախաձեռնությամբ։ ՀԱՊՀ-ում հիմնադրվել է «Ինտեգրալ սխեմաների նախագծման և մոդելավորման ուսումնական ու գիտահետազոտական լաբորատորիա»։ Պարզեցված ձևակերպմամբ՝ սա լաբորատոր միջավայր է, որտեղ կիրականացվի միկրոչիպերի և էլեկտրոնային համակարգերի նախագծում և փորձարկում՝ ժամանակակից ծրագրային ապահովման, բարձր ճշգրտությամբ […] ...
23:44 16.06.2025
Ավան վարչական շրջանում շարունակվում են բարեկարգման աշխատանքներըԱվան վարչական շրջանում շարունակվում են բարեկարգման աշխատանքները։ Այս մասին հայտնել են Երևանի քաղաքապետարանից: 2025-ին նախատեսվում է կառուցել և բարեկարգել 12 բակային տարածք՝ ավանցիների համար ստեղծելով ավելի հարմարավետ ու կանաչ միջավայր։ Մանրամասները՝ տեսանյութում: ...
23:37 16.06.2025
Ագրոօդերևութաբանական տեղեկատվություն. հունիսի 9-15-ըՀանրապետությունում շարունակվել է գյուղատնտեսական մշակաբույսերի աճն ու զարգացումը։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Հովտային շրջաններում սկսվել է ծիրանի հասունացումը և շաքարանյութի կուտակումը, կատարվել է ընտրովի բերքահավաք։ ՀԱշնանացան ցորենը շարունակել է գտնվել կաթնային հասունացման փուլում։ Բանջարանոցային մշակաբույսերի մոտ սկսվել է ծաղիկների թառամումը։ Նախալեռնային և լեռնային շրջաններում շարունակվել է պտղատուների պտղի ձևավորումը, կարտոֆիլի […] ...
23:30 16.06.2025
Աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիրԼոնդոնում անցկացված 2025 թվականի աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիր: Այս մասին հայտնել են Հայաստանի շախմատի ֆեդերացիայից։ Թիմի անդամներն են. Վիշվանաթան Անանդ (Հնդկաստան) Լե Քուանգ Լիեմ (Վիետնամ) Սամուել Սևյան (ԱՄՆ) Ռաուֆ Մամեդով (Ադրբեջան) Հայկ Մարտիրոսյան (Հայաստան) Ալեքսեյ Սարանա (Սերբիա) Աննա Մուզիչուկ (Ուկրաինա) Թեոդորա Ինյաց (Սերբիա) Սարբարթո […] ...
