13:58 08.11.2018
Երեկ՝ ժամը 16:00-ից, բողոքի ակցիաներ են սկսվել Գյումրիի, Երևանի և Սանահինի լոկոմոտիվային դեպոներում, գնացքների մեքենավարները հրաժարվում են աշխատել. պատճառը երկաթուղայինների ամսական հավելավճարների թերի վճարումն է:
SHANTNEWS.am-ը զրուցել է բողոքի ակցիայի մասնակիցներից Վահագն Հարեյանի հետ:
«Մեր աշխատանքային պայմանագրով աշխատում էինք, այն ժամանակ մենք, երկար աշխատելու համար՝ որպես հին աշխատողներ, ստանում էինք աշխատավարձ, հետո նրանք դա կտրեցին՝ ասելով, որ նոր աշխատողներն էլ գան և նորմալ գումար ստանան, բայց մեզ ասացին, որ յուրաքանչյուր ամիս 25 տոկոս, անկախ ամեն բանից, պարգևատրում կտան: Այս ամիս, առանց որևէ բացատրության, 25 տոկոսը իջեցվեց 15 տոկոսի»,- նշեց նա:
Հարցին, թե այս ամենը իրավական դաշտում որևէ կերպ ձևակերպվե՞լ է, ակցիայի մասնակիցը պատասխանեց.
«Մեզ ասում են, թե ոմանք թուղթ են ստորագրել, որ երբ ուզեն, վճարեն, իսկ երբ չուզեն, չվճարեն, մենք իրենց ասում ենք, որ եթե ինչ-որ մեկը ստորագրել է այդ թուղթը, ապա նախկին իշխանության ժամանակ իրենց ստիպել, վախեցրել են, քանի որ այն ժամանակ երկաթգծում հնչում էին վախեցնելու, գործից ազատելու սպառնալիքներ: Խնդիրն այն է, որ մենք աշխատել ենք, օրինակ՝ ամսվա 165 ժամի փոխարեն 186 ժամ: Մենք մեր նախատեսված ժամից ավել ենք աշխատել, իսկ մեզ այսօր ասում են՝ որ պլանը չի կատարվել, և գումար չկա»,- տեղեկացրեց նա:
Մեքենավարի խոսքերով՝ մեկ շաբաթ առաջ Երևան դեպոյի մեքենավարների հետ հանդիպմանն ասվել է, որ բեռնատար գնացքների շարժը 16 տոկոսով ավելացել է:
Նշենք, որ գործադուլին մասնակցում են «Հարավկովկասյան երկաթուղիներ» ընկերության 3 դեպոների՝ Երևանի, Գյումրիի, Սանահինի բոլոր մեքենավարները:
«Երևան-Բաթում գնացքը չի եկել, 4 գնացք այս պահին Հրազդանում է կանգնած, 2 գնացք՝ Երևանում, Այրումում, և Սադախլոյում գնացքներ կան, որ պետք է գան, բայց չեն գալիս»,- ասաց մեքենավարը:
Վահագն Հարեյանը նշեց, որ մեքենավարները չեն աշխատի, մինչև լիարժեք չվճարվի գումարը:
«Սպասում ենք «Հարավկովկասյան երկաթուղիներ» ընկերության ղեկավարի այցին, բայց մենք ասել ենք՝ եթե աշխատավարձը ստանանք և պակաս եղավ, շարունակելու ենք դադարեցնել աշխատանքը: Մենք անժամկետ չենք աշխատի, թող այդ հարցը լուծեն»,- նշեց նա:
SHANTNEWS.am-ը կապ հաստատեց «Հարավկովկասյան երկաթուղիներ» ընկերության մամուլի խոսնակ Ռուբեն Գրդզելյանի հետ, որը հայտնեց, որ ՀԿԵ տնօրենը արդեն մեկնել է Գյումրի:
«Տնօրենն այս պահին մեկնում է Գյումրի, որպեսզի բանակցություններ վարի և մեկ ընդհանուր լուծման գան»,- ասաց նա:
18:49 30.04.2025
Վարչապետի գլխավորությամբ քննարկվել է Փրկարար ծառայության զարգացման հայեցակարգըՎարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Փրկարար ծառայության զարգացման հայեցակարգը: Ներքին գործերի նախարար Արփինե Սարգսյանը նշել է, որ Փրկարար ծառայության զարգացման տեսլականը կարևոր է ՆԳՆ բարեփոխումների շղթայի ամբողջականացման շրջանակում և ներկայացրել հայեցակարգում բարձրացված խնդիրների լուծումները: Մասնավորապես, ներկայացվել են մանրամասներ ՆԳՆ կողմից ոլորտային քաղաքականության մշակման, ոլորտում վարվող քաղաքականության մոնիթորինգի, արտադրական […] ...
18:36 30.04.2025
Կհամաֆինանսավորվի 27 սուբվենցիոն ծրագիր. գործադիրի որոշումներըԿառավարությունը 3 լավարկում է առաջարկում ընդհանուր հայտարարագրման գործընթացում սոցծախսերի փոխհատուցման մասով, կհամաֆինանսավորվի սուբվենցիոն ևս 27 ծրագիր, Հայաստանը կունենա նոր դեսպանատուն Օմանի Սուլթանությունում, առաջիկայում նաև՝ Հունգարիայում: Որոշումները կայացվել են Կառավարության այսօրվա նիստում: Մանրամասները՝ ռեպորտաժում: ...
18:27 30.04.2025
Ընտրական մարմինների ասոցիացիայի 2026-ի գործադիր խորհրդի նիստը կհրավիրվի ՀայաստանումԱպրիլի 25-ից 27-ը ՀՀ Կենտրոնական ընտրական հանձնաժողովի նախագահ Վահագն Հովակիմյանի գլխավորած պատվիրակությունը Մանիլայում (Ֆիլիպիններ) մասնակցել է Ընտրական մարմինների համաշխարհային ասոցիացիայի քարտուղարության (A-WEB) 13-րդ գործադիր խորհրդի նիստին: Պատվիրակության կազմում են ընդգրկված եղել ԿԸՀ անդամ Աննա Գրիգորյանը և ԿԸՀ ֆինանսատնտեսական վարչության գլխավոր մասնագետ Մերինե Սուքիասյանը։ Նիստի ընթացքում քննարկվել են օրակարգային հարցեր, այդ թվում՝ գործադիր խորհրդի նիստի անցկացման […] ...
18:17 30.04.2025
Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ«Բարսելոնայի» հարձակվող Լամին Յամալը կարծում է, որ Լիոնել Մեսսիի հետ համեմատությունը դրական է ազդում իր վրա։ «Մեսսին բոլոր ժամանակների լավագույն ֆուտբոլիստն է, իսկ ես ընդամենը 17 տարեկան եմ։ Ինձ մոտիվացիա է տալիս, երբ տեսնում եմ, որ մարդիկ համեմատում են ինձ նրա հետ։ Որքան շատ է լինում ճնշումն ինձ վրա, ես ավելի լավ եմ հանդես գալիս։ […] ...
18:08 30.04.2025
Իսրայելի պաշտպանության բանակը հարձակվել է Դամասկոսի արվարձանում գտնվող հասարակական անվտանգության ուժերի վրաՍիրիայի ընդհանուր անվտանգության ուժերը իսրայելական ավիահարվածների են ենթարկվել Դամասկոսի հարավային արվարձանում գտնվող Սահնայա բնակավայրում, հայտնում է Syria TV -ն՝ հղում անելով Սիրիայի ՆԳՆ-ին։ «Իսրայելական ռազմաօդային ուժերի անօդաչու թռչող սարքը հարվածել է Սահնայայի մատույցներում ընդհանուր անվտանգության ուժերի հավաքակայանին», – հաղորդում է հեռուստաալիքը։ Ներքին գործերի նախարարության տվյալներով՝ հարձակման հետևանքով զոհվել է անվտանգության մեկ աշխատակից, մի քանիսը վիրավորվել […] ...
