11:17 09.11.2018
«Այս հակամարտությունը շատ ձգձգվեց։ Ժամանակն է, որ կողմերը խուսափեն փոխադարձ մեղադրանքներից և հասարակությունները պատրաստեն խաղաղության»։
ԵԱՀԿ-ում Միացյալ Նահանգների ներկայացուցչությունն այսպիսի բովանդակությամբ բաց նամակ է ուղարկել կազմակերպության ղեկավարությանն ու Արցախյան հակամարտության կարգավորման միջնորդական առաքելությունն իրականացնող ԵԱՀԿ Մինսկի խմբի համանախագահներին։ Ներկայացուցչությունը բարձր է գնահատում մինչ այս արված աշխատանքը, բայց ուզում է ավելին։ Նահանգների ներկայացուցիչը հայտարարում է, որ օգտակար են համարում պետությունների ղեկավարների ու ԱԳ նախարարների մակարդակով վերջին շփումները, և համարում են, որ դրանք կարևոր են շփման գծում լարվածությունը նվազեցնելու տեսանկյունից։
Նամակում հիշատակվում են նաև կողմերի միջև ձեռք բերված պայմանավորվածությունները (որոնք այդպես էլ չիրականացան Ադրբեջանի կողմից դրանցից հրաժարվելու պատճառով- խմբ․), որոնցով նախատեսվում էր ընդլայնել ԵԱՀԿ գործող նախագահի անձնական ներկայացուցչի թիմի կարողությունները (Կասպրշիկի թիմի ընդլայնումը թույլ կտար ավելի հաճախ ու ավելի խորը դիտարկումներ անել առաջնագծում), ինչպես նաև միջադեպերի հետաքննության մեխանիզմի ներդրումը (սա էլ թույլ կտար պարզել, թե որ կողմն է խախտում հրադադարի պայմանավորվածությունը)։
«ԱՄՆ-ը վստահ է, որ ԱԳ նախարարների հանդիպումը կարող է նոր լիցք հաղորդել այս պայմանավորվածությունների կատարմանը վերաբերող քննարկումներին»,- նշվում է նամակում։
Միացյալ Նահանգները, ըստ հաղորդագրության, աջակցում է վստահության ամրապնդման միջոցառումներին և հայերի ու ադրբեջանցիների միջև երկխոսությանը, որը կարող է կայունացնել անվտանգությանն առնչվող իրավիճակը և ստեղծել բանակցությունների համար ավելի կառուցողական միջավայր։
«Այսպիսի երկխոսության մասնակիցները պետք է կարողանան անել դա ազատորեն ու առանց վախենալու, որ տուն վերադառնալուց հետո մեղադրանքներ կստանան»,- նշվում է տեքստում։
Նահանգների ներկայացուցիչը բարձր է գնահատում ԵԱՀԿ տարածքում առկա հակամարտությունների, այդ թվում՝ Արցախյան հակամարտության կարգավորումը։ Դրա համար է, ըստ նամակի, ամերիկյան կառավարությունը Հայաստան և Ադրբեջան ուղարկել բարձր մակարդակի պաշտոնյաների՝ ԱՄՆ նախագահի խորհրդական Ջոն Բոլթոնին և պետքարտուղարի օգնականի տեղակալ Ջորջ Քենթին։
«Միացյալ Նահանգները կիսում է տեսակետը, որ հակամարտությունը կարող է լուծվել ոչ ռազմական ճանապարհով։ Ստատուս քվոն անընդունելի է։ ԱՄՆ-ը հակված է աշխատել կողմերի հետ՝ խաղաղ ու երկարատև լուծում գտնելու համար․ լուծում, որը հիմնվում է մասնակից պետությունների կողմից ընդունված սկզբունքների՝ ուժի չօգտագործման, տարածքային ամբողջականության և ժողովուրդների ինքնորոշման ու հավասար իրավունքների սկզբունքների վրա, որոնք ընդգրկված են Հելսինկյան եզրափակիչ ակտում»,- նշվում է նամակի վերջաբանում։
18:14 14.05.2025
Թրամփը չի բացառել իր մասնակցությունը Ստամբուլում կայանալիք ռուս-ուկրաինական բանակցություններինԱՄՆ նախագահ Դոնալդ Թրամփը չի բացառել Ռուսաստանի և Ուկրաինայի միջև մայիսի 15-ին Թուրքիայում նախատեսված բանակցություններին իր մասնակցությունը, սակայն չգիտի՝ արդյոք Ռուսաստանի նախագահ Վլադիմիր Պուտինը կմասնակցի՞, թե՞ ոչ։ Ինչպես «Արմենպրես»-ը տեղեկանում է Reuters-ից, այս մասին Կատար մեկնելիս նախագահական ինքնաթիռում լրագրողների հետ զրույցում նշել է Թրամփը։ «Նա (խմբ.՝ Պուտինը) կցանկանար, որ ես այնտեղ լինեմ, և դա հնարավոր […] ...
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
17:54 14.05.2025
Բենզինի ռեզերվուարում բռնկված հրդեհը մարվել էՄայիսի 14-ին` ժամը 09:37-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արին Բերդի փողոցում, նախնական տվյալներով, այրվում է բենզինի դատարկ ռեզերվուար: Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային […] ...
17:45 14.05.2025
Համագործակցության հուշագիր՝ Քրեակատարողական ծառայության և ԵՊՀ սոցիոլոգիայի ֆակուլտետի միջևԱյսօր՝ մայիսի 14-ին, ՀՀ արդարադատության նախարարության քրեակատարողական ծառայության և Երևանի պետական համալսարանի սոցիոլոգիայի ֆակուլտետի միջև կնքվել է համագործակցության հուշագիր, որը ստորագրել են Ծառայության պետ Ծովինար Թադևոսյանը և ֆակուլտետի դեկան Արթուր Մկրտիչյանը։ Համագործակցության անհրաժեշտությունը պայմանավորված է քրեակատարողական համակարգում սոցիալական աշխատանքի ինստիտուտի զարգացման կարևորությամբ, ազատազրկված անձանց վերասոցիալականացման քաղաքականության ամրապնդմամբ, ինչպես նաև քրեակատարողական ոլորտում գիտության և պրակտիկայի միջև […] ...
17:39 14.05.2025
Ընտրակաշառք տալու և ստանալու դեպքերի առթիվ քննված քրեական վարույթով նախաքննությունն ավարտվել էՀՀ հակակոռուպցիոն կոմիտեի կողմից ձեռնարկված օպերատիվ-հետախուզական միջոցառումների արդյունքում նախաձեռնված քրեական վարույթով պարզվել է, որ Գյումրի համայնքի՝ 2025 թվականի մարտի 30-ին նշանակված ավագանու արտահերթ ընտրություններին մասնակցող կուսակցությունների դաշինքի թեկնածուն Գյումրի քաղաքի բնակչին խոստացել է ընտրակաշառք՝ ընտրությանը մասնակցելու, ինչպես նաև իր ներկայացրած կուսակցությունների դաշինքի օգտին քվեարկելու համար ընտրողների հավաքագրում ապահովելու դիմաց: Մասնավորապես՝ նախաքննությամբ պարզվել է, որ հիշյալ […] ...
