16:50 13.11.2018
ՀՀ ԱԺ պաշտպանության և անվտանգության հանձնաժողովի նախագահ Կորյուն Նահապետյանը, նոյեմբերի 13-ին խորհրդարանում անդրադառնալով 2019թ. պետական բյուջեի նախագծին, կարևորեց հնարավոր ռազմական գործողությունների և բյուջետային քաղաքականության տեսակետից պետության արձագանքը:
Նա հույս հայտնեց, որ 2019թ. պետբյուջեով ձեռք են բերվում սպառազինության և ռազմական տեխնիկայի այնպիսի միջոցներ, որոնք բավարար կլինեն հնարավոր ռազմական ագրեսիային ոչ միայն դիմակայելու, համարժեք պատասխան տալու առումով, այլև լուծելու համար պաշտպանական գերակայության խնդիրները, որոնք կարող են փոխվել: Նահապետյանի խոսքով` ոչ միայն արդիական միջոցների ձեռքբերումն է կարևոր, այլև անձնակազմի կողմից դրանց տիրապետումը, հույս հայտնեց, որ բյուջետային միջոցները բավարար են այդ ամենի համար:
Հանձնաժողովի նախագահի կարծիքով` շարունակում է կարևոր խնդիր մնալ հայրենական ռազմարդյունաբերական համալիրի կայացումը, ինչի մասին արձանագրված է կառավարության ծրագրում: Նա ցավով նշեց, որ 2019թ. համար պետբյուջեով նախատեսված չեն գիտական և գիտատեխնիկական նպատակային հետազոտություն իրականացնելու բավարար միջոցներ: Նահապետյանն ասաց, որ նորացված քաղաքականություն է պետք հայրենական ռազմարդյունաբերական համալիրի կայացման և զարգացման ուղղությամբ, առաջին հերթին` մասնավոր ոլորտի խրախուսում, պետության կողմից ֆինանսական աջակցության ձևերի հստակեցում, հարկային արտոնությունների նախատեսում, ձևավորել մոդել, համակարգ, որ ոչ միայն ուրախանանք հաջողություններով, այլև կարողանանք այս ոլորտում ռազմավարական խնդիրներ լուծել:
Նահապետյանը նշեց, որ դեռ անորոշ է մնում սպաների բնակարանային ապահովության խնդիրը, չնայած առկա են օրենսդրական համապատասխան հիմքեր, այդուհանդերձ, բյուջեում բացակայում են այս հարցում կառավարության հստակ տեսլականը, իրականացվող քաղաքականությունը: Հանձնաժողովի նախագահի գնահատմամբ` քննարկված ուղղություններով բյուջետային միջոցների ավելացումները դրական ազդեցություն են ունենալու երկրի ռազմական կարիքները ապահովելու համար: Նահապետյանը նշեց, որ անհրաժեշտ է լրացուցիչ միջոցառումներ իրականացնել այս ոլորտում կոռուպցիոն ռիսկերի կանխարգելման ու նվազեցման ուղղությամբ` ներքին և արտաքին արդյունավետ վերահսկողության մեխանիզմների իրացման տեսակետից:
23:59 14.05.2025
20 տարվա դադարից հետո՝ մետրոպոլիտենում փոխարինվել են անվտանգության համար կենսական նշանակություն ունեցող համակարգերԵրևանի մետրոպոլիտենում իրականացվել են արդիականացման աշխատանքներ, որոնք առաջին հայացքից տեսանելի չեն, բայց առանցքային են յուրաքանչյուր երևանցու անվտանգության համար։ Այս մասին Ֆեյսբուքի իր էջում գրել Երևանի քաղաքապետ Տիգրան Ավինյանը: «Առաջին անգամ 20 տարվա ընթացքում փոխարինվել են սլաքային փոխադրիչները՝ այն համակարգերը, որոնք ապահովում են գնացքների անվտանգ անցումը մեկ գծից մյուսը։Դրանց անխափան աշխատանքից է կախված մետրոպոլիտենի հուսալի և […] ...
23:58 14.05.2025
Իրավիճակը Հայաստանի ճանապարհներին և ԼարսումՓրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:46 14.05.2025
ԱՄՆ ֆինանսների նախարարությունը սկսել է Սիրիայի նկատմամբ պատժամիջոցների չեղարկման գործընթացըՄիացյալ Նահանգները սկսել է հանել Սիրիայի դեմ սահմանված պատժամիջոցները, այս մասին X-ի իր միկրոբլոգում հայտարարել է երկրի ֆինանսների նախարար Սքոթ Բեսենթը։ «ԱՄՆ ֆինանսների նախարարությունը քայլեր է ձեռնարկում պատժամիջոցները մեղմելու ուղղությամբ՝ Սիրիան կայունացնելու և խաղաղության հասնելու համար», – գրել է ԱՄՆ ֆինանսների նախարարության ղեկավարը։ Մայիսի 13-ին ԱՄՆ նախագահ Դոնալդ Թրամփը հայտարարել է Սիրիայի նկատմամբ սահմանված պատժամիջոցները […] ...
23:34 14.05.2025
Վարչապետը տիկնոջ հետ ներկա է գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգինՎարչապետ Նիկոլ Փաշինյանը տիկնոջ՝ Աննա Հակոբյանի հետ, և Հայաստանի Հանրապետության նախագահ Վահագն Խաչատուրյանը ներկա են գտնվել Հայաստանի ազգային ֆիլհարմոնիկ նվագախմբի 100-ամյակին նվիրված համերգին, որով բացվել է հոբելյանական համերգների շարքը։ Համերգի հատուկ հյուրն է եղել աշխարհահռչկա դաշնակահար Յուջա Վանգը. նա հանդես է եկել Էդուարդ Թոփչյանի ղեկավարությամբ: Տարվա ընթացքում նախատեսվում են համերգներ այլ հռչակավոր երաժիշտ կատարողների և […] ...
23:27 14.05.2025
Վարչապետն ընդունել է ՀՀ պետական մրցանակակիր Յոշիակի Դեյմոն ՀագիվարայինՎարչապետ Նիկոլ Փաշինյանն ընդունել է AIPLAB կոնսորցիումի հիմնադիր, Արհեստական բանականության գործընկեր համակարգի LOCOMTEC AIPS լաբորատորիայի նախագահ Յոշիակի Դեյմոն Հագիվարային, ով Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակակիրն է: Վարչապետը բարձր է գնահատել Յոշիակի Դեյմոն Հագիվարայի ներդրումը բարձր տեխնոլոգիաների ոլորտի զարգացման գործում և նշել, որ նա իր գործունեությամբ օրինակ է ոլորտում գործունեություն ծավալելու […] ...
23:18 14.05.2025
Երևանի թիվ 175 դպրոցի մարզադահլիճը կհիմնանորոգվիԵրևանի Նուբարաշեն վարչական շրջանի թիվ 175 դպրոցի մարզադահլիճը, որը կառուցումից ի վեր չէր վերանորոգվել, Երևանի քաղաքապետարանի ծրագրով ընթացիկ տարում հիմնովին կվերանորոգվի։ Այս մասին հայտնել են Երևանի քաղաքապետարանից: Ֆիզկուլտուրայի դասերն այսօր անցկացվում են անմխիթար պայմաններում։ Ծրագիրը հնարավորություն կտա աշակերտների համար ապահովել ժամանակակից պայմաններ՝ ստեղծելով նոր ու հարմարավետ կրթական միջավայր: ...
