19:10 14.11.2018
Այսօր ԱԺ-կառավարություն հարցուպատասխանի ժամանակ «Ծառուկյան» խմբակցության պատգամավոր Լուիզա Սարգսյանը վարչապետի պաշտոնակատար Նիկոլ Փաշինյանից հետաքրքրվեց նրա «Չար տնակը» հեքիաթի մասին: Երեխաները կարծում են, որ այլաբանության լեզվով այդ հեքիաթում Դուք խոսում եք հեղափոխության մասին ու հետաքրքրվում են՝ Կուղբի կերպարը հեքիաթում ձե՞ր կերպարն է և չար տնակը ՀՀԿ-ն է, թե՞ ոչ՝ հետաքրքրվեց պատգամավորը:
«Ինչպե՞ս եք տեսնում այս հեքիաթի շարունակությունը և պատրաստվո՞ւմ եք ապագայում արդեն՝ որպես վարչապետ, մեր փոքրիկ ընթերցասերների համար հեքիաթներ գրել»,- հարցրեց Լուիզա Սարգսյանը:
Վարչապետի պաշտոնակատարը պատասխանեց, թե այդ հեքիաթը գրվել է փետրվար-մարտ ամիսներին և, այո՛, այդտեղ կան այլաբանություններ, դրանք շատ ուղղակի չեն, բայց կան նաև ուղղակի այլաբանություններ:
«Ավելի շատ ինստիտուցիոնալ այլաբանություններ կան, քան անձնական: Չար տնակը տվյալ դեպքում պայմանական ասած՝ կաբինետն է, որը հաճախ սովորություն ունի կլանել մարդկանց, ջնջել նրանց հիշողությունը, արժեզրկել նրանց արժեքները: Անկեղծ ասած՝ տվյալ դեպքում չար տնակ ասելով՝ ես նկատի եմ ունեցել ՀՀ ԱԺ-ն: Քանի որ ես այդ ժամանակ մտածում էի առաջիկա անելիքների մասին, ես մտածում էի, որ ԱԺ խմբակցության ղեկավարի աշխատասենյակը կերել է իմ հիշողությունը, ուտում է իմ արժեքները, ինձ շեղում է իմ քաղաքական առաքելությունից և ես ուրախ եմ, որ մենք կարողացանք այդ տնակի ճիրաններից դուրս պրծնել ու վերադառնալ այն առաքելությանը, որով ես սկսել եմ իմ քաղաքական գործունեությունը:
Վստահ եմ, որ ՀՀ վարչապետի կաբինետը այդպիսի դերակատարում չի ունենա: Այդ գիրքը միշտ իմ աշխատասեղանին դրված է նաև այն պատճառով, որ վարչապետի աշխատասենյակն ավելի հզոր չլինի, քան այն արժեքները, որոնց ես հավատում եմ ու այն արժեքները, որոնք ավելի կարևոր են այս կյանքում»,- ասաց Նիկոլ Փաշինյանը:
ԱԺ նախագահ Արա Բաբլոյանն արձագանքեց, ասաց՝ երբեք չէր պատկերացնի, որ խոսքը վերաբերում է ԱԺ-ին:
«Այս ԱԺ-ն իր վերջին նիստերն է անցկացնում, կարծում եք, որ կարողացա՞վ դասեր քաղել ու բարեփոխումներ իրականացնել, 6-րդ գումարման ԱԺ-ն ինչ-որ նշանակություն ունեցա՞վ մեր երկրի, մեր պատմության համար»,- հարցրեց ԱԺ նախագահը:
Փաշինյանը պատասխանեց, որ 6-րդ գումարման ԱԺ-ն պատմական է, և որ ուզում է իր գնահատանքը տալ ԱԺ բոլոր պատգամավորների, ԱԺ նախագահի վերաբերյալ:
Վարչապետն անկեղծացավ՝ հոկտեմբերի 2-ին, տեսնելով պաշարված ԱԺ-ն, նորից հիշել է իր այդ հեքիաթը:
11:15 05.08.2025
ՆԱՏՕ-ում ԱՄՆ մշտական ներկայացուցիչը խոսել է Ուկրաինային զենքի մատակարարման սահմանափակման մասինԶենքի քանակը, որը Ուկրաինան կարող է ստանալ Միացյալ Նահանգներից՝ Վաշինգտոնի եվրոպական դաշնակիցների միջոցով գնումների շրջանակներում, սահմանափակ է, հայտարարել է ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը։ «Այո, իհարկե, այն գոյություն ունի», – ասել է նա Bloomberg-ին տված հարցազրույցում, երբ հարցրել են, թե արդյոք կա սահմանափակում այն զենքի քանակի վերաբերյալ, որը Միացյալ Նահանգները պատրաստ է տրամադրել Կիևին։ […] ...
11:08 05.08.2025
Անձինք բժշկական կենտրոնից հափշտակել են վճարային տերմինալըՀՀ քննչական կոմիտեի Լոռու մարզային քննչական վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ 2025 թվականի հունիսի 21-ին երկու անձ խմբի կազմում ապօրինի մուտք գործելով Լոռու մարզում գտնվող բժշկական կենտրոն՝ վերցրել են վճարային տերմինալը՝ 447 հզր 700 ՀՀ դրամ գումարով և դուրս եկել հիվանդանոցից: Հերթապահ բուժքույրը նրանց հետևից […] ...
11:02 05.08.2025
Փոքր Մանթաշ գյուղում հայտնաբերվել է կանեփի 211 թուփՀամայնքային ոստիկանության Արթիկի բաժնի ծառայողները ստացել էին տեղեկություն, որ Փոքր Մանթաշ գյուղի բնակիչ 55-ամյա տղամարդը բակում աճեցրել է կանեփ: Արթիկի և Անիի քննչական բաժնում նախաձեռնվեց քրեական վարույթ, իսկ ոստիկանների տեղեկությունը ստուգվեց հուլիսի 29-ին: Զննությամբ 55-ամյա տղամարդու բակում հայտնաբերվեց կանեփի 211 ցողուն: Հանգամանքները նախաքննությամբ պարզվում են: ...
10:55 05.08.2025
ԵՄ-ն պատրաստվում է պատժամիջոցներ կիրառել Չինաստանի դեմ․ PoliticoԵՄ-ն պատրաստվում է պատժամիջոցներ կիրառել Չինաստանի դեմ՝ Ուկրաինայի հակամարտությանը ենթադրաբար աջակցելու համար, հաղորդում է Politico-ն՝ հղում անելով եվրոպացի դիվանագետի։ «Բրյուսելը պատրաստվում է պատժամիջոցներ կիրառել Չինաստանի դեմ ՝ Ուկրաինայում հակամարտությանն աջակցելու նրա դերի համար», – ասվում է հրապարակման մեջ։ ԵՄ դիվանագետը հրատարակությանը հայտնել է, որ Բրյուսելը կփորձի պատժամիջոցներ կիրառել օգոստոսից հետո։ ...
10:50 05.08.2025
Ինչպես դիմակայել շոգին․ ԱՆ խորհուրդներըԱյս օրերին օդի բարձր ջերմային ֆոնին, ուլտրամանուշակագույն ճառագայթման բացասական ազդեցությանը դիմակայելու, օրգանիզմի գերտաքացումը մեղմելու, կանխելու նպատակով Առողջապահության նախարարությունհը խորհուրդ է տալիս հետևել մի քանի պարզ կանոնի: Խուսափել արևի ուղիղ ճառագայթներից, հատկապես` ժամը 11:00-17:00-ի ժամակահատվածում: Կրել գլխարկ, արևային ակնոց, հովանոց, հագնել սպիտակ կամ բաց երանգների ազատ, օդաթափանց, ցանկալի է բամբակյա կտորից հագուստ: Օգտագործել SPF 50 և […] ...
10:43 05.08.2025
ՆԱՏՕ-ում ԱՄՆ մշտական ներկայացուցիչը պատժամիջոցները համարում է ուկրաինական հակամարտության կարգավորման «ակնհայտ քայլ»ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը կարծիք է հայտնել, որ ռուսական նավթի գնորդների նկատմամբ երկրորդական պատժամիջոցները «ակնհայտ քայլ» են ուկրաինական հակամարտությանը վերջ դնելու համար։ «Իհարկե, խնդրի համար մարտադաշտային լուծում չի կարող լինել. դիվանագիտությունը միակ լուծումն է։ Եվ նախագահ Թրամփը ստեղծում է պայմաններ, որպեսզի Ռուսաստանը նստի բանակցությունների սեղանի շուրջ», – ասել է նա Bloomberg-ին տված հարցազրույցում։ […] ...
