10:45 15.11.2018
Ազգային ժողովում առավոտյան խառնաշփոթ իրավիճակ է ստեղծվել: Առավոտյան դահլիճում գրանցվել է 45 պատգամավոր, ինչի արդյունքում քվորում չի ապահովվել, ու խորհրդարանը չի կարողացել սկսել լիագումար նիստի աշխատանքը: Հիշեցնենք, որ քվորում ապահովելու համար դահլիճում պետք է ներկա գտնվեն ու գրանցվեն առնվազն 53 պատգամավորներ:
Ազգային ժողովի նախագահ Արա Բաբլոյանը, սակայն, գործընկերներին առաջարկել է չհեռանալ դահլիճից ու նստած սպասել մյուսներին՝ հույս հայտնելով, որ իրենց կհաջողվի ապահովել անհրաժեշտ քվորումը:
Բաբլոյանն առաջարկել է նաև խմբակցությունների ղեկավարներին մինչ նիստը սկսելը քննարկել ու խորհրդարանի ղեկավարությանը ներկայացնել առաջարկներ, թե ինչպես պետք է լուծել դեկտեմբերի 3-ին մեկնարկող հերթական քառօրյայի բացակաների խնդիրը:
Բանն այն է, որ ԱԺ կանոնակարգ օրենքի պահանջի համաձայն՝ նիստին չներկայացած պատգամավորը զրկվում է այդ օրվա աշխատավարձից: Բայց դեկտեմբերի 9-ին խորհրդարանական արտահերթ ընտրություններն են, ու բոլորին էլ հասկանալի է, որ ակտիվ քարոզարշավի մեջ գտնվող պատգամավորներից շատերն ուղղակի չեն կարող մասնակցել դեկտեմբերի 3-ի խորհրդարանական նիստերին:
Արա Բաբլոյանը հորդորել է խմբակցությունների ղեկավարներին ընդհանուր հայտարարի գալ ու անհրաժեշտության դեպքում հանդես գալ համատեղ հայտարարությամբ, որ դեկտեմբերի 3-ի նիստին չմասնակցողներն օբյեկտիվ պատճառներով չեն կարող մասնակցել ու, ըստ այդմ, չեն զրկվի աշխատավարձից:
Արա Բաբլոյանը նաև առաջարկել է խորհրդարանի քարտուղարությանը ֆիքսել, թե այսօրվա նիստին ովքեր են ներկա գտնվել՝ հայտարարելով, որ նրանք արժանի են պարգևատրման:
Մոտ 20 րոպե դահլիճում սպասելուց հետո խորհրդարանին հաջողվել է գրանցել անհրաժեշտ 53 պատգամավորների ու մեկնարկել նիստը:
12:05 15.05.2025
Քննարկվել են ԿԳՄՍ ոլորտներում Եթովպիայի հետ համագործակցության հնարավորություններըՄեկնարկել է ԿԳՄՍ նախարարի տեղակալ Արթուր Մարտիրոսյանի գլխավորած պատվիրակության այցը Եթովպիայի Դաշնային Ժողովրդավարական Հանրապետություն։ Այցի շրջանակում պատվիրակությունը նախ հանդիպել է Եթովպիայի կրթության նախարար, պրոֆեսոր Բերհանու Նեգայի հետ։ Արթուր Մարտիրոսյանը Եթովպիայի կրթության նախարարին է փոխանցել ԿԳՄՍ նախարար Ժաննա Անդրեասյանի ողջույնները և հրավերը՝ այցելելու Հայաստան։ Հանդիպման ընթացքում Բերհանու Նեգան նշել է, որ Հայաստանի և Եթովպիայի միջև հարաբերությունները […] ...
11:45 15.05.2025
Օպերատիվ իրավիճակը հանրապետությունում մայիսի 14-15-ըԲացահայտվել է 131 հանցագործություն, որոնցից 5-ը՝ նախկինում կատարված: Մասնավորապես՝ 32 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 17 դեպք՝ թմրանյութի հայտնաբերման, 11 դեպք՝ խարդախության,10 դեպք՝ ֆիզիկական ներգործության, 8 դեպք՝ անձնական ունեցվածքի գողության, 6 դեպք՝ մարմնական վնասվածք պատճառելու, 3-ական դեպք՝ հոգեկան ներգործության, վստահված գույքի […] ...
11:37 15.05.2025
«Բայերի» կիսապաշտպան Ֆլորիան Վիրցը կարող է կարիերան շարունակել «Մանչեսթեր Սիթիում»«Բայերի» կիսապաշտպան Ֆլորիան Վիրցը կարող է կարիերան շարունակել «Մանչեսթեր Սիթիում», հաղորդում է Kicker-ը։ Լևերկուզենյան թիմը նախընտրում է ֆուտբոլիստի տրանսֆերային իրավունքը վաճառել «Մանչեսթեր Սիթիին», ոչ թե «Բավարիային»։ «Բայերը» վստահ է, որ անգլիական ակումբը Վիրցի տեղափոխության համար շատ ավելի հեշտ կվճարի պահանջվող 150 միլիոն եվրոն, քան «Բավարիան», որը նույնպես հետաքրքրված է 22-ամյա կիսապաշտպանի ծառայություններով և հուսով է […] ...
11:25 15.05.2025
Կատարվել են Մայր Աթոռ Սուրբ Էջմիածնի միաբանների նոր նշանակումներՆ.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ կատարվել են Մայր Աթոռ Սուրբ Էջմիածնի միաբանների նոր նշանակումներ։ Հոգեշնորհ Տ. Ռուբեն վարդապետ Զարգարյանը սույն թվականի մայիսի 15-ից նշանակվել է Մայր Աթոռ Սուրբ Էջմիածնի Եկեղեցական հայեցակարգային բաժնի տնօրեն՝ ազատվելով Քրեակատարողական հիմնարկների հոգևոր տեսչի պարտականություններից: Հոգեշնորհ Տ․ Իսահակ վարդապետ Պողոսյանը սույն թվականի մայիսի 15-ից նշանակվել […] ...
11:14 15.05.2025
Դպրաբակ բնակավայրում գործարկվելու է էլեկտրական շչակՄայիսի 16-ին՝ ժամը 12:00-ին, Գեղարքունիքի մարզի Ճամբարակ համայնքի Դպրաբակ բնակավայրում անցկացվելու է «Ազդարարում, տարհանում և պատսպարում» թեմայով գործնական վարժանք, որի ընթացքում՝ ժամը 13:30-ից մինչև 14:30-ն ընկած ժամանակահատվածում, գործարկվելու է էլեկտրական շչակ։ ...
