13:55 20.11.2018
ՀՀ վարչապետի պաշտոնակատար Նիկոլ Փաշինյանը նոյեմբերի 20-ին լրագրողների հետ հանդիպմանն անդրադարձավ հարցին, թե ինչո՞ւ իր իշխանության օրոք տնտեսական ակտիվության ցուցանիշի աճ չի գրանցվել:
«Շատ երկար ժամանակ տնտեսական ակտիվության ցուցանիշների մասին խոսելիս ասում էինք, որ նկարված թվեր են: Ինչո՞ւ չկարողացանք պահպանել տնտեսական ակտիվության այդ ցուցանիշը, որովհետև այն կազմված էր բուքմեյքերների գրասենյակներում արված «ստավկա»-ներից, որը մեր ժողովրդի մի զգալի մասին տոկոսի տակ է դրել, հաջորդն Ամուլսարի ներդրումն էր, մյուսը Թեղուտն էր: Այսօր տնտեսության մեջ առողջացման գործընթաց է կատարվում, խաղադրույքայինից անցնում ենք արդյունաբերական տնտեսության: Մենք չենք թողնելու, որ նկարվող թվերով տնտեսություն ունենանք, բուքմեյքերական համաճարակի դեմ պայքարելու ենք»,- ասաց նա:
Փաշինյանը շեշտեց` գյուղատնտեսությունը, հանքարդյունաբերությունը, բուքմեյքերական գրասենյակները մեր տնտեսության հենասյուներն են, իսկ այս տնտեսությամբ ոչ մի հարց չի լուծվի: Կառավարության ղեկավարի խոսքով` այս տնտեսությամբ եկել, հասել ենք ճգնաժամի, ընդ որում`գյուղատնտեսությունն այնպիսին է, որ կարկուտը եկավ, տեղական ակտիվության ցուցանիշը կնվազի, չեկավ` կավելանա:
«Սա եթե երկու դար առաջ լիներ, կհասկանայի, բայց 21-րդ դարում մենք կախված ենք այն բանից, թե` կարկուտը կգա՞, թե՞ չի գա, ընդ որում` միլիոնավոր դոլարներ ենք ծախսել Հայաստանում հակակարկտային ցանց ստեղծելու համար, հետո պարզել ենք, որ արդյունավետ չէ, էլի միլիոնավոր դոլարներ ենք ծախսել հրթիռային համակարգ բերելու, այդ ընթացքում պարզվել է, որ` չէ, արդյունավետ էր, սխալ էին կիրառում: Մենք չենք պատրաստվում ժողովրդին տոկոսի տակ գցել, Հայաստանը դարձնելու ենք արդյունաբերական-արտահանող երկիր, որը ոչ թե հումք է արտահանում, այլ պատրաստի արտադրանք»,- նշեց Փաշինյանը:
Կառավարության ղեկավարը հայտնեց, որ Սևանի շաքարի գործարանի վերագործարկում է նախատեսվում, առաջիկայում Հայաստանում նախատեսվում է նաև բացել կենցաղային տեխնիկայի արտադրության գործարան:
23:59 16.06.2025
Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածըՄ-2 միջպետական ճանապարհի՝ Ելփին բնակավայրի հարակից հատվածում հիմնանորոգվում է 6.4կմ երկարությամբ ճանապարհահատվածը։ Այս մասին հայտնել են «Ճանապարհային դեպարտամենտ» հիմնադրամից: Մանրամասները՝ տեսանյութում: ...
23:55 16.06.2025
Tasnim. Իրանը հրթիռների նոր ալիք է արձակել Իսրայելի ուղղությամբԻրանի զինված ուժերը սկսել են նոր հրթիռային հարվածներ հասցնել Իսրայելում գտնվող թիրախներին, հաղորդում է իրանական Tasnim լրատվական գործակալությունը։ Հրեական պետության ուղղությամբ արձակված հրթիռների ճշգրիտ թիվը չի նշվում։ ...
23:49 16.06.2025
Սա գիտակրթական ներուժի զարգացման կարևոր քայլ է․ Տիգրան ԱվինյանԵրևանի քաղաքապետ Տիգրան Ավինյանը Ֆոյսբուքի իր էջում գրել է. «Որպես Հայաստանի ազգային պոլիտեխնիկական համալսարանի Հոգաբարձուների խորհրդի նախագահ՝ ցանկանում եմ կիսվել մի կարևոր նախաձեռնությամբ։ ՀԱՊՀ-ում հիմնադրվել է «Ինտեգրալ սխեմաների նախագծման և մոդելավորման ուսումնական ու գիտահետազոտական լաբորատորիա»։ Պարզեցված ձևակերպմամբ՝ սա լաբորատոր միջավայր է, որտեղ կիրականացվի միկրոչիպերի և էլեկտրոնային համակարգերի նախագծում և փորձարկում՝ ժամանակակից ծրագրային ապահովման, բարձր ճշգրտությամբ […] ...
23:44 16.06.2025
Ավան վարչական շրջանում շարունակվում են բարեկարգման աշխատանքներըԱվան վարչական շրջանում շարունակվում են բարեկարգման աշխատանքները։ Այս մասին հայտնել են Երևանի քաղաքապետարանից: 2025-ին նախատեսվում է կառուցել և բարեկարգել 12 բակային տարածք՝ ավանցիների համար ստեղծելով ավելի հարմարավետ ու կանաչ միջավայր։ Մանրամասները՝ տեսանյութում: ...
23:37 16.06.2025
Ագրոօդերևութաբանական տեղեկատվություն. հունիսի 9-15-ըՀանրապետությունում շարունակվել է գյուղատնտեսական մշակաբույսերի աճն ու զարգացումը։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Հովտային շրջաններում սկսվել է ծիրանի հասունացումը և շաքարանյութի կուտակումը, կատարվել է ընտրովի բերքահավաք։ ՀԱշնանացան ցորենը շարունակել է գտնվել կաթնային հասունացման փուլում։ Բանջարանոցային մշակաբույսերի մոտ սկսվել է ծաղիկների թառամումը։ Նախալեռնային և լեռնային շրջաններում շարունակվել է պտղատուների պտղի ձևավորումը, կարտոֆիլի […] ...
23:30 16.06.2025
Աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիրԼոնդոնում անցկացված 2025 թվականի աշխարհի արագ շախմատի թիմային առաջնությունում հայ գրոսմայստեր Հայկ Մարտիրոսյանի մասնակցությամբ «Freedom» թիմը դարձավ բրոնզե մեդալակիր: Այս մասին հայտնել են Հայաստանի շախմատի ֆեդերացիայից։ Թիմի անդամներն են. Վիշվանաթան Անանդ (Հնդկաստան) Լե Քուանգ Լիեմ (Վիետնամ) Սամուել Սևյան (ԱՄՆ) Ռաուֆ Մամեդով (Ադրբեջան) Հայկ Մարտիրոսյան (Հայաստան) Ալեքսեյ Սարանա (Սերբիա) Աննա Մուզիչուկ (Ուկրաինա) Թեոդորա Ինյաց (Սերբիա) Սարբարթո […] ...
