03 05 2024

$

387.32
4.23
€

416.10

+13.09 ^oC

Շիրակի մարզում ականային վտանգը պայմանավորված է ռուսական ռազմաբազայի տեղակայմամբ. քննարկում Վահրամաբերդում

ՀԱՅԱՍՏԱՆ

14:10 28.11.2018

Շիրակի մարզում ականապատ տարածքներ չկան, բայց ականային վտանգներն առկա են: Սա Գյումրիում ռուսական 102-րդ ռազմաբազայի տեղակայմամբ է պայմանավորված, նաև Շիրակի մարզում է գտնվում «Կամխուտ» զինավարժարանը: Ռուսական զորամիավորումն այստեղ ոչ միայն զինավարժանքներ է իրականացնում, նաև ժամկետանց զինամթերք է ոչնչացնում: Զորավարժարանը հարակից է Ախուրյանի տարածաշրջանի 6 գյուղի: Այդ տարածքում 2013 թվականին ականի պայթյունի հետևանքով Վահրամաբերդ գյուղից 2 երեխա մահացավ։ Վտանգներն ու դրանց հետևանքներն են գյուղերի վարչական ղեկավարները ներկայացրել Վահրամաբերդի մշակույթի տանը հումանիտար ականազերծման փորձագիտական կենտրոնի ներկայացուցիչների և ռուսական 102-րդ ռազմաբազայի հրամանատարության հետ հանդիպման ժամանակ:

102-րդ ռազմաբազայի «Կամխուտ» զորավարժարանի շուրջ 700 հեկտար տարածքը հարակից է Մարմաշեն, Հովունի, Վահրամաբերդ, Առափի, Կապս և Մայիսյան գյուղերին, որոնց բնակիչների համար կրակոցների ու պայթյունների ձայները սովորական են դարձել:

Ներկայումս փորձագետների խնդիրն է երեխաներին զգուշացնել, որ դաշտում անծանոթ առարկաներ տեսնելիս դրանց ձեռք չտան:

Համայնքների դպրոցականների հետ իրազեկման աշխատանքներն ականազերծման փորձագիտական կենտրոնը տանում է ֆիլմերի միջոցով, իսկ հարակից գյուղերի բնակիչների պահանջը հետևյալն էր՝ զինավարժանքներից հետո տարածքը մաքրել չպայթած զինամթերքից, ինչը դեպքից հետո մի քանի ամիս արվել է, բայց հետո այդպես էլ շարունակում է մնալ տարածքում:

Գյումրիի 102-րդ ռազմաբազայի հրամանատարի տեղակալ Ալեքսեյ Նաումենկոն էլ նշում է, թե զինամթերքը, ականները, արկերը հենց այնպես թափված չեն զորավարժարանում՝ լինում է, որ պայթուցիչի չաշխատելու պատճառով արկը չի պայթում: Իրենց ինժեներային աշխատակազմը դրանք ոչնչացնում է, բայց կան բնակիչներ, որոնք դեռ աշխատանքները չավարտած, տարածք են մուտք գործում՝ դրանք որպես մետաղի ջարդոն հավաքելու համար, իրենց ձեռքն են վերցնում ու կարող են վերջույթներից զրկվել։

Զորավարժարանի տարածք մուտքն արգելված է, այդ մասին կան նաև գրություններով զգուշացումներ: Գյուղացիներն արգելքն անտեսում են, մտնում տարածք և այն օգտագործում որպես արոտավայր: Վահրամաբերդցիները պատճառաբանում են, թե գյուղն արոտավայր չունի: Մոտ 240 հա տարածքը նախկինում գյուղի արոտավայրն է եղել, գյուղացիներն էլ գաղտագողի են անասուններն արածեցնում, իսկ ռազմաբազայի հրամանատարի տեղակալը զգուշացնում է ու խնդրում մարդկանց, որ արգելեն երեխաների մուտքը:

Համայնքների վարչական ղեկավարները, դպրոցների տնօրեններն ու զինղեկները խոսեցին նաև այն խնդիրներից, որոնք առաջանում են վարժանքների հետևանքով: Տանկերը հեկտարներով ցանքատարածքներ են վնասում, գյուղացիներն էլ դրա պատճառով ցանք չեն անում ու հրաժարվում հողի հարկի վճարել:

Կապսում հին զինամթերքի ոչնչացման հետևանքով դպրոցի շենքը վթարային է դարձել: 20 տարի շարունակ համայնքների բարձրացրած հարցերին 102-րդ ռազմաբազայի հրամանատարի տեղակալը խոստացավ լուծում տալ:

Կարինե Կազարովա

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 03.05.2024
Բորելը հայտարարել է, որ Ուկրաինան կապիտուլյացիայի կենթարկվի երկու շաբաթից՝ առանց Արևմուտքից զենքի մատակարարման

Կապակցված լուրեր

21:44 03.05.2024

ԱՄՆ Պետքարտուղարության զեկույցում անդրադարձ է կատարվել ՀՀ Մարդու իրավունքների պաշտպանի գործունեությանը

ԱՄՆ պետքարտուղարության Ժողովրդավարության, մարդու իրավունքների ու աշխատանքի բյուրոյի կողմից ապրիլի 22-ին հրապարակվել է 2023 թվականին Հայաստանում մարդու իրավունքների վիճակը ներկայացնող զեկույցը, որում անդրադարձ է կատարվել 2023 թվականին Հայաստանում մարդու իրավունքների վիճակին՝ ընդգծելով մարտահրավերներն ու զարգացումները: Զեկույցում անդրադարձ է կատարվել Լեռնային Ղարաբաղի նկատմամբ լիարժեք վերահսկողություն ձեռք բերելու նպատակով Ադրբեջանի կողմից իրականացված ռազմական գործողություններից հետո սեպտեմբերի 24-ից […] ...

19:18 03.05.2024

Վարչապետի գլխավորությամբ քննարկվել են ջրային ոլորտում առկա խնդիրներն ու դրանց լուծման քայլերը

Վարչապետ Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն, որի ընթացքում քննարկվել են ջրային ոլորտի խնդիրները: Մասնավորապես, անդրադարձ է կատարվել ջրային ոլորտի բաշխվածությանը, իրականացվող քաղաքականությանը, Սևանա լճին, Արարատյան արտեզյան ավազանին առնչվող հարցերին, ջրային ռեսուրսների պաշտպանությանը, խմելու և ոռոգման ջրի մատակարարումների հետ կապված խնդիրներին: Ծավալվել է մտքերի շահագրգիռ փոխանակություն, ներկայացվել են առկա խնդիրների հետ կապված տարբեր […] ...

19:12 03.05.2024

Արարատ Միրզոյանը հեռախոսազրույց է ունեցել Մալթայի ԱԳ նախարարի հետ

Մայիսի 3-ին ՀՀ արտաքին գործերի նախարար Արարատ Միրզոյանը հեռախոսազրույց է ունեցել Մալթայի Հանրապետության արտաքին գործերի, Եվրոպայի հարցերի և առևտրի նախարար Իեն Բորջի հետ: Զրուցակիցները քննարկել են ԵԱՀԿ գործունեությանն ու կազմակերպության շրջանակներում Մալթայի նախագահությանն առնչվող հարցեր։ Հայաստանի և Մալթայի ԱԳ նախարարներն անդրադարձել են տարածաշրջանային հարցերի։ Արարատ Միրզոյանը գործընկերոջն է ներկայացրել Հայաստանի ու Ադրբեջանի միջև հարաբերությունների կարգավորման […] ...

19:07 03.05.2024

ԱԺ Հայաստան-ԱՄՆ բարեկամական խմբի անդամները հանդիպել են «Freedom House»-ի միջազգային ծրագրերի ներկայացուցիչներին

ՀՀ ԱԺ Հայաստան-ԱՄՆ բարեկամական խմբի անդամները Վաշինգտոնում հանդիպել են «Freedom House»-ի միջազգային ծրագրերի փոխնախագահ Ջերարդո Բերտին, Եվրոպայի եւ Եվրասիայի ծրագրերի փոխտնօրեն Սոֆյա Օրլոսկիին, Քաղաքականության եւ շահերի պաշտպանության հարցերով փոխտնօրեն, Եվրոպայի եւ Եվրասիայի տարածաշրջանի հանուն ժողովրդավարության գագաթնաժողովի համակարգող Քեթի Լարոկին, հետազոտական ավագ վերլուծաբան Մայք Սմելցերին: Քննարկվել են Հայաստանում ժողովրդավարական բարեփոխումների ընթացքը, մարդու իրավունքների, մամուլի եւ ինտերնետի […] ...

18:20 03.05.2024

ՌԴ-ն կասկածի տակ չի դնում Հայաստանի սուվերեն իրավունքը. Զախարովան անդրադարձել է ՀԱՊԿ-ից ՀՀ-ի դուրս գալու հավանականության հարցին

Ռուսաստանի Դաշնությունը կասկածի տակ չի դնում Հայաստանի Հանրապետության սուվերեն իրավունքը՝ ընտրելու իր արտաքին քաղաքական կուրսը՝ ՀԱՊԿ-ում հետագա աշխատանքների համատեքստում: «Արմենպրես»-ի թղթակցի հաղորդմամբ` այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով կազմակերպությունից Հայաստանի հնարավոր դուրս գալուն։ «Որքան մեզ հայտնի է, չնայած կազմակերպության հասցեին անընդհատ հասցեագրվող մեղադրանքներին, անդամակցությանը վերաբերող այլ քայլեր մեր […] ...

18:05 03.05.2024

Կիրանց բնակավայրից 2500 մ հյուսիս տեղի է ունենալու պայթեցման աշխատանք. ՊՆ

Այսօր՝ ժամը 18:20-ին, Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք՝ 1 (մեկ) պայթյուն: «Հարակից հատվածի բնակչությանը խնդրում ենք ընդունել ի գիտություն և խուճապի չմատնվել»,-ասվում է ՀՀ պաշտպանության նախարարության հաղորդագրությունում: ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.