15:19 04.12.2018
«Բոլորդ գիտեք, որ ես հրապարակայնորեն ներկայիս իշխանություններին մեղադրել եմ մի բանում, որ այն քաղաքականությունը, որ վարում են, հիմնված է «Իշխանություն՝ Արցախի փոխարեն» բանաձևի վրա: Կներկայացնեմ որոշ ապացույցներ, որ ներկայիս վարչախումբն իրականացնում է այդ քաղաքականությունը»,- դեկտեմբերի 4-ին կայացած ասուլիսի ժամանակ ասաց ՀՀԿ համամասնական ցուցակով առաջադրված Դավիթ Շահնազարյանը:
Նա ներկայացրեց լուսանկարներ, որոնցով փորձեց ապացուցել, որ Ադրբեջանը պատրաստվում է պատերազմի, իսկ հայկական կողմը վարում է «Կարգավիճակ՝ տարածքների դիմաց» քաղաքականությունը: Նրա խոսքերով՝ դեռևս մայիսից փորձ էր արվել ինչ-որ բլուրներ կառուցել Ադրբեջան-Արցախ շփման գծում, բայց անընդհատ արգելափակող կրակով այդ շինարարական աշխատանքները դադարեցվում էին: Հիմա արդեն այդ բլուրները կառուցվել են։
«Ի՞նչ բլուրներ են դրանք: Շփման գծից 1300-1700 մետր հեռավորության վրա, իրարից մինչև 5 կմ հեռու և փաստացի ամբողջ շփման գծի երկայնքով: Սեպտեմբերի 27-ից հետո մեծ թափով իրականացվում են այդ շինարարական աշխատանքները, բլուրների մի մասն արդեն պատրաստ է, մյուս մասում շինաշխատանքներ են: Ավելի մեծ խտություն կա այնտեղ, որտեղ ռելիեֆը հարթավայրային է, այսինքն՝ զրահատեխնիկայի համար շատ վտանգավոր է հարձակման մասով: Բլուրների բարձրությունը 11-15մ է»,- ասաց Դավիթ Շահնազարյանը:
Առաջին օրվանից Փաշինյանը բաժանում է մեր հասարակությունը սևի ու սպիտակների, իր, այսպես կոչված՝ հեղափոխությունն ընդունողների և չընդունողների, բայց այս քաղաքականության բացահայտումը պատահական չէր:
«Սասուն Միքայելյանի հայտարարությունը ծրագրված էր, ծրագրված էր փոխարտգործնախարարի հայտարարությունը Աշոտյանի հետ բանավեճում, որ կրկնեց Միքայելյանի ասածը և այն, որ վարչապետը կրծքով սկսեց պաշտպանել Սասուն Միքայելյանին: Արդյունքում հասարակության ինչ-որ մաս սկսեց պաշտպանել Միքայելյանին, այսինքն՝ հասարակության մի մասին պատրաստում է, որ ընդունել տա այն, ինչ ինքն արդեն իրականացնում է»,- ասաց Դավիթ Շահնազարյանը:
Դավիթ Շահնազարյանը ցույց է տվել նաև կառուցվող բլուրների լուսանկարներն ու ներկայացրել ռազմական փորձագետների կարծիքն այս մասին:
21:51 18.06.2025
Իրանն Իսրայելի ուղղությամբ առաջին անգամ արձակել է «Սաջիլ» երկաստիճան միջին հեռահարության բալիստիկ հրթիռԻսլամական հեղափոխության պահապանների կորպուսը (ԻՀՊԿ) հայտարարել է, որ Թեհրանը մարտական գործողությունների ընթացքում առաջին անգամ արձակել է «Սաջիլ» երկաստիճան միջին հեռահարության (2000կմ) բալիստիկ հրթիռ, հաղորդում է Tasnim լրատվական գործակալությունը։ Նշվում է, որ Իրանը Իսրայելի ուղղությամբ արձակել է երեք նմանատիպ հրթիռ։ Ավելի վաղ SHANTNEWS.am-ը հայտնել էր, որ Իրանի զինված ուժերը հրթիռներ են արձակել Իսրայելի ուղղությամբ: ...
21:45 18.06.2025
Կարեն Խաչանովի հաղթական մեկնարկը Հալե-ի ATP-500 մրցաշարումԳերմանական Հալեում ընթացող ATP-500 կարգի մրցաշարում Կարեն Խաչանովը հաղթանակի է հասել Զիզու Բերգսի նկատմամբ: Գրանցվել է 6:4, 6:3 հաշիվը: Աշխարհի 22-րդ ռակետը երկրորդ անգամ էր խաղում բելգիացու հետ և երկրորդ հաղթանակն է տարել։ 1/8 եզրափակչում Խաչանովը կմրցի աշխարհի 27-րդ ռակետ Ֆելիքս Օժյե Ալյասիմի հետ: Կանադացու հետ դիմակայությունների հաշիվն է՝ 1-2: Նրանք չէին հանդիպել 3 տարի: ...
21:41 18.06.2025
Հացահատիկային մշակաբույսերի բերքատվության կանխատեսում«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է հացահատիկային մշակաբույսերի բերքատվության կանխատեսումը: Մասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2025թ. հացահատիկային մշակաբույսերի միջին հանրապետական բերքատվությունը (ցողունակալման փուլում) 1 հեկտարից սպասվում է․ աշնանացան ցորեն` 18.5-19ց, գարնանացան գարի՝ 16ց։ ...
21:36 18.06.2025
Փաշինյան-Էրդողան հանդիպումից առաջ Ալիևը Հայաստանի հետ համաձայնագրի կնքման նոր նախապայմաններ է առաջ քաշումԲաքվում աշխատանքն է սկսել «Սևծովյան տնտեսական համագործակցության» կազմակերպության խորհրդարանական վեհաժողովի հերթական նստաշրջանը: Ինչպես և սպասվում էր, Ադրբեջանի իշխանությունները այդ հարթակը կրկին օգտագործել են հակահայկական հռետորաբանության ու քարոզչության համար: Ինչո՞ւ է Բաքվում անցնում ու արդյո՞ք Հայաստանի խորհրդարանը ներկայացված է պատվիրակությամբ: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Կազմակերպության 65-րդ նստաշրջանը 3 օր է տևելու Բաքվում: Այնտեղ […] ...
21:28 18.06.2025
Թենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունումԹենիսի Հայաստանի կանանց հավաքականը երկրորդ հաղթանակն է տարել Բիլի Ջին Քինգի գավաթի խաղարկությունում։ Եվրոպական գոտու երրորդ ենթախմբում հայ թենիսիստուհիները 2-1 հաշվով հաղթել են Անդորրայի թիմին։ Մենախաղում Ալինա Սողոմոնյանը 6-3, 6-1 հաշվով հաղթել է Յուդիթ Կարտանային, իսկ Անի Ամիրաղյանը 0-6, 1-6 հաշվով պարտվել է աշխարհի 135-րդ ռակետ Վիկտորյա Խիմենես-Կասինցևային։ Հայաստանի թիմը հաղթանակն ամրագրել է զուգախաղում։ Սողոմոնյան […] ...
