14:45 25.12.2018
Արցախի նախագահի մամուլի խոսնակ Դավիթ Բաբայանը, արձագանքելով Ադրբեջանի ԱԳ նախարար Էլմար Մամեդյարովի հնչեցրած վերջին հայտարարություններին, թե «Բաքուն պատրաստ է ապահովել արցախահայության անվտանգությունը և նրանց բարձր մակարդակի ինքնակառավարման իրավունք տրամադրել», նշեց հետևյալը.
«Այս հայտարարությանը մենք պետք է երկակի արձագանքենք, մեկը` կեսկատակ, այսինքն` շնորհակալություն հայտնենք պարոն Մամեդյարովին, որ Ամանորի նախաշեմին, Սուրբ ծննդյան տոների նախաշեմին այսպիսի նվեր է մատուցում Արցախի ժողովրդին, որին մենք այդքան սպասել ենք, մի քիչ նվերը, իհարկե, ոչ լիարժեք է, ոչ համապարփակ, նա պետք է նաև հայտարարեր, որ Ռամիլ Սաֆարովին կնշանակեն Արցախի մարզպետ, և դրանով մենք ավելի բավարարված կզգայինք մեզ և ավելի երջանիկ»:
Բաբայանն ընդգծեց` նման հայտարարություններում չի երևում, որ Ադրբեջանը որևէ ձևով վերանայում է իր ապակառուցողական, հայատյաց քաղաքականությունը, այսինքն` այս ամենը ևս մեկ անգամ ցույց է տալիս, որ պաշտոնական Բաքվի Ադրբեջանի իշխանությունների բուն նպատակը Արցախի ոչնչացումն է, ուրիշ ոչ մի բան:
«Սա ևս մեկ անգամ ցույց է տալիս, որ երկար ժամանակ է անհրաժեշտ լինելու, որ պաշտոնական Բաքուն վերանայի իր դիրքորոշումը, իսկ մինչ այդ, որպեսզի նման ցանկությունները մնան պարզապես ցանկություններ և Նոր տարվա «անակնկալներ», մենք պետք է միշտ պաշտպանենք մեր եռամիասնությունը, ամուր պահենք Հայաստան-Արցախ-Սփյուռք եռամիասնությունը, ամենաբարձր մակարդակով պահպանենք մեր ԶՈւ մարտունակության աստիճանը և վարենք ճիշտ արտաքին քաղաքականություն: Նշված ուղղություններում ճիշտ քաղաքականության շարունակությունը Ադրբեջանի այդ ցանկությունները կթողնի լոկ ցանկությունների տիրույթում»,- ասաց նա:
Հարցին` ո՞վ է այս հայտարարությունների սպառողը, հասցեատերը, Բաբայանը պատասխանեց, որ հայտարարություններն ուղղված են սեփական հանրությանը, միջազգային հանրությանը, և իհարկե, մեզ, այսինքն` հետաքրքիր բան է ստացվում, որ, փաստորեն, հանցավոր քաղաքականություն վարող երկիրը, այսինքն` հանցագործ երկիրը, անկեղծ է իր նպատակների մեջ:
«Սովորաբար հանցագործները քողարկում են, չէ՞, իրենց բուն նպատակները, փորձում են խաբել, խաբեբայությամբ դիմել սպանությունների, վատ բաների, նրանք ի սկզբանե անկեղծ են, ասում են` սա է մեր նպատակը: Այսպիսի պարադոքսներ լինում են, բայց դա այդպես է»,- նկատեց Բաբայանը:
15:00 25.05.2025
Արայիկ Հարությունյանը մասնակցում է Ծանրամարտի միջազգային ֆեդերացիայի համաժողովինՀայաստանի ծանրամարտի ֆեդերացիայի նախագահ Արայիկ Հարությունյանն ու ֆեդերացիայի գլխավոր քարտուղար Սամվել Գասպարյանը մասնակցում են Ծանրամարտի միջազգային ֆեդերացիայի համաժողովին, որի ընթացքում կայացել են IWF-ի նախագահի ընտրությունները: Այս մասին հայտնում են Հայաստանի ծանրամարտի ֆեդերացիայից: Ծանրամարտի միջազգային ֆեդերացիայի նախագահի պաշտոնում վերընտրվել է Մուհամադ Ջալուդը: ...
14:39 25.05.2025
Առաջիկա օրերի եղանակային կանխատեսումըՀանրապետության տարածքում մայիսի 25-ի ցերեկը, 27-ին կեսօրից հետո, 28-30-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում սպասվում է նաև կարկուտ։ Մայիսի 26-ին սպասվում է առանց տեղումների եղանակ։ Քամին՝ հյուսիս-արևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։ Օդի ջերմաստիճանն էապես չի փոխվի։ Երևան քաղաքում մայիսի […] ...
14:20 25.05.2025
Արեգակի վրա հզոր բռնկում է տեղի ունեցելԳիշերը Արեգակի վրա տեղի է ունեցել ամենաբարձր X դասի հզոր բռնկում, հաղորդում է Ռուսաստանի գիտությունների ակադեմիայի Տիեզերական հետազոտությունների ինստիտուտի Արևային աստղագիտության լաբորատորիան: Ավելի վաղ լաբորատորիայի ղեկավար Սերգեյ Բոգաչովը «ՌԻԱ Նովոստի»-ին հայտնել էր, որ մայիսի կեսերին Արեգակի վրա տեղի է ունեցել 2025 թվականի ամենահզոր բռնկումը՝ հասնելով X2,7 բալի։ ...
13:57 25.05.2025
Այրվել է «Mercedes-Benz» մակնիշի ավտոմեքենաՄայիսի 25-ին` ժամը 10:50-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վերին Կարմիրաղբյուր գյուղում այրվում է ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 11:16-ին, մարվել՝ 11:20-ին: Այրվել է «Mercedes-Benz» մակնիշի ավտոմեքենա: ...
13:25 25.05.2025
Գիշերային ստուգայցեր են իրականացվել Երևանի հեստապարային ակումբներումԵրևանի քաղաքապետարանի աշխատակազմի հասարակական կարգի պահպանության ծառայությունը գիշերային ստուգայցեր է իրականացրել Երևանի սահմանափակման ենթակա օբյեկտներում, մասնավորապես հեստապարային ակումբներում: Ստուգայցերի ընթացքում հայտնաբերվել են խախտումներ. զանցանք թույլ տված տնտեսվարող սուբյեկտների նկատմամբ կազմվել է թվով չորս արձանագրություն, իրականացվել է մեկ վարչական վարույթ: ...
12:57 25.05.2025
Սլովակիայի վարչապետը պաշտոնական այցով կժամանի ՀայաստանՄայիսի 25-27-ը պաշտոնական այցով Հայաստանի Հանրապետություն կժամանի Սլովակիայի Հանրապետության վարչապետ Ռոբերտ Ֆիցոն: Պաշտոնական այցի շրջանակում նախատեսված են հանդիպումներ ՀՀ վարչապետ Նիկոլ Փաշինյանի, Հանրապետության նախագահ Վահագն Խաչատուրյանի հետ: Ռոբերտ Ֆիցոն կայցելի Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Սլովակիայի վարչապետը կմասնակցի նաև «Երևանյան երկխոսություն-2025» միջազգային համաժողովին։ ...
