23:51 08.01.2019
Աշոցքում մեկնարկել է դահուկավազքի Հայաստանի առաջնությունը: Մրցաշարը համապետական է, բայց մասնակիցները միայն հանրապետության 3 համայնքներից են՝ Աշոցքից, Գյումրիից և Վանաձորից: Դահուկային սպորտը կորցրել է մասսայականությունը: Սա հաստատում են ոչ միայն ֆեդերացիայի պատասխանատուները, այլև մարզիչները: Տարիներ շարունակ մարզադպրոցներ են փակվել, վերջինն էլ անցած տարի՝ Կոտայքի մարզում: Հիմա փորձ է արվում վերականգնել ձմեռային սպորտաձևի ավանդույթները ոչ միայն հանրապետության ձնառատ շրջաններում:
«Հայկական Ֆինլանդիա»՝ այսպես է բնորոշում դահուկասպորտի միջազգային ֆեդերացիայի տեխնիկական պատվիրակ Գագիկ Սարգսյանը Աշոցքի տեղանքը: Բնակլիմայական պայմաններն այստեղ լավագույնն են, Հայաստանի ամենաձյունաշատ շրջանը հավակնում է դառնալ ձմեռային մարզաձևերի կենտրոն: Միջազգային ճանաչում ստացած նոր դահուկուղիներում արդեն 2-րդ անգամ է կազմակերպվում դահուկավազքի Հայաստանի առաջնությունը: Մրցումները եռօրյա են, առաջին օրը տղաները պետք է հաղթահարեին 10 կմ մրցավազքը, աղջիկները՝ 5 կմ: Եղանակն Աշոցքում անցած տարվա համեմատ ցուրտ է, ձնաբքով ուղեկցվող, ինչն էլ ազդեց մարզիկների արդյունքների վրա:
Միքայել Միքայելյանը Հայաստանի դահուկավազքի հավաքականի լավագույն մարզիկն է, նաև առաջնության այսօրվա հաղթողը: Անցած տարի 4 մեդալ է նվաճել միջազգային մրցաշարերում ու հավաքականին վարկանիշային բարձր միավորներ բերել: Միջազգային ճանաչում է ստացել նաև դահուկորդ Թադևոս Պողոսյանը, որը 2-րդն էր: Միքայելն ու Թադևոսը դահուկավազքի աշխարհի առաջնության ուղեգրեր են նվաճել: Այն կկայանա փետրվարին՝ Ավստրիայում: Մարզաձևի բոլոր առաջատարներն էլ Աշոցքից են, որտեղ անգամ մարզադպրոց չկա: Հանրապետական միակ մարզադպրոցը Գյումրիում է, որի մարզիկներն էլ ընթացող առաջնության հիմնական մասնակիցներն են: Բայց բարձր արդյունքներ ապահովել առաջին օրը չկարողացան: Մարզադպրոցի մարզիչ Սլավիկ Սարգսյանը սա համարում է պարապմունքների անհավասար պայմանների հետևանք: Ըստ նրա՝ Աշոցքի դահուկորդները 2 ամիս Ֆինլանդիայում պարապելու հնարավորություն են ունեցել, իսկ գյումրեցի մարզիկները սակավ ձյան պատճառով քիչ են մարզվել:
Ձյան սակավությունը, սակայն, ըստ մասնագետների, մարզումներին այնքան էլ չի խանգարում: Դահուկասպորտի ֆեդերացիան ծրագրել է ձմեռային այս մարզաձևը զարգացնել նաև հանրապետության այն տարածքներում, որտեղ ձյուն չկա: Այդ տարածքներից մեկն էլ Երևանն է, որտեղ մոտ 20 տարի առաջ է փակվել միակ մարզադպրոցը: Դահուկավազքի մասսայականացման ձեռնարկներից մեկն էլ լինելու է հաշմանդամություն ունեցող անձանց ներգրավումը դահուկային սպորտում: Ծրագիրն առաջինը Աշոցքում է մեկնարկելու: Հեռանկարում է նաև Աշոցքում ձմեռային տուրիզմը զարգացնելու նախաձեռնությունը:
00:00 02.05.2025
ՆԳՆ շրջիկ սպասարկման գրասենյակները մայիս ամսին կշարունակեն հանրային ծառայություններ մատուցել ՀՀ մարզերումՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով թե՛ միգրացիայի և քաղաքացիության ծառայության, թե՛ հաշվառման-քննական բաժինների ծառայություններ։ ՆԳ նախարարի հրամանի համաձայն՝ մայիս ամսին ծառայություններ կմատուցվեն հետևյալ բնակավայրերում․ մայիսի 2-ին ժամը 11։30-16։00 Կոտայքի մարզի Չարենցավան համայնքում (Կարեն Դեմիրճյան հրապարակ 1, Քաղաքապետարանի դիմաց), ժամը 11։30-16։00 Լոռու մարզի Ստեփանավան համայնքում (համայնքապետարանի տարածքում), մայիսի 12-ին Կոտայքի մարզի […] ...
23:58 01.05.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:56 01.05.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:51 01.05.2025
Պետդեպ. ԱՄՆ-Իրան բանակցությունների նոր փուլի ամսաթիվը և վայրը դեռևս որոշված չենԱՄՆ-Իրան բանակցությունների նոր փուլի ժամկետներն ու վայրը դեռևս որոշված չեն, սակայն Վաշինգտոնը ակնկալում է, որ այն տեղի կունենա մոտ ապագայում։ Այս մասին լրագրողների համար կազմակերպված հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «ԱՄՆ-ն չի հաստատել իր մասնակցությունը Իրանի հետ բանակցությունների չորրորդ փուլին, որը, որոշ տեղեկությունների համաձայն, պետք է տեղի ունենար շաբաթ […] ...
23:46 01.05.2025
Էկոպարեկային ծառայության Սյունիքի մարզային վարչության ծառայողներն իրականացնում են նաև կենսաբազմազանության մշտադիտարկման գործառույթներՇրջակա միջավայրի նախարարության Էկոպարեկային ծառայության Սյունիքի մարզային վարչության ծառայողները, իրենց ամենօրյա աշխատանքային պարտականությունների շրջանակում, իրականացնում են նաև կենսաբազմազանության մշտադիտարկման (մոնիթորինգի) գործառույթներ։ Այս աշխատանքը ներառում է Հայաստանի տարածքում հանդիպող բուսական և կենդանական աշխարհի, այդ թվում՝ կենսաբազմազանության բացառիկ և վտանգված տեսակների հայտնաբերումն ու փաստագրումը։ Մշտադիտարկման տվյալները ոչ միայն թույլ են տալիս արձանագրել բնապահպանական իրավախախտումներ, այլև նպաստում են […] ...
23:37 01.05.2025
Երևանը ջազ է լսումԵրևանի քաղաքապետարանի նախաձեռնությամբ, Ջազի միջազգային օրվա առթիվ, Գաֆեսճյան քանդակների պուրակում (Կասկադ) տեղի ունեցավ Ջազ երեկո, որի ընթացքում ելույթով հանդես եկան հայաստանյան լավագույն ջազային կատարողներն ու խմբերը՝ Հայաստանի պետական ջազային նվագախումբը, Լևոն Մալխասյանը, Արտո Թունջբոյաջյանը, Վահագն Հայրապետյանը, Հայկ Կարոն, Արտյոմ Մանուկյանը, Կարեն Մամիկոնյանը, Միքայել Ոսկանյանը, Ռաֆայել Պետրոսյանը, Տիգրան Սուչյանը, Արման Փեշտմաջյանը, Կարեն Գրիգորյանը, Ժաննա Դավթյանը, Արեգ […] ...
