18:21 15.01.2019
SHANTNEWS.am-ն արդեն հայտնել է, որ «Լույս» խմբակցության անդամ Թեհմինա Վարդանյանն այսօր՝ ավագանու նիստի ժամանակ, ասել է, որ քաղաքապետարանի դահլիճն էլ է որոշակի նմանվել քաղաքին և դարձել փոքր-ինչ թափթփված, անկարգ ու կանոն: Վարդանյանը հավելել է, որ կանոնակարգը չի պահվում ոչ միայն նիստի մեկնարկի ժամի հարցում, այլև հարցուպատասխանի, ելույթների ժամանակ:
«Լույս» խմբակցության անդամի այս ելույթից հետո նույն խմբակցության քարտուղար Անի Խաչատրյանն է օրակարգից շեղվել:
«Ճիշտ է, Թեհմինան քիչ առաջ օրակարգից չշեղվելու կոչ արեց, բայց ես հիմա կշեղվեմ օրակարգից, զեկուցողին հարց չեմ տա և կանդրադառնամ երկու օր առաջ եկած ձյան մաքրման աշխատանքներին»,- ասել է Խաչատրյանը:
Նրա խոսքը կիսատ է մնացել, քանի որ միջամտել է Երևան քաղաքի ավագանու ֆինանսավարկային և տնտեսական հարցերի մշտական հանձնաժողովի նախագահի տեղակալ, «Իմ քայլը» խմբակցության անդամ Լևոն Հովհաննիսյանը:
«Տեսեք, մի փոքր սյուրռեալիզմ է ստացվում՝ ձեր խմբակցության ներկայացուցիչը գալիս է, հարթակին մոտենում է, ասում՝ եկե՛ք, կարգը պահենք, բայց երբ հարցը գալիս է ինձ հարց տալուն, դուք ուզում եք այլ հարց տալ: Դուք պատկերացնում եք, չէ՞, թե ինչ աբսուրդ է: Ի դեպ, հարցը տալիս է այն մարդը, ով ամենաշատն է տեղից խոսում և արտահերթ: Մենք համաձայն ենք Թեհմինայի հետ և խնդրում ենք՝ առաջինը դուք էդ ամենը պահպանեք»,- ասել է Հովհաննիսյանը:
«Կարիք չկար սենց արձագանքելու, ընդամենը ուզում էի խոսել ձնամաքրման աշխատանքներից: Ուզում եմ ասել, որ ընդդիմությունը միայն նրա համար չի, որ խնդիրներն է բարձրաձայնում դահլիճում: Ես ուզում եմ փաստել, որ ձնամաքրման աշխատանքները, որը կատարել է այս իշխանությունը, ինձ համար գոնե վերջին տարիներին ամենալավ կատարված աշխատանքն է, որի համար շնորհակալություն, և պարո՛ն քաղաքապետ, կարծում եմ՝ առաջիկա ձյան ժամանակ նորից նույն տեմպով կշարունակենք աշխատել»,- արձագանքել է Անի Խաչատրյանը:
Նրա շնորհակալությունը համընդհանուր ծիծաղ է առաջացրել դահլիճում, ինչին էլ Խաչատրյանը արձագանքել է այսպես.
«Չարժե՞ր՝ խախտեի օրակարգը»:
«Շատ շնորհակալ եմ գնահատականի համար: Գիտեք, որ ես երկուշաբթի օրը շնորհակալություն եմ հայտնել ամբողջ անձնակազմին, իրապես, լավ աշխատանք էր կատարված: Ամբողջ անձնակազմին ևս մեկ անգամ շնորհակալություն եմ հայտնում և շնորհակալություն ձեզ գնահատականի համար»,- ասել է Հայկ Մարությանը:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
