15:00 17.01.2019
ԱԺ «Իմ քայլը» Նիկոլայ Բաղդասարյանը ԱԺ ամբիոնից արձագանքեց նախորդ ելույթներից մի քանիսին: Նա դիմեց մասնավորապես «Լուսավոր Հայաստան» խմբակցության ղեկավար Էդմոն Մարուքյանին:
«Մայրապետյանի գործով, որ ասում էր` ձեզ դատի են տվել, պետք է այդ գործը մարսեք, ասաց, որ դա նախաքննական մարմինների փնթիության արդյունքն էր, որ ՄԻԵԴ-ը կոմունիկացրել է: Ես որպես իրավաբան պարզաբանեմ, թե իրականում ինչի մասին էր խոսքը. եթե փաստաբանը դիմում է ՄԻԵԴ` միջնորդությամբ, որ դատարանը ոչ թե բովանդակային քննարկում ապահովի, այլ տվյալ անձի առողջության ու անվտանգության հարցերը, դատարանը, ստանալով դիմումը, հրատապ, եթե չեմ սխալվում, 10-օրյա ժամկետում, հաճախ անհապաղ, պետությանը գրություն է ուղարկում, որ պետությունը որոշակի հարցերի պատասխանի, սա նորմալ է, որ ՄԻԵԴ-ը արագ արձագանքել է այդ նամակին»,- ասաց նա:
Բաղդասարյանը նշեց, որ անհիմն են պետության` այս գործը «չմարսելու» մասին հայտարարությունները, մարսելու խնդիր չկա, պատգամավորի խոսքերով` պետությունը պետք է պատասխանի, թե արդյոք ՀՀ-ում կարո՞ղ են կազմակերպել տվյալ մեղադրյալի բուժօգնությունը, թե՞ ոչ, հետևաբար շեշտադրումը տեղին չէ: Նա խոսեց նաև նախաքննության մարմինների աշխատանքին ուղղված քննադատության մասին:
«Մենք ժառանգություն ենք ստացել քրեական դատավարության օրենսգիրքը և այդ քննիչներին, մեր քննչական մարմնում աշխատում են պրոֆեսիոնալ քննիչներ և ոչ պրոֆեսիոնալներ, որը պայմանավորված է ցածր վարձատրությամբ, օրենսգիրքը ժառանգություն է, դրա կիրառումը խնդիրներ է առաջացնում»,- ասաց նա:
Բաղդասարյանը հույս հայտնեց, որ իրենք դրան կանդրադառնան, թղթային տարբերակը կփոխարինվի էլեկտրոնայինով, սակայն շեշտեց` սլաքն ուղղել իշխանությանը տեղին չէր: Գաղտնալսումների մասին Մարուքյանի պատասխանը Բաղդասարյանը «պրիմիտիվ» համարեց, քանի որ նախաքննությունը գաղտնի է, մինչև գործը չգնա դատարան, տեղեկատվություն ստանալ չի կարելի, ապա նշեց, թե զարմանալի է, որ փաստաբանը նման հայտարարություն է անում:
«Փաստաբանների իրավունքների խախտման մասին ևս իրականությունը չի ներկայացվում, մենք մի քանի օր առաջ հարցը քննարկել ենք, առաջարկել ենք կազմել հայտարարության տեքստ, սպասում էինք Փաստաբանների պալատի ղեկավարության արձագանքին: Քրեական օրենսգիրքը նախատեսում է քրեական պատասխանատվություն փաստաբանին վիրավորանք հասցնելու համար, խոսքը արդարադատություն իրականացնելիս դատավորին, դատախազին, քրգործով ներգրավված պաշտպանին վիրավորանք հասցնելու մասին է, այսինքն` երբ նա հանդես է գալիս որպես դատավարության կողմ, ուստի ևս մեկ անգամ կարիք չկա շեշտադրել, հոդված ավելացնել»,- ասաց նա:
Բաղդասարյանը պատասխան հարցով դիմեց Մարուքյանին` հետաքրքրվելով, թե ինչու, օրինակ, բժիշկին, լրագրողներին վիրավորելու համար հանցակազմ չեն նախատեսում:
23:59 15.06.2025
ԵՄ-ն կոչ է արել թույլ չտալ Իրանին միջուկային զենք ձեռք բերելԵՄ արտաքին գործերի նախարար Կայա Կալասը հայտարարել է ԵՄ դիրքորոշումը, որ Իրանին չպետք է թույլատրվի ձեռք բերել միջուկային զենք: «ԵՄ-ն ուշադիր հետևում է Մերձավոր Արևելքում տիրող իրավիճակին և իր խորը մտահոգությունն է հայտնում վտանգավոր սրման վերաբերյալ, որը սպառնում է անկայունացնել ամբողջ Մերձավոր Արևելքը։ ԵՄ-ն միշտ հստակ է եղել, որ Իրանին չպետք է թույլատրվի ձեռք բերել […] ...
23:30 15.06.2025
Իսրայելը հարվածել է Իրանի արտաքին գործերի նախարարության շենքերից մեկինԻսրայելը հարվածել է Իրանի արտաքին գործերի նախարարության շենքերից մեկին, վիրավորվել են մի քանի քաղաքացիական անձինք, այդ թվում՝ դիվանագետներ, հայտարարել է Իրանի արտաքին գործերի փոխնախարար Սաիդ Խատիբզադեն։ «Իսրայելի ռեժիմը դաժան հարձակում է գործել Իրանի արտաքին գործերի նախարարության շենքերից մեկի վրա, որը գտնվում է Թեհրանում։ Այս հարձակման հետևանքով վիրավորվել են մի քանի քաղաքացիական անձինք, այդ թվում՝ իմ […] ...
23:15 15.06.2025
Գատուզոն դարձել է Իտալիայի ֆուտբոլի ազգային հավաքականի գլխավոր մարզիչը2006 թվականի աշխարհի չեմպիոն Ջենարո Գատուզոն նշանակվել է Իտալիայի ֆուտբոլի ազգային հավաքականի գլխավոր մարզիչ: Այս մասին հայտնել է ազգային հավաքականի մամուլի ծառայությունը: Ավելի վաղ Լուչիանո Սպալետին հայտարարել է Իտալիայի ազգային հավաքականի գլխավոր մարզչի պաշտոնից հեռանալու մասին, որը նա գլխավորում էր 2023 թվականից։ «Գատուզոն իտալական ֆուտբոլի խորհրդանիշ է, ազգային հավաքականի համազգեստը նրա համար երկրորդ մաշկի պես […] ...
23:06 15.06.2025
Իրանի զինված ուժերը կոչ են արել իսրայելցիներին լքել կարևորագույն ենթակառուցվածքային օբյեկտների տարածքներըԻրանի զինված ուժերի խոսնակը հայտարարություն է տարածել՝ կոչ անելով իսրայելցիներին լքել կարևորագույն ենթակառուցվածքային օբյեկտների մոտ գտնվող տարածքները: «Հարվածները կուղղվեն կարևորագույն օբյեկտներին, այդ թվում՝ ռազմական և անվտանգության կենտրոններին, որոշումների կայացման կենտրոններին և հրամանատարների շտաբներին», – ընդգծել է նա Իրանի պետական հեռուստատեսության եթերում։ Նշվել է, որ ստորգետնյա ապաստարանները չեն կարող համարվել հրեական պետության բնակչության համար անվտանգ վայր։ […] ...
22:55 15.06.2025
Նեթանյահուն հայտնել է, որ ԱՄՆ-ն օգնում է Իսրայելին հետ մղել Իրանի հարձակումներըՄիացյալ Նահանգներն օգնում է իսրայելական ուժերին՝ հետ մղելու Իրանի կողմից հրեական պետության դեմ ուղղված պատասխան հարվածները: Այս մասին հայտարարել է Իսրայելի վարչապետ Բենիամին Նեթանյահուն Fox News հեռուստաալիքին տված հարցազրույցում: «Ես խորապես շնորհակալ եմ նախագահ Թրամփի՝ Իսրայելը պաշտպանելուն օգնելու որոշման համար», – շեշտել է նա՝ պատասխանելով այն հարցին, թե արդյոք ամերիկյան կողմը հրեական պետությանը տրամադրում է […] ...
22:45 15.06.2025
Նեթանյահուն հայտարարել է Իրանի հետախուզության ղեկավարին չեզոքացնելու մասինԻսրայելի վարչապետ Բենիամին Նեթանյահուն կիրակի օրը հայտարարեց, որ Իսրայելը չեզոքացրել է Իրանի հետախուզության ղեկավարին և նրա տեղակալին։ «Կարող եմ ձեզ ասել, որ մի քանի րոպե առաջ մենք նաև հարվածեցինք Թեհրանում գտնվող հետախուզության բարձրաստիճան պաշտոնյային և նրա տեղակալին։ Մենք թիրախավորում ենք ռազմական օբյեկտներ, միջուկային օբյեկտներ», – ասել է Նեթանյահուն Fox News-ին։ Նա հավելել է, որ Իսրայելի […] ...
