13:34 21.01.2019
Այսօր խորհրդարանում «Լուսավոր Հայաստան» խմբակցության անդամ Անի Սամսոնյանն ասել է, որ իրենք արդեն 3 օրենսդրական նախագիծ են դրել շրջանառության մեջ։
«Սահմանված կարգի խախտմամբ պարտադիր զինվորական ծառայություն չանցած քաղաքացիների մասին ՀՀ օրենքում փոփոխություն կատարելու մասին» օրենքի նախագիծն է, ըստ որի՝ պարտադիր զինվորական ծառայությունից խուսափած քաղաքացիները սահմանված ժամկետում կարող են մուծել սահմանված վճարը և վերադառնալ հայրենիք՝ խուսափելով քրեական հետապնդումից»,- ասել է Սամսոնյանը՝ հավելելով, որ օրենքի հեղինակը Գևորգ Գորգիսյանն է:
Ըստ «Լուսավոր Հայաստան» խմբակցության անդամների՝ իրենք շրջանառության մեջ են դրել նաև «Քրեական օրենսգրքում փոփոխություններ և լրացումներ կատարելու մասին» օրենքի նախագիծը, որով, մասնավորապես, նախատեսվում է դատախազին հավասար իրավական պաշտպանություն սահմանել փաստաբանի համար:
«Վերջին ժամանակահատվածում մենք տեսնում ենք փաստաբանների գործունեության նկատմամբ ոտնձգություններ: Օրենքը նպատակ ունի, որպեսզի փաստաբանի գործունեության պաշտպանությունը բարձրանա բավարար մակարդակի վրա, ինչպիսին դատախազինն է, քննիչինը կամ դատական ակտերի հարկադիր ծառայողինը: Մենք այսպիսով կարևորում ենք նաև փաստաբանի դերակատարությունն արդար դատաքննության և իրավական պետություն ստեղծելու հարցում: Առաջարկում ենք, որպեսզի փաստաբանական գործունեության նկատմամբ ցանկացած ոտնձգություն պատժվի նվազագույն աշխատավարձի 200-ից 300-ապատիկի չափով: Կամ 1-3 տարի ազատազրկմամբ»,- ասել է Սամսոնյանը:
Ինչ վերաբերում է երրորդ առաջարկին։
«Եթե հիշում եք, 2018 թվականի տարեվերջին Էդմոն Մարուքյանը ներկայացրել էր մեկ նախագիծ, որով առաջարկվում էր կալանավորման մեկ օրը հավասարեցնել ազատազրկման ձևով նշանակվող պատժի 1.5 օրվան: Այս նախագիծը կառավարությունն անցած տարի մերժեց, բայց, դուք գիտեք, մենք շատ համառ ենք, այն նորից դրել ենք շրջանառության մեջ, որովհետև այն ունի ոչ միայն մարդասիրական նշանակություն, այն նաև միտված է, որպեսզի քրեակատարողական հիմնարկները բեռնաթափվեն: Գիտենք նաև, որ քրեական գործերի քննությունները շատ են ձգձգվում: Երկար ժամանակ մարդիկ մնում են կալանքի տակ, նախնական կալանքն իրենից ենթադրում է ավելի խիստ պայմաններ, այս իսկ պատճառով մենք նախաձեռնել ենք, որպեսզի այս նախագիծը նորից դրվի շրջանառության մեջ»,- ասել է Սամսոնյանը:
21:49 16.06.2025
Ջենարո Գատուզոն` Իտալիայի հավաքականի գլխավոր մարզիչ«Միլանի», «Նապոլիի», «Վալենսիայի», «Մարսելի» և «Հայդուկի» նախկին մարզիչ Ջենարո Գատուզոն նշանակվել է Իտալիայի ազգային հավաքականի գլխավոր մարզիչ։ Այս մասին հաղորդում է հավաքականի մամուլի ծառայությունը: Գատուզոյի պայմանագրի ժամկետը հայտնի չէ: Իտալացին այս պաշտոնում փոխարինել է Լուչանո Սպալետիին, որն օրեր առաջ հեռացվել էր հավաքականի ղեկից: ...
21:27 16.06.2025
Ընթացքի մեջ են Վերիշեն-Խոզնավար 18.3կմ երկարությամբ ճանապարհի հիմնանորոգման աշխատանքներըՎերիշեն-Խոզնավար 18.3կմ երկարությամբ ճանապարհի հիմնանորոգման աշխատանքներն ընթացքի մեջ են։ Այս մասին հայտնել են «Ճանապարհային դեպարտամենտ» հիմնադրամից: Երեսուն և ավելի տարիներ անմխիթար վիճակում գտնվող ճանապարհը վերականգնվում է ՀՀ պետական բյուջեի միջոցներով։ Այժմ ընթանում են մայթերի, հողային պաստառի կառուցման, երկաթբետոնե արհեստական կառուցվածքների նորոգման, և այլ աշխատանքներ։ Կառուցվում են նաև ջրահեռացման համակարգեր։ Ճանապարհի մի մասը գտնվում է Գորիս […] ...
21:18 16.06.2025
ՆԳ նախարար Արփինե Սարգսյանն ամփոփել է Բրյուսել կատարած աշխատանքային այցը․ ձեռք են բերվել մի շարք պայմանավորվածություններՀունիսի 10-ից 12-ը ՆԳ նախարար Արփինե Սարգսյանի գլխավորած պատվիրակությունը աշխատանքային այցով գտնվում էր Բելգիայի Թագավորությունում։ Այս մասին հայտնել են ՆԳՆ-ից: Նախարարը բրյուսելյան այցի շրջանակներում հանդիպումներ է ունեցել Եվրոպական Միության հանձնակատարների և Բելգիայի պաշտոնակիցների հետ՝ քննարկելով Ներքին գործերի նախարարության, ենթակա կառուցվածքային միավորների գործունեությանն ու համագործակցությանը վերաբերող հարցեր։ Հանդիպումների ընթացքում պայմանավորվածություններ են ձեռք բերվել փորձագիտական պատվիրակության Հայաստան […] ...
21:12 16.06.2025
Պետական-իրավական հարցերի մշտական հանձնաժողովը դրական եզրակացություն է տվել երկրորդ ընթերցմամբ քննարկված նախաձեռնություններինՊետական-իրավական հարցերի մշտական հանձնաժողովը հունիսի 16-ին գումարած արտահերթ նիստում երկրորդ ընթերցմամբ քննարկել է Քրեական օրենսգրքում փոփոխություններ նախատեսող օրենսդրական նախաձեռնություններ: Այս մասին հայտնել են ԱԺ-ից: «ՀՀ քրեական օրենսգրքում լրացում կատարելու մասին» օրենքի նախագիծը ներկայացրել է ՀՀ ներքին գործերի նախարարի տեղակալ Արմեն Մկրտչյանը: Նախատեսվում է տրանսպորտային միջոցների բաղադրիչ մասերի, սարքերի կամ սարքավորումների գողությունը դիտարկել որպես գողության հանցակազմի […] ...
21:04 16.06.2025
Հունիսի 17-ին ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հունիսի 17-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Արաբկիր վարչական շրջան՝ 11։00-17։00 Գրիբոյեդովի փ. 21/5-60 շենքեր, Ադոնցի փ. 21/2-21/3 շենքեր, Արղության փ. 29-40 շենքեր, Քանաքեռ ՀԷԿ թաղ. «Արփա Սևան» ԲԲԸ, Շրջանցիկ Թունել՝ «Ջերմատնային տնտեսությունների վարչություն» ոչ բնակիչ-բաժանորդ, «Հայ արիներ» Հայկազունների ազգային […] ...
