16:54 29.01.2019
Հայտնի է, որ սկսած 1995թ. իր առաջին հրապարակումից՝ «Թրանսփարենսի Ինթերնեշնլ»-ի ամենանշանակալի հրապարակումը՝ Կոռուպցիայի ընկալման համաթիվը, դարձավ հանրային ոլորտում կոռուպցիայի վերաբերյալ համաշխարհային առաջատար ցուցիչը: Համաթիվը տալիս է կոռուպցիայի հարաբերական աստիճանի տարեկան պատկերը՝ դասակարգելով պետություններն ըստ համաթվի արժեքների: 2012 թվականին «Թրանսփարենսի Ինթերնեշնլը» վերանայեց համաթվի հաշվարկման համար օգտագործվող մեթոդաբանությունը, որը հնարավորություն տվեց տարի առ տարի համեմատելու համաթվի արժեքները:
0-ից 100 միավորի սանդղակում Կոռուպցիայի ընկալման համաթվի ամենալավ ցուցանիշն ունեցող 5 երկրներն են Դանիան, Նոր Զելանդիան, Ֆինլանդիան, Սինգապուրը:
Հարցին՝ ինչպե՞ս է ստացվում, որ կոռուպցիայի ընկալման համաթվի հարցում լավ ցուցանիշ են ունենում նաև ոչ ժողովրդավար երկրները, ԹԻՀԿ ծրագրերի ղեկավար Վարուժան Հոկտանյանն այսպես է արձագանքել.
«Կարողանում է երկրի ղեկավարությունը հստակ դնել խնդիրները, նպատակներ, թե տնտեսական ինչպիսի և դրանից բխող նաև քաղաքական բարեփոխումներ պետք է անի: Օրինակ՝ Բելառուսում փորձագետները տեսել են, որ եթե Լուկաշենկոյի ընտանիքը հանում ես, մնացած դեպքերում բավականին մաքուր է, այսինքն՝ դատարանները, առողջապահական, կրթական հիմնարկությունները մաքուր են: Դա փորձագետներին զարմացրեց: Այստեղ կոռուպցիայի ձևը վերևների՝ էլիտայի կոռուպցիան է: Նույնը Վրաստանում է՝ Սաակաշվիլու ժամանակ: Ներքևներում բավականին մաքուր էր, բայց այդ ամենը բարձրացել էր վերև: Բայց Վրաստանը 100-ի սանդղակում 58-րդ տեղում է, այսինքն՝ այլևս խնդիր չէ կոռուպցիան երկրի համար, բայց խնդիրներ դեռևս կան»:
ԹԻՀԿ ծրագրերի ղեկավարը նաև նշել է, որ վերոնշյալ երկրները կարելի է բացառություններ համարել, և ինքն այն կարծիքին չէ, որ ուժեղ ձեռքով կարելի է վերացնել կոռուպցիան, կամ նվազագույնի հասցնել.
«Եթե չկան սոցիալական լուրջ բարեփոխումներ, ես չեմ պատկերացնում, որ հնարավոր կլինի դա անել: Սինգապուրը գնաց հենց այդ ճանապարհով՝ փորձեց մեղմել սոցիալական ճնշումները, բևեռացվածությունը սկսեց վերացնել»,- հավելել է բանախոսը:
Հիշեցնենք, որ Կոռուպցիայի ընկալման համաթվի հարցում ամենից վատ ցուցանիշ ունեն Սոմալին, ապա Սիրիան, Հարավային Սուդանը, Եմենը, Հյուսիսային Կորեան:
20:21 16.06.2025
Հայտնաբերվել է 391 ոչ սթափ վարորդ․ պարեկների անցած շաբաթվա ծառայության արդյունքներըՀունիսի 9-ից 16-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5141 խախտում՝ պահպանվող հատուկ տարածք տեղափոխելով 210 ավտոմեքենա։ Մասնավորապես, հայտնաբերվել է ոչ սթափ 168 վարորդ, առանց վարորդական իրավունքի վկայականի՝ 313 անձ։ Հայտնաբերվել է հաշվառման համարանիշի հետ կապված՝ 24, չամրակապված վարելու՝ 1158, առանց մանկական նստատեղի՝ քարսիթի՝ 17, վարելու ընթացքում ծխելու՝ 461, վարելիս […] ...
20:12 16.06.2025
«Բավարիայի» ջախջախիչ հաղթանակը ԱԱԱ-ումԱշխարհի ակումբային առաջնության C խմբի առաջին տուրում Մյունխենի «Բավարիան» 10-0 հաշվով հաղթել է նորզելանդական «Օքլենդ Սիթիին»։ Հեթ-տրիկ է ձևակերպել Ջամալ Մուսիալան, դուբլ են գրանցել Կինգսլի Կոմանը, Մայքլ Օլիսեն ու Թոմաս Մյուլերը, մեկ գոլ էլ խփել է Սաշա Բոեն։ ...
19:53 16.06.2025
«Կրթության կառավարում և առաջնորդություն» վերապատրաստման ծրագրի նպատակը դպրոցի տնօրենի հավակնորդների կարողությունների զարգացումն էԱմփոփվել է հանրակրթական ուսումնական հաստատությունների տնօրենների հավակնորդների համար նախատեսված «Կրթության կառավարում և առաջնորդություն» յոթամսյա վերապատրաստման ծրագիրը։ Ծրագիրն իրականացվել է ՀՀ կրթության, գիտության, մշակույթի և սպորտի նախարարության աջակցությամբ և Եվրոպական միության ֆինանսավորմամբ՝ ՄԱԿ-ի մանկական հիմնադրամի՝ ՅՈՒՆԻՍԵՖ-ի և «Այբ» կրթական հիմնադրամի համատեղ ջանքերով։ Ծրագրի ամփոփիչ միջոցառումը տեղի է ունեցել «Այբ» դպրոցում. ծրագրի մասնակիցները ներկայացրել են իրենց կազմած […] ...
19:48 16.06.2025
2021-24 թթ.-ին ՀՀ տնտեսությունում միջինում գրանցվել է 8,1% տնտեսական աճԿառավարությունը նախատեսում է 5 տարում 4,5 տոկոսով կրճատել պետբյուջեի պակասուրդը: Այս մասին այսօր մամուլի ասուլիսին հայտնել է Ֆինանսների նախարարը: Վահե Հովհաննիսյանն անդրադարձել է նաև Հայաստանի տնտեսության վրա իրանա-իսրայելական հակամարտության հնարավոր ազդեցությանը: Մանրամասները՝ ռեպորտաժում: ...
19:42 16.06.2025
Օպերատիվ իրավիճակը հանրապետությունում հունիսի 13-6-ըՕպերատիվ իրավիճակը հանրապետությունում հունիսի 13-6-ը: Բացահայտվել է 267 հանցագործություն, որոնցից 2-ը՝ նախկինում կատարված: Մասնավորապես՝ ☑️42 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, ☑️25 դեպք՝ թմրանյութի հայտնաբերման, ☑️24 դեպք՝ անձնական ունեցվածքի գողության, ☑️23 դեպք՝ մարմնական վնասվածք պատճառելու, ☑️21 դեպք՝ ֆիզիկական ներգործության, ☑️16 դեպք՝ հոգեկան […] ...
