19:30 02.02.2019
Գյումրիում երթուղային նոր ցանց է լինելու: Ուսումնասիրություններն ու նախագծման աշխատանքներն արդեն սկսված են։ Մեկ տարի առաջ էր մեկնարկելու փոփոխությունների նախագիծը, որը հետաձգվեց փողոցաշինական ծրագրերի ուշ մեկնարկի ու անավարտ մնալու պատճառով: Քաղաքում երթուղիների սպասարկումը անհամաչափ է կազմակերպված՝ որոշ թաղամասերում տրանսպորտ աշխատում է, մյուսներում երթուղայինների թիվն է քիչ, իսկ երեկոյան ժամերին տրանսպորտը հատկապես ծայրամասային թաղամասերում չի գործում:
:
Տրանսպորտով Գյումրիի մի ծայրից մյուսը հասնելու համար ամենաշատը 15 կմ է պետք անցնել, իսկ ընդհանուր առմամբ՝ քաղաքը զբաղեցնում է 3626 հեկտար տարածք: Բնակիչներին սպասարկում է 2 ավտոբուսային և 11 միկրոավտոբուսային երթուղի:
Ինը տարի է՝ Գյումրիում երթուղային ցանցը չի փոխվել, իսկ բնակչության ներքին տեղաշարժն ավելի արագ է եղել՝ շատերը տնակներից տեղափոխվել են նորակառույց թաղամասեր, արդյունքում շահել են նոր թաղամասերը սպասարկող երթուղիների ընկերությունները:
Ուղևորները տրանպորտի անկանոն աշխատանքից են դժգոհւմ, վարորդները՝ սակավաթիվ ուղևորներիցից: Ասում են՝ երթուղին սպասարկելը ֆինանսապես ձեռնտու չէ՝ օրվա մեծ մասը քաղաքում շրջում են կիսադատարկ:
Դա իր հերթին, փողոցների քանդված վիճակը՝ մյուս, պատճառ են երթուղիների սպասարկումից հրաժարվելու՝ դեկտեմբերին հայտարարված հերթական երթուղիների մրցույթին մասնակցող ընկերություններ չեն եղել:
Հրաժարված երթուղիները դարձյալ 11, 14 և 28 համարներն են: Նրանց համար նոր մրցույթ չի հայտարարվի, իսկ մյուս երթուղիների սպասարկման պայմանագրերի ժամկետներն էլ մայիս- հունիս ամիսներին կավարտվեն ու կլուծարվեն: Քաղաքում նոր երթուղային ցանց է ներդրվելու, դրա համար էլ ընկերությունների հետ նոր պայմանագրեր չեն կնքվելու:
Ուսումնասիրություններն ու քարտեզագրման աշխատանքները սկսված են են, հունիս ամսին կհայտարարվի մրցույթ, որին իրավունք ունեն մասնակցել տարբեր ընկերություններ, բայց տրանսպորտային ցանցի շահագործումը այսուհետ իրականացնելու է միայն մեկ կազմակերպություն:
Նոր երթուղային ցանցի սպասարկման առավելությունը կտրվի այն ընկերությանը, որը կունենա համեմատաբար նոր տրանսպորտային միջոցներ, սակագնի փոփոխություն չի անի, իսկ նույն ուղեգծով կաշխատի միայն մեկ տրանսպորտային միջոց:
Կփոխվեն երթուղիները, տրանսպորտի համարներն ու ժամաքանակը: Նախատեսում են առավոտյան 07.30-ից մինչև 21.30-սահմանել տրանսպորտի աշխատանքը: Նոր երթուղային ցանցի ներդրմանը զուգահեռ քաղաքի կենտրոնական փողոցներում կտեղադրվեն նաև նոր կանգառներ, որոնք հագեցած կլինեն GPSհամակարգով, ինտերնետով, իսկ հատուկ համակարգով ուղևորները կհետևեն երթուղայինների տեղաշարժին:
Առաջին 35 սմարթ կանգառները Գյումրիում կտեղադրվեն մարտ-ապրիլ ամիսներին:
13:00 02.08.2025
Սելարայանի գեղեցիկ գոլն ու «Բելգրանոյի» հաղթանակը․ Արգենտինայի գավաթԱրգենտինայի գավաթի խաղարկության 1/8 եզրափակչում «Բելգրանոն» 2-0 հաշվով հաղթել է «Ինդեպենդյենտեին»։ «Բելգրանոյից» ամբողջ հանդիպմանը մասնակցել է թիմ ավագ, Հայաստանի ազգային հավաքականի կիսապաշտպան Լուկաս Սելարայանը, որը նաև գեղեցիկ գոլի հեղինակ է դարձել 71-րդ րոպեին։ Սելարայանը ճանաչվել է հանդիպման լավագույն ֆուտբոլիստ։ Սելարայանի թիմը դուրս է եկել քառորդ եզրափակիչ, որտեղ կմրցի «Աթլետիկո Տուկուման» – «Նյուելս Օլդ Բոյս» զույգի […] ...
12:49 02.08.2025
Արմավիրի համայնքային ոստիկաններին տեսնելով` երիտասարդը դիմեց փախուստի. նրա ձեռքին եղած կիսաչոր կանեփը կշռում էր մոտ 12 կիլոգրամՀամայնքային ոստիկանության Արմավիրի բաժնում ստացվել էր օպերատիվ տեղեկություն, որ Արևիկ գյուղի բնակչ 53-ամյա մի տղամարդ հողամասում աճեցնում է կանեփ ու նաև ապօրինի պահում է թմրամիջոց։ Տեղեկությունը ստուգվեց հուլիսի 30-ին: Մինչ համայնքային ոստիկանները կհասնեին սեփականաշնորհված հողամաս` ճանապարհին նկատեցին մի երիտասարդի, որը կանեփի բույսեր ձեռքին վազում էր։ Ժամը 14.35-ին նա ձերբակալվեց և տեղափոխվեց բաժին: Պարզվեց, որ փախչողը […] ...
12:40 02.08.2025
Երևանի քրեական ոստիկանները հայտնաբերել են հետախուզվողի․ խափանման միջոցը կալանքՔրեական ոստիկանության Երևան քաղաքի վարչության մարդու դեմ ուղղված հանցագործությունների դեմ պայքարի բաժնի ծառայողները հետախուզվողի թաքնվելու վայրի վերաբերյալ ստացած օպերատիվ տեղեկությունն իրացրին հուլիսի 31-ի առավոտյան: Ժամը 10-ին Կոմիտասի պողոտայում հայտնաբերվեց և վարչություն տեղափոխվեց մայրաքաղաքի Մամիկոնյանց փողոցի բնակիչ 40-ամյա տղամարդ։ Նա հուլիսի 23-ից հետախուզվում էր զենքի կամ նախապես պատրաստված կամ հարմարեցված առարկայի գործադրմամբ առողջությանը ծանր վնաս պատճառելու […] ...
12:39 02.08.2025
Թուրքիայում ձերբակալվել են ահաբեկչական հարձակումներ նախապատրաստելու մեջ կասկածվող անձինքԹուրքիայի իրավապահ մարմինները երկրի հյուսիս-արևմուտքում գտնվող Բուրսայում ձերբակալել են չորս անձանց, որոնք կասկածվում են հանրապետությունում ահաբեկչական հարձակումներ նախապատրաստելու մեջ, հաղորդում է կառավարամետ «Türkiye» թերթը։ Ըստ տեղեկությունների՝ իրավապահ մարմինների աշխատակիցները Բուրսա նահանգի մուտքի մոտ կանգնեցրել են կասկածելի մեքենա, և ուղևորներից առգրավվել է երկու ձեռքի նռնակ։ «Կազմակերպված հանցագործության դեմ պայքարի բյուրոյի կողմից անցկացված հետաքննության ընթացքում պարզվել է, […] ...
12:35 02.08.2025
Իրավապահները Տափերական գյուղում հայտնաբերել են հրացաններՔրեական վարույթի շրջանակում, դատարանի որոշմամբ, հուլիսի 30-ին Քրեական ոստիկանության Արարատի մարզային վարչության և Արարատի մարզային քննչական վարչության ծառայողները խուզարկել են Արարատի մարզի Տափերական գյուղի բնակիչ 27-ամյա երիտասարդի տունը՝ հայտնաբերելով երկու հրացան։ Պարզվել է, որ դրանք տարիներ առաջ երիտասարդի հայրն է բերել Լեռնային Ղարաբաղից։ Հանգամանքները նախաքննությամբ պարզվում են։ ...
12:30 02.08.2025
«Սեուլ»-«Բարսելոնա» խաղում 10 գոլ է գրանցվել«Բարսելոնան» Կորեայի Հանրապետության մայրաքաղաք Սեուլում ընկերական հանդիպում է անցկացրել մայրաքաղաքի համանուն թիմի հետ և հաղթել 7-3 հաշվով: Առաջին խաղակեսում «Բարսելոնան» հաղթել է 3-2 հաշվով, իսկ երկրորդ կեսում ևս չորս գնդակ է ուղարկել հարավկորեական թիմի դարպասը, սեփականն ընդունելով միայն մեկը: Ընդորում Հանսի Ֆլիկը երկրորդ խաղակեսում դաշտ է դուրս բերել ամբողջությամբ այլ կազմ: Սա «Բարսելոնայի» երկրորդ ընկերական […] ...
