16:41 13.02.2019
ԱԺ-ում լրագրողները ՀՀ ֆինանսների նախարար Ատոմ Ջանջուղազյանից հետաքրքրվել են, թե ինչո՞ւ նախկինում կառավարությունը մինչ ԱԺ ներկայացնելը ծրագիրը բերում էր խորհրդարան, սակայն այսօր այդ ավանդույթը խախտվել է, և ԱԺ պատգամավորները միայն լիագումար նիստի ընթացքում հնարավորություն ունեն դիտողություններ ու առաջարկներ անել: Նման դժգոհություն էին հայտնել ընդդիմադիր պատգամավորները:
«Կառավարության ծրագիրը կառավարության ծրագիրն է, և պատասխանատուն կառավարությունն է, չի կարող լինել իրավիճակ, երբ ընդդիմությունը հնարավորություն ունենա փոխել կառավարության ծրագիրը, բայց պատասխանատուն լինի կառավարությունը, այդպիսի իրավիճակ չի կարող լինել, դա կառաջացնի խզում: Ծրագրի նկատմամբ հսկողությունն է, ոչ թե ծրագրի մեջ փոփոխություն կատարելը: Վերահսկողություն ասելով՝ նկատի ունենք ոչ թե ցանկացած ձևաչափով փոփոխություն, այլ վերահսկողությունը ենթադրում է, որ համաձայնել ենք մտքի հետ, որ իրավունքների գերակայության երկրում ենք մեզ տեսնում, դա նույնպես կարգավորումների շրջանակում իրականացվող գործընթաց է»:
Իսկ ծրագրում թվերի պակասը լրացնում են այլ փաստաթղթերը, որոնք կառավարությունը տարվա ընթացքում ներկայացնում է ԱԺ-ի քննարկմանը: Կառավարության անդամն այսպես արձագանքեց մտահոգությանը.
«Բացի կառավարության ծրագրից, կառավարությունը նաև այլ փաստաթղթեր է ներկայացնում ԱԺ, միջնաժամկետ ծախսերի ծրագիր, իրազեկվում է ԱԺ-ին և ներկայացվում յուրաքանչյուր տարվա համար նախագիծ, շատ էական կլինի պատգամավորների մասնակցությունը ծրագրին, որովհետև դրանից է կախված, թե որքանով կկարողանան դատողություն անել այս կամ այն ծրագրի արդյունավետության համար, դա արդյունավետությունը գնահատելու միակ ճանապարհն է»:
Հարցին, թե քաղաքացին, ի վերջո, ե՞րբ կտեսնի սոցիալական վիճակի բարելավում, նախարարը պատասխանեց.
«Սպասելը լավ բան չի, պետք է մասնակից լինել, այսինքն՝ եթե ակնկալում ենք, որ պասիվ կրավորական կեցվածքով մեզանից յուրաքանչյուրը, որպես ՀՀ քաղաքացի, պետք է սպասի, մնացածն ինքն իրեն տեղի կունենա, դժվար թե տեղի ունենա»:
Նա առաջարկեց աշխատել, ոչ թե սպասել նպաստառուների ցանկը համալրելու հույսով:
«Աշխատենք, միակ ճանապարհն աշխատելն է, սպասել, թե մեր փոխարեն ուրիշը կաշխատի, դատապարտված է: Թող գործազուրկներն օգտվեն աշխատանքի առաջարկվող հնարավորություններից այնպես, ինչպես այդ նույն գործազուրկներն օգտվում են այլ երկրներում, այստեղ կարծում են, որ այդ աշխատանքն ընդունելի չէ, բայց այլ երկրներում անում են»,- ասաց ֆինանսների նախարարը:
21:55 04.06.2025
ՆԳՆ շրջիկ սպասարկման գրասենյակները հունիսի 5-ին ծառայություններ կմատուցեն Տավուշի և Գեղարքունիքի մարզերումՆԳ նախարարի հրամանի համաձայն՝ հունիսի 5-ին ծառայություններ կմատուցվեն Տավուշի և Գեղարքունիքի մարզերի հետևյալ բնակավայրերում․ ժամը 11:30-13:30-ը, Տավուշի մարզի Աչաջուր բնակավայրում՝ գյուղապետարանի հարևանությամբ, ժամը 14:00-16:00-ը, Տավուշի մարզի Սևքար բնակավայրում՝ գյուղապետարանի հարևանությամբ, ժամը 11։30-15։30-ը, Գեղարքունիքի մարզի Ճամբարակ համայնքում՝ համայնքապետարանի հարևանությամբ։ Հունիսի առաջին շաբաթվա գրաֆիկի համաձայն՝ շրջիկ ձևաչափով կարող եք սպասարկվել ձեր համայնքներում՝ տեղում ստանալով հանրային ծառայություններ։ Յուրաքանչյուր […] ...
21:53 04.06.2025
Երևանի քաղաքապետի տեղակալը մասնակցել է Հայ-ֆրանսիական ապակենտրոնացված համագործակցության 5-րդ համաժողովինՀայ-ֆրանսիական ապակենտրոնացված համագործակցության 5-րդ համաժողովն այս տարի անցկացվեց Գորիսում: Համաժողովին մասնակցում էր Երևանի փոխքաղաքապետ Լևոն Հովհաննիսյանը: Այս մասին հայտնել են Երևանի քաղաքապետարանից: Ելույթի իր խոսքում ողջունելով ներկաներին՝ վերջինս առանձնակի կարևորել է հայ-ֆրանսիական ապակենտրոնացված համագործակցության խորացումը գործընկեր քաղաքների և շրջանների հետ տարբեր ուղղություններում ու ոլորտներում: Մասնավորապես՝ Երևանը գործակցում է Փարիզի, Լիոնի, Մարսելի, Նիսի (Նիցա) և Իլ […] ...
21:46 04.06.2025
Հայտնի է՝ ինչ թեմաներ են քննարկել Պուտինն ու ԹրամփըԱՄՆ նախագահ Դոնալդ Թրամփը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ «Ես հենց նոր ավարտեցի հեռախոսազրույցը Ռուսաստանի նախագահ Վլադիմիր Պուտինի հետ։ Զրույցը տևել է մոտավորապես 1 ժամ 15 րոպե: Քննարկեցինք Ուկրաինայի կողմից օդանավակայանում ռուսական ինքնաթիռների վրա հարձակումը, ինչպես նաև երկուստեք իրականացված այլ հարձակումները», – գրել է Թրամփը իր Truth Social էջում։ Սպիտակ տան ղեկավարը […] ...
21:41 04.06.2025
Նախարար Մկրտչյանը և պատգամավորներ Տիգրանյանն ու Բաթոյանը եթերում կպատասխանեն քաղաքացիների հարցերինՀՀ աշխատանքի և սոցիալական հարցերի նախարար Նարեկ Մկրտչյանը, ԱԺ պատգամավորներ Հերիքնազ Տիգրանյանը և Զարուհի Բաթոյանը, հունիսի 25-ին՝ ժամը 18։00-ից, եթերում կպատասխանեն ՀՀ քաղաքացիների և սփյուռքի մեր հայրենակիցների՝ աշխատանքային իրավունքի, զբաղվածության և սոցիալական ոլորտի վերաբերյալ տեսահարցերին: Այս մասին հայտնել են ՀՀ կառավարությունից։ «Խնդրում ենք հարցերը տեսագրված հաղորդագրությունների տեսքով նախապես ուղարկել WhatsApp հավելվածի +374 44 900-800 հեռախոսահամարին՝ […] ...
21:34 04.06.2025
Արարատի մարզի Այգավան գյուղում բախվել են «Toyota»-ն և 2 «ՎԱԶ 2106»-երըՀունիսի 4-ին, ավտովթար է տեղի ունեցել Արարատի մարզում: Ժամը 18:00-ի սահմաններում Այգավան գյուղում բախվել են Երևանի բնակիչ 40-ամյա Գևորգ Չ.-ի վարած «Toyota» մակնիշի, Արարատի մարզի բնակիչներ 37-ամյա Նորայր Գ.-ի վարած «ՎԱԶ 2106» մակնիշի և 60-ամյա Գեղամ Ա.-ի վարած «ՎԱԶ 2106» մակնիշի ավտոմեքենաները: Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների տուժածներ չկան: Վթարի փաստով […] ...
